प्रस्‍थान 3:1 - नेवाः बाइबल

¹ मोशा थः ससःबौ मिद्यानया पुजाहारी यित्रोया फैच्‍वलय् ज्‍वयाच्‍वंगु जुल। अले मरुभूमिइ फैच्‍वलय् ज्‍वज्‍वं परमेश्‍वरया पर्वत होरेबय् थ्‍यंक हे यंकल।

प्रस्‍थान 3:1 ပူးပေါင်းရင်းမြစ်များ

१ राजा 19:19

उकिं एलिया अनं वन, वं द्वहंतय्‌त साय्‌काः बुँ पालाच्‍वंम्‍ह शाफातया काय् एलीशायात लुइकल। वया न्‍ह्यःने झिंनिज्‍वः द्वहं दु। व थः धाःसा दकलय् लिपाया द्वहंया ज्‍वःनापं बुँ पालाच्‍वंगु खः। एलियां वनाः थःगु गा त्‍वयाः एलीशायात न्‍यय्‌काबिल।

१ राजा 19:8

वं दनाः नल, त्‍वन, व हे नसां बल दयाः पिइन्‍हु तक चान्‍हि न्‍यासि वँवं व परमेश्‍वरया पर्वत होरेबय् थ्‍यंकः वन।

भजनसंग्रहया सफू 106:19

इमिसं होरेबय् द्वहंचा दय्‌कल, अले लुँयाम्‍ह मूर्तियात पुजा यात।

प्रस्‍थान 17:6

जि होरेबया ल्‍वहँतय् छंगु न्‍ह्यःने दंवये। छं ल्‍वहँतय् कथिं दा, अले अनं मनूतय्‌सं त्‍वनेगु लः पिहां वइ।” अले मोशां थकालितय्‌गु न्‍ह्यःने अथे हे यात।

प्रस्‍थान 18:12

अले यित्रों परमेश्‍वरया निंतिं होमबलि व मे मेगु बलि छाल। अले हारून व इस्राएलयापिं फुक्‍क थकालित मोशाया ससःबौ यित्रो नापं परमेश्‍वरया न्‍ह्यःने भ्‍वय् नयेत वल।

प्रस्‍थान 19:11

अले इपिं स्‍वन्‍हु खुन्‍हु तक तयार जुइमाः। छाय्‌धाःसा थनिं स्‍वन्‍हु लिपा परमप्रभु सीनै पर्वतय् सकसिनं खंक झाइ।

प्रस्‍थान 19:2

रपीदीमं वयाः इपिं सीनैयागु मरुभूमिइ थ्‍यंकः वल। अले इपिं पर्वतया क्‍वय् हे पाल ग्‍वयाः बाय् च्‍वन।

प्रस्‍थान 19:3

मोशा परमेश्‍वरयात नापलायेत पर्वतय् वन। परमप्रभुं वयात पर्वतं सःताः थथे धयादिल, “छं याकूबया सन्‍तान, इस्राएलीतय्‌त थथे धा,

प्रस्‍थान 2:16

मिद्यानया पुजाहारीया न्‍हय्‌म्‍ह म्‍ह्याय्‌पिं व हे तुंथिइ लः काःवल। इमिसं तुंथिइ च्‍वंगु लः सालाः थः बौया पशुतय्‌सं लः त्‍वनीगु थलय् तयाच्‍वन।

प्रस्‍थान 2:18

इपिं थः बौ रूएलयाथाय् लिहां वःबलय् इमि बौनं इमित न्‍यन, “थौं छिपिं छाय् याकनं लिहां वयागु?”

प्रस्‍थान 2:21

मोशा व मनूनापं च्‍वनेत मानय् जुल। वं थः म्‍ह्याय् सिप्‍पोरायात मोशानापं ब्‍याहा यानाबिल।

प्रस्‍थान 24:13

अले मोशा व वयात ग्‍वाहालि बीम्‍ह यहोशू परमेश्‍वरयागु पर्वतय् थहां वन।

प्रस्‍थान 3:12

परमेश्‍वरं धयादिल, “जि छनापं दइ। अले जिं हे छन्‍त छ्वयागु खः धयागु खँया चिं थ्‍व जुइ, छं थः मनूतय्‌त मिश्रं पित हये धुंकाः छिमिसं थ्‍व हे पर्वतय् परमेश्‍वरयात आराधना याइ।”

प्रस्‍थान 3:5

परमेश्‍वरं धयादिल, “थुखे लिक्‍क वये मते। थःगु लाकां त्‍वः, छाय्‌धाःसा छ दनाच्‍वंगु थाय् पवित्रगु खः।”

