प्रस्‍थान 27:16 - नेवाः बाइबल

¹⁶ “चुकया ध्‍वाखाया निंतिं वँचुगु, प्‍याजीगु ह्याउँगु भिंगु सूती कापःतय् बुत्ता भरय् यानातःगु ९ मिटर हाकःगु पर्दा दय्‌कि। थुकियात प्‍यंगः थां व प्‍यंगू लिधंसा दयेमाः।

प्रस्‍थान 27:16 ပူးပေါင်းရင်းမြစ်များ

भजनसंग्रहया सफू 45:14

वयात झःझः धाःगु वसतय् समिलुत ल्‍यूल्‍यू तयाः जुजुयाथाय् यंकी।

प्रस्‍थान 26:31

“अले वँचुगु, प्‍याजीगु व ह्याउँगु भिंगु सूती कापःयागु पर्दा दय्‌कि। उकी ज्‍या सःम्‍ह शिल्‍पकारयात भिंगु कां करूबया बुत्ता भरय् याकेब्‍यु।

प्रस्‍थान 26:36

“पालया लुखाय् तयेत वँचुगु, प्‍याजीगु व ह्याउँगु भिंगु सूती कापःयागु बुत्ता भरय् यानातःगु पर्दा दय्‌कि।

प्रस्‍थान 27:17

चुकया प्‍यखें च्‍वंगु थांत वहःयागु डण्‍डीत नापं स्‍वानाच्‍वंगु, उकियागु अंकुसि वहःयागु व लिधंसा कँय्‌यागु जुइमाः।

प्रस्‍थान 28:39

“जामालं भिंगु सूती कापःयागु सु। अले बेतालि नं भिंगु सूती कापःयागु हे सु। जँनी नं बुत्ता थानातःगु भिंगु सूती कापःयागु दय्‌कि।

प्रस्‍थान 36:37

पालया लुखाय् तयेत वँचुगु, प्‍याजीगु व ह्याउँगु भिंगु सूती कापःयागु बुत्ता भरय् यानातःगु पर्दा दय्‌कल।

गन्‍ती 3:26

चुकया प्‍येखेरं ख्‍वातुगु कापः, चुकया ध्‍वाखाया पर्दा, उकिया खिपः व अन माःगु फुक्‍क ज्‍वलंया रेखदेख यायेगु जिम्‍मा बिल।

न्‍यायकर्ता 5:30

“इपिं लाकाहःगु सामान माला च्‍वन जुइ व इना च्‍वन जुइ, छम्‍ह छम्‍ह मनूयात छम्‍ह छम्‍ह वा निम्‍ह निम्‍ह मिसामचा, सीसराया निंतिं लुतय्‌ यानाहःगु रंगीचंगी कापः, बुत्ता भरय् यानातःगु रंगीचंगी कापः, जिगु गःपतय् हिनेत रंगीचंगी कापः।”