प्रस्‍थान 26:34 - नेवाः बाइबल

³⁴ “महा-पवित्रगु थासय् बाचाया सनूया द्यःने प्रायश्‍चितया कृपा-आसन तयाब्‍यु।

प्रस्‍थान 26:34 ပူးပေါင်းရင်းမြစ်များ

प्रस्‍थान 40:20

अले वं ल्‍वहंपौ हयाः बाचा चिनादीगु सनू दुने तयाः न्‍वःत सनूइ तयाबिल, अले प्रायश्‍चितया कृपा-आसन सनूया द्यःने तल।

प्रस्‍थान 25:21

जिं छन्‍त बीत्‍यनागु बाचाया पौ सनूया दुने ति। अले प्रायश्‍चितया कृपा-आसनयात सनूया द्यःने तयाब्‍यु।

हिब्रू 9:5

थ्‍व सनूया द्यःने परमेश्‍वर च्‍वनादीगु थाय्‌यात किकाः करूबतय्‌गु पपू चक्‍कंकाः तसकं बांलाक तयातःगु दु। थ्‍व फुक्‍क खँ छता छता दतले आः कना च्‍वनेत मलाः।

लेवी 16:2

परमप्रभुं मोशायात धयादिल, “छिमि दाजु हारूनयात बाचा चिनादीगु सनूया द्यःने च्‍वंगु प्रायश्‍चितया कृपा-आसनया न्‍ह्यःने पर्दा दुने च्‍वंगु महा-पवित्र थासय् मंदुबलय् वये मते धा। मखुसा व सी। छाय्‌धाःसा जि अन सनूया च्‍वय् सुपाँचय् खनेदय्‌कः वयेगु खः।

१ राजा 6:16

देगः दुने ल्‍यूनेपाखे वं बंनिसें धलिं तक देवदारुया सिँपौत मिलय् यानाः ९ मिटर ताहाकःगु महा-पवित्रगु थाय् दय्‌कल।

इजकिएल 41:4

अले वं दुनेया महा-पवित्रगु थाय्‌या हाकः व ब्‍या नापे यात, व ११ मिटर ११ मिटर दु। अले वं जितः धाल, “थ्‍व महा-पवित्रगु थाय् खः।”