प्रस्‍थान 33:6

अथे जुयाः होरेब पर्वतय् इस्राएलीतय्‌सं थथःगु तिसा त्‍वल।

प्रस्‍थान 4:18

अले मोशां थः ससःबौ यित्रोयाथाय् लिहां वया थथे धाल, “बिन्‍ति याये, मिश्रय् च्‍वनाच्‍वंपिं जिमि दाजुकिजापिं म्‍वाना हे च्‍वंगु दु कि मदु धकाः स्‍वयेत जितः वनेबियादिसँ।” यित्रों धाल, “ज्‍यू, बांलाक हुँ।”

प्रस्‍थान 4:27

परमप्रभुं हारूनयात धयादिल, “मोशायात नापलायेत मरुभूमिइ हुँ।” अले वं परमेश्‍वरयागु पर्वतय् वनाः वयात नाप लानाः घय्‌पुल।

आमोस 1:1

तकोय् च्‍वंपिं फैजवाःत मध्‍ये छम्‍ह आमोसया वचन। वं इस्राएलय् भुखाय् ब्‍वःगु निदँ न्‍ह्यः इस्राएलया बारे थ्‍व दर्शन खन। उबलय् उज्‍जियाह यहूदाया जुजु व येहोआशया काय् यारोबाम इस्राएलया जुजु खः।

मलाकी 4:4

“जिं होरेब पर्वतय् सकल इस्राएलीतय्‌गु निंतिं जिम्‍ह दास मोशायात बियागु विधि व नियम दुगु व्‍यवस्‍थायात लुमंकी अले उकियात बांलाक मानय् या।

गन्‍ती 10:29

अले मोशां थः ससःबौ मिद्यानी रूएलया काय् होबाबयात धाल, “परमप्रभुं जिमित बी धकाः धयादीगु थासय् जिपिं वनेत्‍यनागु दु। छि नं जिपिंनापं झासँ, जिमिसं छितः भिं हे याये छाय्‌धाःसा परमप्रभुं इस्राएलया बारे भिंगु बाचा यानादीगु दु।”

गन्‍ती 10:33

परमप्रभुया पर्वत, सीनै त्‍वःताः इपिं स्‍वन्‍हु तक न्‍ह्याः वन। इमिगु निंतिं बाय् च्‍वनेगु थाय् मालेत परमप्रभुया बाचाया सनू थुपिं स्‍वन्‍हु तक हे इमिगु न्‍ह्यः न्‍ह्यः वन।

लूका 2:8

चान्‍हय् अनं लिक्‍क लाःगु ख्‍यलय् फैजवाःत फैचात पिवाः च्‍वनाच्‍वन।

प्रेरित 7:30

“पिइदँ दये धुंकाः मोशां सीनै पहाडया लिक्‍क मरुभूमिइ मि च्‍यानाच्‍वंगु झालय् छम्‍ह स्‍वर्गदूतयात खन।

व्‍यवस्‍था 1:2

(सेइर पर्वत वनेगु लँपु जुयाः होरेबं कादेश-बर्ने तक वनेत झिंछन्‍हु बी।)

व्‍यवस्‍था 1:6

होरेबय् परमप्रभु झी परमेश्‍वरं झीत थथे धयादिल, “छिपिं थ्‍व पर्वतय् च्‍वनाच्‍वंगु तःन्‍हु दये धुंकल।

व्‍यवस्‍था 4:10

छिपिं होरेबय् परमप्रभु थः परमेश्‍वरया न्‍ह्यःने दंगु दिंयात लुमंकि। उबलय् परमप्रभुं जितः धयादिल, “मनूतय्‌त जिगु न्‍ह्यःने मुंकि, अले इमित जिगु वचन न्‍यंकि। गुकिं यानाः जिं इमित बीत्‍यनागु देशय् म्‍वानाच्‍वंतले इमिसं जिगु ग्‍याःभय कायेमाः अले इमिसं थ्‍व हे खँ थःकाय् म्‍ह्याय्‌पिन्‍त स्‍यनेमाः।”

न्‍यायकर्ता 4:11

उबलय् हेबेर धाःम्‍ह छम्‍ह केनी केदेशयागु सानन्‍नीमय् तःमागु छमा सिमाया लिक्‍क थःगु पाल ग्‍वयाः च्‍वनाच्‍वंगु खः। केनीत मोशाया ससःबौ होबाबया सन्‍तान खः। हेबेर मेपिं केनीतय्‌त त्‍वःताः अन च्‍वनाच्‍वंगु खः।

१ शमूएल 16:11

अनंलि शमूएलं यिशैयात न्‍यन, “छु छिकपिनि फुक्‍कं काय्‌पिं थुलि हे खः ला?” अले यिशैनं धाल, “कान्छाम्‍ह छम्‍ह नं दनि तर व फै ज्‍वःवनाच्‍वन।” शमूएलं यिशैयात धाल, “वयात थन सःताः हजि। व मवतले जिपिं बलि छायेत फेतुइ मखु।”