प्रस्‍थान 3:9 - नेवाः बाइबल

⁹ आः इस्राएलीत तःसलं ख्‍वःगु सः जिथाय् थ्‍यंगु दु। मिश्रीतय्‌सं इमित गुलि सह याये मफय्‌क दुःख ब्‍यूगु दु व नं जिं खनागु दु।

प्रस्‍थान 3:9 ပူးပေါင်းရင်းမြစ်များ

उत्‍पत्ति 16:11

वं धाल, “छं आः प्‍वाथय् दु। छं छम्‍ह काय् बुइकी। अले वयागु नां इश्‍माएल तइ। छाय्‌धाःसा परमप्रभुं छ ख्‍वःगु न्‍यनादीगु दु।

उत्‍पत्ति 31:12

“वय्‌कलं धयादिल, ‘स्‍व, पासा थ्‍वयाच्‍वंपिं फुक्‍क दुगुचात च्‍याःथाःपिं व ध्‍वःथाःपिं जक दु। छाय्‌धाःसा जिं लाबानं छन्‍त याःगु फुक्‍कं खनागु दु।

२ राजा 13:4

यहोआहाजं परमप्रभुयात बिन्‍ति यात, अले अरामया जुजुं इस्राएलीतय्‌त तसकं क्‍वत्‍यलातःगु खनाः वय्‌कलं वयागु बिन्‍ति न्‍यनादिल।

२ राजा 20:5

“लिहां वनाः जिमि प्रजाया नायः हिजकियायात थथे धा, ‘छिमि तापाबाज्‍या दाऊदया परमप्रभु परमेश्‍वरं थथे धयादी, जिं छंगु प्रार्थना न्‍यनेधुन, जिं छंगु ख्‍वःबि खनागु दु। स्‍व! जिं छन्‍त लाय्‌काबी। कंस छ परमप्रभुया देगलय् वने फइ।

नहेम्‍याह 9:9

“छिं मिश्र देशय् जिमि पुर्खातय्‌त जूगु दुःख स्‍वयादिल, लाल समुद्र सिथय् ग्‍वाहालिया निंतिं हाःगु इमिगु सः छिं न्‍यनादिल।

भजनसंग्रहया सफू 12:5

परमप्रभुं धयादी, “आः जि वये। छाय्‌धाःसा चीमिपिन्‍सं क्‍वत्‍यय्‌काः च्‍वनेमाःगु दु, दुःखय् लानाच्‍वंपिन्‍सं झसुकाः तयाच्‍वंगु दु। जिं इपिं फुक्‍कसित इमित दुःख बियाच्‍वंपिनिपाखें बचय् याये।”

भजनसंग्रहया सफू 9:14

अले जिं सियोनया ध्‍वाखाय् च्‍वनाः छिगु प्रशंसाया खँ ल्‍हाये फइ। छिं जितः बचय् यानादीगुलिं जि लय्‌तायाच्‍वने।

प्रस्‍थान 1:11

अथे जुयाः मिश्रीतय्‌सं इमित थाकुगु ज्‍या बियाः सास्‍ती यायेत इमिथाय् ज्‍यामि नायःत छ्वल। इमिसं फारोया निंतिं धुकू दय्‌केत पिताम व रामसेस धाःगु निगू शहर दय्‌कल।

प्रस्‍थान 1:22

अले फारोनं थः फुक्‍क प्रजायात थथे धकाः उजं बिल, “हिब्रूतय् ग्‍वःम्‍ह काय्‌मस्‍त बुइ इपिं फुक्‍कसित नील खुसिइ यंकाः वांछ्व। म्‍ह्याय् मस्‍तय्‌त जक ल्‍यंका ति।”

प्रस्‍थान 1:8

अनंलि मिश्रय् योसेफयात म्‍हमस्‍यूम्‍ह छम्‍ह न्‍हूम्‍ह जुजु गद्दीइ च्‍वन।

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

प्रस्‍थान 2:25

अथे जुयाः परमेश्‍वरं इस्राएलीतय्‌त स्‍वयादिल अले इमिगु च्‍यूताः कयादिल।

प्रस्‍थान 3:7

परमप्रभुं धयादिल, “जिं धात्‍थें हे मिश्रय् च्‍वंपिं जि थः मनूतय्‌त तसकं सास्‍ती जूगु खनागु दु। अले मिश्रीतय्‌सं यानाः इपिं ख्‍वःगु सः जिं न्‍यनागु दु। इमिगु दुःख जिं स्‍यू, च्‍यूताः नं कयाच्‍वनागु दु।

उपदेशक 4:1

हाकनं जिं थ्‍व संसारय् जुयाच्‍वंगु फुक्‍क अन्‍याय खना। क्‍वत्‍यलातःपिनीगु मिखां ख्‍वबि वयाच्‍वंगु जिं खना, अले इमित सान्‍त्‍वना बीपिं सुं छम्‍ह नं मदु। अन्‍याय याइपिनिपाखे शक्ति दु, अले क्‍वत्‍यलातःपिन्‍त सान्‍त्‍वना बीपिं सुं छम्‍ह नं मदु।

उपदेशक 5:8

छुं जुयाः छं छगू जिल्‍लाय् चीमिपिन्‍त क्‍वत्‍यलातःगु व इमिगु निंतिं न्‍याय व अधिकार मजूगु खन धाःसा अजू चाये मते, छाय्‌धाःसा फुक्‍क अधिकार याइपिं अले व स्‍वयाः च्‍वय् च्‍वंपिं तःधंपिं अधिकार याइपिन्‍त नं इमिगु वास्‍ता यायेत तयातःगु खः।

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

व्‍यवस्‍था 26:7

उबलय् जिमिसं परमप्रभु जिमि पुर्खाया परमेश्‍वरयात इनाप यानाः वय्‌कलं जिमिगु सः न्‍यनादिल, अले जिमिगु सास्‍ती, थाकुगु ज्‍या व जिमित क्‍वत्‍यलातःगु स्‍वयादिल।

१ शमूएल 9:16

“जिं कन्‍हय् थ्‍व हे इलय् बेन्‍यामीनया लागां छम्‍ह मनू छ्वयाहये। वयात हे छं जिमि प्रजा इस्राएलया निंतिं जुजु अभिषेक या। वं जिमि प्रजातय्‌त पलिश्‍तीतय्‌गु ल्‍हातं त्‍वःतका हइ। जिं जिमि प्रजायागु दुःख खनागु दु छाय्‌धाःसा इमिगु ख्‍वःसः जिथाय् थ्‍यंगु दु।”