प्रस्‍थान 3:4 - नेवाः बाइबल

⁴ च्‍यानाच्‍वंगु मि स्‍वयेत व लिक्‍क वःगु खनाः परमप्रभु परमेश्‍वरं वयात च्‍यानाच्‍वंगु झालं, “मोशा, अय् मोशा” धकाः सःतादिल। अले मोशां धाल, “जि थन हे दु।”

प्रस्‍थान 3:4 ပူးပေါင်းရင်းမြစ်များ

उत्‍पत्ति 22:1

छुं ई लिपा परमेश्‍वरं अब्राहामयात जाँचय् यायेत सःतादिल, “अब्राहाम!” वं लिसः बिल, “प्रभु, जि थन हे दु।”

उत्‍पत्ति 22:11

उबलय् हे स्‍वर्गं परमप्रभुया दूतं वयात सःतल, “अब्राहाम, अब्राहाम!” वं धाल, “जि थन दु।”

उत्‍पत्ति 28:16

याकूबया न्‍ह्यलं चासेंलि वं बिचाः यात, “परमप्रभु थन हे दी, जिं सीके मफुत।”

उत्‍पत्ति 46:2

चान्‍हय् परमेश्‍वरं वयात दर्शन बियाः धयादिल, “याकूब, याकूब।” अले वं धाल, “जि थन दु।”

भजनसंग्रहया सफू 62:11

परमेश्‍वरं तःकः हे थथे धयादीगु जिं न्‍यनागु दु, “शक्ति जिगु खः,

प्रस्‍थान 19:3

मोशा परमेश्‍वरयात नापलायेत पर्वतय् वन। परमप्रभुं वयात पर्वतं सःताः थथे धयादिल, “छं याकूबया सन्‍तान, इस्राएलीतय्‌त थथे धा,

प्रस्‍थान 3:2

अन छगू झाःया दथुइ मि जलय् परमप्रभुया दूत खनेदत। मोशां व झालय् मि च्‍यानाच्‍वंसां झाः छुं मजूगु खन।

प्रस्‍थान 33:12

मोशां परमप्रभुयात धाल, “छिं जितः थुपिं मनूतय्‌त ब्‍वनायंकि धकाः धयादीगु दु, अय्‌नं जिनापं सुयात छ्वयादी धकाः धयादीगु मदुनि। छिं धयादीगु दु, ‘जिं छन्‍त म्‍हस्‍यू, अले जिगु दया छंके दु।’

प्रस्‍थान 4:5

परमप्रभुं वयात धयादिल, “थ्‍व ज्‍यापाखें हे इमिसं जितः पत्‍याः यायेमा। अले जि हे इमि पुर्खा अब्राहाम, इसहाक व याकूबया परमेश्‍वर छन्‍थाय् खनेदय्‌कः वःगु खः धकाः इमिसं सीमा।”

लेवी 1:1

परमप्रभुं मोशायात पवित्र पालया दुनें सःताः धयादिल,

प्रेरित 10:13

अले “दँ पत्रुस, थुमित स्‍यानाः न” धकाः धयाहःगु सः ताल।

प्रेरित 10:3

छन्‍हु न्‍हिनय् तीन बजे परमेश्‍वरया छम्‍ह दूतं दर्शन बियाः वयात – “कर्नेलियस” धकाः सःतूगु वं बांलाक हे ताल।

प्रेरित 9:4

थथे जूगुलिं व बँय् भ्‍वसू वन। अले वयात थथे धयाहःगु सः ताये दत – “शाऊल, शाऊल, जितः छं छाय् दुःख बियाच्‍वनागु?”

व्‍यवस्‍था 33:16

पृथ्‍वी व उकी जायाच्‍वंगु भिंगु देछात, अले च्‍यानाच्‍वंगु झालय् च्‍वनादीम्‍हय्‌सीगु मायां थुपिं फुक्‍क योसेफया कुलयापिन्‍त दयेमा। इपिं थः दाजुकिजापिनि नायः खः।

१ शमूएल 3:10

अनंलि परमप्रभु वया न्‍ह्यःने दंझाल अले न्‍हापा थें तुं सःतल, “शमूएल, अय् शमूएल।” शमूएलं लिसः बिल, “धयादिसँ, छिकपिनि दासं न्‍यनाच्‍वनागु दु।”

१ शमूएल 3:4

अनंलि परमप्रभुं शमूएलयात सःतादिल। शमूएलं लिसः बिल, “जि थन हे दु।”

१ शमूएल 3:6

हाकनं परमप्रभुं सःतादिल, “शमूएल!” अले व दनाः एलीयाथाय् वन अले वं धाल, “जि थन हे दु। छिं जितः सःतादियागु खः ला?” एलीं धाल, “जिमि काय्, जिं छन्‍त मसःता। हुँ, द्यं हुँ।”

१ शमूएल 3:8

परमप्रभुं स्‍वकः खुसि वयात सःतादिल, अले वं हाकनं एलीयाथाय् वना न्‍यं वन, “छिं जितः सःतादियागु खः। जि थन हे दु।” अनंलि परमप्रभुं हे थ्‍वयात सःतादीगु खः धकाः एलीं थुइकल।