प्रस्‍थान 4:8 - नेवाः बाइबल

⁸ अले परमप्रभुं धयादिल, “इमिसं छंगु न्‍हापांगु अजू चायापुगु चिंयात पत्‍याः मयासां लिपायागु चिंयात पत्‍याः याये फु।

प्रस्‍थान 4:8 ပူးပေါင်းရင်းမြစ်များ

२ राजा 5:7

व पौ ब्‍वनेवं इस्राएलया जुजुं थःगु वसः खुनाः धाल, “सुयातं स्‍याइम्‍ह व म्‍वाकीम्‍ह छु जि परमेश्‍वर खः ला? थ्‍व मनुखं छम्‍ह छेंगूया पुनेयःगु ल्‍वचं कःम्‍ह मनूयात लाय्‌काब्‍यु धकाः जिथाय् छाय् छ्वयाहःगु? जिं स्‍वयेबलय् वं लडाइँ यायेत त्‍वह तयाच्‍वंगु दु।”

अय्‍यूब 5:18

छाय्‌धाःसा वय्‌कलं घाःपाः यानादी, तर वय्‌कलं पट्टी चिनादी, वय्‌कलं घाःपाः यानादी, तर वय्‌कःया ल्‍हातं लाय्‌का नं दी।

प्रस्‍थान 4:28

अनंलि मोशां हारूनयात परमप्रभुं धाय्‌के छ्वयाहयादीगु फुक्‍क खँ कन। अले वय्‌कलं थःत यानाः क्‍यनेत उजं बियादीगु अजू चायापुगु चिंया बारे नं कन।

प्रस्‍थान 4:7

वय्‌कलं हानं धयादिल, “थःगु ल्‍हाः हानं गाया दुने दुछ्व।” अले वं थःगु ल्‍हाः हानं गाया दुने छ्वत। पिकाःबलय् वयागु ल्‍हाः न्‍हापा गथे खः अथे हे जुल।

प्रस्‍थान 4:9

अय्‌नं इमिसं थ्‍व निगूगु चिंयात नं पत्‍याः मयानाः छंगु खँ मन्‍यंसा छ वनाः नील खुसियागु लः भतिचा कयाः गंगु बँय् प्‍वंकाब्‍यु। बँय् व लः हि जुइ।”

यशैया 28:10

छाय्‌धाःसा थथे भतिचा थन, भतिचा अन हे स्‍यनेगु, अले हानं हानं कनेगु, अले हानं हानं धायेगु।”

यूहन्‍ना 12:37

इमिसं खंक खंक हे उलिमछि चिं वय्‌कलं यानाः क्‍यनादिल नं इमिसं वय्‌कःयात विश्‍वास मयाः।

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।

न्‍यायकर्ता 6:17

गिदोनं लिसः बिल, “छि जि खनाः लय्‌ताःसा, जि परमप्रभुलिसे खँ ल्‍हाना च्‍वनागु दु धयागु खँय् पत्‍याः यायेत छगू चिं बियादिसँ।