प्रस्‍थान 18:4 - नेवाः बाइबल

⁴ मेम्‍हय्‌सिगु नां एलीएजर खः। थुकिया अर्थ “जिमि बौया परमेश्‍वरं जितः ग्‍वाहालि यानाः फारोया तरवारं बचय् यानादिल।”

प्रस्‍थान 18:4 ပူးပေါင်းရင်းမြစ်များ

हिब्रू 13:6

अय्‌जूगुलिं झीसं संका मयासें धायेफु – “प्रभु जितः ग्‍वाहालि यानादीम्‍ह खः। जितः ग्‍याये माःगु मदु। मनूतय्‌सं जितः छुं हे याये फइ मखु।”

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।

प्रेरित 12:11

अले तिनि पत्रुसं वाः चायाः थथे धाल – “आः तिनि जिं सिल का, प्रभुं जितः थःम्‍ह स्‍वर्गदूत छ्वयाहयाः यहूदीतय्‌त आशां थ्‍यानाः हेरोदया ल्‍हातं त्‍वःतकादीगु खनी।”

दानिएल 6:22

जिं द्वंकागु मदु धकाः परमेश्‍वरं स्‍यूगुलिं वय्‌कलं थः दूत छ्वयाहयाः सिंहतय्‌गु म्‍हुतु तिनादिल। सिंहतय्‌सं जितः घाःपाः याःगु मदु। महाराज, जिं छःपिनिगु नं छुं स्‍यंकागु मदु।”

भजनसंग्रहया सफू 46:1

परमेश्‍वर झीगु शरण कायेगु थाय् व बल खः, अले दुःखया इलय् अःपुक दइगु ग्‍वाहालि खः।

भजनसंग्रहया सफू 34:4

जिं परमप्रभुयात माला, वय्‌कलं जितः लिसः बियादिल। नापं वय्‌कलं जिगु फुक्‍क भय नं मदय्‌काबिल।

भजनसंग्रहया सफू 18:48

अले जितः जिमि शत्रुतय्‌पाखें त्‍वःतकादिल। जितः जिमि शत्रुत स्‍वयाः तःधंकादिल। जितः मनू स्‍याना जुइपिनिपाखें बचय् यानादिल।

भजनसंग्रहया सफू 18:1

हे परमप्रभु! जिं छितः गुलि यय्‌का। छि जिगु बल खः।

१ इतिहास 23:15

मोशाया काय्‌पिं – गेर्शोम व एलीएजर।

प्रस्‍थान 2:15

थ्‍व खँ सियाः फारोनं मोशायात स्‍यायेगु बिचाः यात। मोशा धाःसा अनं मिद्यान देशय् बिस्‍युं वनाः छगः तुंया न्‍ह्यःने च्‍वन।

प्रेरित 7:29

थ्‍व न्‍यनाः मोशा अनं बिस्‍युं वनाः मिद्यान देशय् च्‍वंवन। अन वया निम्‍ह काय्‌पिं दत।”

हिब्रू 11:34

ह्वाना ह्वाना च्‍यानाच्‍वंगु मिं नं इमित छुं याये मफुत। तरवारं पालाः स्‍यायेत्‍यंबलय् नं इपिं बचय् जुल। बमलाःपिं इपिं, आः तसकं बल्‍लाना वल। भचा मग्‍यासे ल्‍वानाः इमिसं पिनें वःपिं शत्रुतय्‌त बिसिका छ्वत।

उत्‍पत्ति 49:25

छन्‍त थ्‍व ग्‍वाहालि छिमि बाःया दक्‍व शक्ति दुम्‍ह परमेश्‍वरपाखें वइ। परमेश्‍वरं छन्‍त स्‍वर्गं वा वय्‌काः पृथ्‍वीया तःलं लःधाः पिकयाः अले यक्‍व सन्‍तान बियाः आशिष बियादी।

प्रस्‍थान 2:22

सिप्‍पोरां काय् छम्‍ह बुइकल। मोशां “जि मेगु देशय् परदेशी जुयाच्‍वनागु दु” धकाः वयागु नां गेर्शोम तल।

प्रस्‍थान 4:20

अथे जुयाः मोशा थः कलाः व काय्‌पिन्‍त गधा गय्‌काः परमेश्‍वरं बियादीगु कथि ज्‍वनाः मिश्र देशय् लिहां वन।

१ इतिहास 23:17

एलीएजरया छम्‍ह हे जक काय् रहब्‍याह खः, तर रहब्‍याहया यक्‍व काय्‌पिं दु।

प्रस्‍थान 10:28

फारोनं मोशायात धाल, “जिथासं वना हे छ्व। जिगु न्‍ह्यःने हानं खनेदय्‌कः वये मते। गुखुन्‍हु छं जिगु ख्‍वाः खनी उखुन्‍हु हे छ सी।”