प्रस्‍थान 27:8 - नेवाः बाइबल

⁸ सिँपौयागु वेदी फुसुलु दय्‌कि। जिं छन्‍त गुँच्‍वकाय् क्‍यनागु नमूनाकथं होमबलिया वेदी दय्‌कि।

प्रस्‍थान 27:8 ပူးပေါင်းရင်းမြစ်များ

१ इतिहास 28:11

अले दाऊदं थःकाय् सोलोमनयात देगःया दलान व उकिया छेँ धुकू, कःसि, दुनेया क्‍वथात व प्रायश्‍चित यायेगुथाय् दुगु तच्‍वकं पवित्रगु थाय्‌या नक्‍सा बिल।

१ इतिहास 28:19

दाऊदं धाल, “थुपिं फुक्‍क परमप्रभुयागु ल्‍हातं हे दय्‌कूगु नक्‍सा खः, थ्‍व नक्‍साया फुक्‍क छता छता खँ वय्‌कलं जितः थुइकादीगु दु।”

प्रस्‍थान 25:40

जिं छन्‍त गुँच्‍वकाय् क्‍यनागु नमूनाकथं थ्‍व फुक्‍कं बांलाक दय्‌कि।”

प्रस्‍थान 25:9

जिं छन्‍त क्‍यनेत्‍यनागु नमूनाकथं छं नापलायेगु पाल व उकियागु फुक्‍कं ज्‍वलं दय्‌कि।

मत्ती 15:9

थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ। उकिं थुमिसं जिगु सेवा याःसां छप्‍तिं ज्‍यालगय् मजू।’”

प्रेरित 7:44

“मरुभूमिइ झी तापाःबाज्‍यापिनिगु नापलाय्‌गु पाल दु। मोशानापं खँ ल्‍हाना दीम्‍हय्‌सिनं धयादीकथं व नमूना क्‍यनादीगुकथं वं थ्‍व पाल दय्‌का थकूगु खः।

हिब्रू 8:5

इमिसं पुजाहारी जुयाः थन याइगु ज्‍या ला स्‍वर्गय् जूगु ज्‍याखँया किपालु जक खः। मोशायात नं वं पाल ग्‍वयेत्‍यंबलय् परमेश्‍वरं थथे धयादीगु खः – “जिं छन्‍त गुँच्‍वकाय् क्‍यनागु नमूनाकथं थ्‍व फुक्‍कं बांलाक दय्‌कि।”