प्रस्‍थान 17:8 - नेवाः बाइबल

⁸ रपीदीमय् च्‍वनाच्‍वंबलय् अमालेकीतय्‌सं वयाः इस्राएलीतय्‌त हमला यात।

प्रस्‍थान 17:8 ပူးပေါင်းရင်းမြစ်များ

उत्‍पत्ति 14:7

अनंलि इपिं लिहां वल। अले एन-मिशपातय् (लिपा कादेश) वनाः अमालेकीतय्‌गु फुक्‍क देश व हासेसोन-तामारया फुक्‍क एमोरीतय्‌त नं थःगु अधीनय् काल।

उत्‍पत्ति 36:12

एसावया काय् एलीपजया तीम्‍न धाःम्‍ह मथ्‍याःम्‍ह कलाः दु। वयापाखें नं वया अमालेक नांयाम्‍ह काय् छम्‍ह दु। एसावया आदाया पाखें दुपिं छय्‌पिं थुपिं हे खः।

उत्‍पत्ति 36:16

कोरह, गाताम व अमालेक कुलया नायःत। एदोम देशय् एलीपजया पाखें नायः जूपिं थुपिं हे खः। थुपिं आदाया छय्‌पिं खः।

भजनसंग्रहया सफू 83:7

गबाली, अम्‍मोनी, अमालेकी, पलिश्‍ती व टुरोसयापिं मनूत खः।

प्रस्‍थान 17:1

परमप्रभुया आज्ञा कथं इस्राएलीतय् फुक्‍क खलः सीन धयागु मरुभूमिं वनाः थाय् थासय् जुयाः रपीदीमय् थ्‍यंकाः पाल ग्‍वयाः बाय् च्‍वन। अन धाःसा त्‍वनेत लः हे मदु।

गन्‍ती 13:29

नेगेव धाःगु दच्‍छिन लागाय् अमालेकीत व डाँडाय् च्‍वंगु देशय् हित्ती, यबूसी व एमोरीत, अले समुद्रया लिक्‍क व यर्दन खुसिया सिथय् कनानीत च्‍वनाच्‍वंगु दु।”

गन्‍ती 24:20

बालामं अमालेकीतपाखे स्‍वयाः थुकथं थःगु वचन नवात, “अमालेक दक्‍वसिबय् तःधंगु जाति खः। तर नाश जुयाः थुपिं फुनावनी।”

न्‍यायकर्ता 6:3

इस्राएलीतय्‌सं बुँइ पुसा तइबलय् मिद्यानीत, अमालेकीत व पुर्बयापिं मनूत वयाः इमित हमला याइगु।

१ शमूएल 14:48

वं अमालेकीतय्‌त नं त्‍याकल। थथे आकाझाकां हमला याइपिं सिपाइँतपाखें इस्राएलीतय्‌त बचय् यानाः वं तःधंगु साहस दुगु ज्‍या यात।

१ शमूएल 15:2

दक्‍व शक्ति दुम्‍ह परमप्रभुं थथे धयादी, ‘इस्राएलीत मिश्र देशं पिहां वःबलय् अमालेकीतय्‌सं इमित हमला याःगुलिं जिं इमित सजाँय बी।

१ शमूएल 27:8

दाऊद व वया मनूत हमला याः वनीगु अले गशूरीत, गिज्रीत व अमालेकीतय्‌त लुतय् याइगु। इपिं न्‍हापांनिसें हे शूर व मिश्रय् थ्‍यंकाच्‍वनाः च्‍वंपिं खः।

१ शमूएल 30:1

स्‍वन्‍हु खुन्‍हु दाऊद व वया मनूत सिक्‍लगय् थ्‍यंकः वल। उगु इलय् अमालेकीतय्‌सं नेगेव व सिक्‍लगय् लुतय् याये धुंकूगु व सिक्‍लगय् हमला यानाः मि छ्वय्‌काब्‍यूगु इमिसं खन।