प्रस्‍थान 15:7 - नेवाः बाइबल

⁷ छिगु विरोधय् दनिपिन्‍त थःगु तःधंगु शक्तिं छिं बुकादिल। छिं थःगु तं क्‍यनाः उकिं इमित छ्वख्‍वः थें भस्‍म यानादिल।

प्रस्‍थान 15:7 ပူးပေါင်းရင်းမြစ်များ

अय्‍यूब 9:4

वय्‌कः ज्ञान दुम्‍ह खः। वय्‌कः बल दुम्‍ह खः। वय्‌कःया विरोधय् जिद्दी यानाः सु बचय् जुइ फत?

भजनसंग्रहया सफू 148:13

इपिं सकसिनं परमप्रभुया नांया प्रशंसा यायेमा, छाय्‌धाःसा वय्‌कःयागु नां जक तःधं। वय्‌कःया महिमा पृथ्‍वी व आकाश स्‍वयाः च्‍वय् दु।

भजनसंग्रहया सफू 59:13

उकिं इमित थःगु तमय् नाश यानादिसँ। इमित न्‍हंक हे नाश यानादिसँ। अले सकसिनं सी– परमेश्‍वरं इस्राएलय् राज्‍य यानादी। अले वय्‌कःया राज्‍य पृथ्‍वी न्‍यंकं न्‍यनावनी। सेला

भजनसंग्रहया सफू 68:33

न्‍हापांनिसें दुगु आकाशय् जुइम्‍ह परमप्रभुयात तःधंकि। वय्‌कः थःगु शक्तिशाली सलं हाःगु न्‍यँ।

भजनसंग्रहया सफू 83:13

हे जिमि परमेश्‍वर, धू थें, फसं ब्‍वयेकूगु सुपः थें इमित छ्यालब्‍याल यानादिसँ।

प्रस्‍थान 14:27

मोशां थःगु ल्‍हाः समुद्रया च्‍वय् न्‍ह्यज्‍याकल। सुथ जुइत्‍यंबलय् लः थःगु थासय् लिहां वन। मिश्रीत अनं बिस्‍युं वनेत स्‍वल। परमप्रभुं इमित समुद्रय् हे चुइके छ्वयादिल।

प्रस्‍थान 5:12

उकिं मनूत छ्वालि मालेत मिश्र देश न्‍यंकं उखेंथुखें जुल।

प्रस्‍थान 9:16

अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।

यशैया 37:17

हे परमप्रभु न्‍यनादिसँ! हे परमप्रभु, थःगु मिखा चाय्‌काः स्‍वयादिसँ। सनहेरीबं म्‍वाःम्‍ह परमेश्‍वरयात हेपे यानाः धाःगु फुक्‍क खँ ध्‍यान बियाः न्‍यनादिसँ।

यशैया 37:23

छं सुयात क्‍वह्यंकाः व ब्‍वः बिया? अले सुयागु विरोधय् छं न्‍ववानागु वा तःधंछुयागु दु? इस्राएलया पवित्र परमेश्‍वरया विरोधय् मखु ला!

यशैया 37:29

छंगु तं व घमण्‍डया बारे जिं न्‍यनागु दु। अथे जुयाः जिं छंगु न्‍हासय् काकःचा व छंगु म्‍हुतुइ लगाम तयाबी। छ गुगु लँ जुयाः वःगु खः व हे लं जिं छन्‍त लित छ्वयाबी।

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यशैया 37:38

छन्‍हु व थः द्यः निस्रोकया देगलय् पुजा यानाच्‍वंबलय् वया काय्‌पिं अद्रम्‍मलेक व शरेसेरं वयात तरवारं स्‍यात, अले इपिं आरारात देशय् बिस्‍युं वन। वया लिपा वयागु थासय् वया काय् एसरहदोन जुजु जुयाः राज्‍य यात।

यशैया 47:14

धात्‍थें हे इपिं छ्वख्‍वः थें खः। मिं उपिं च्‍याकाछ्वइ। थन सुयातं मि पनेत हेंग्‍वाः दइ मखु, न थन च्‍वनाः मि पनेत मि दइ।

यशैया 5:16

तर पाय्‌छिगु न्‍यायलं दक्‍व शक्ति दुम्‍ह परमप्रभुया नां च्‍वन्‍ह्याइ। पवित्र परमेश्‍वरं थःगु धार्मिकतापाखें थः हे पवित्र खः धकाः क्‍यनादी।

यशैया 5:24

अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।

यर्मिया 10:6

हे परमप्रभु, छि थें जाःम्‍ह मेपिं सुं नं मदु, छि तःधंम्‍ह खः। छिगु नां शक्तिं जाःगु दु।

मीका 4:11

आः यक्‍व हे जातित छंगु विरोधय् मुनाः छंगु बारे धाइ, “सियोन स्‍यना हे च्‍वनेमा अले जिमिसं व खनेमा।”

जकरिया 14:3

अनंलिपा लडाइँया इलय् थें परमप्रभु उपिं जातितलिसें लडाइँ यानादी।

जकरिया 14:8

उखुन्‍हु हे यरूशलेमं जीवन बीगु लः पिहां वइ। उकियागु बच्‍छि पुर्बय् मृत सागर अले बच्‍छि पच्‍छिमय् भूमध्‍यसागर पाखे न्‍ह्याइ। अले तांन्‍वलाबलय् व चिकुलाबलय् नं मदिक्‍क न्‍ह्याना च्‍वनी।

जकरिया 2:8

छाय्‌धाःसा दक्‍व शक्ति दुम्‍ह परमप्रभुं छिमित लुतय् याइपिं जातजातितय्‌थाय् महिमाया ज्‍याय् जितः छ्वयादिल। वय्‌कलं थथे धयादी, “सुनां जि मनूतय्‌त थीवं जिगु मिखाया नानिचायात थी।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

मत्ती 3:12

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

प्रेरित 9:4

थथे जूगुलिं व बँय् भ्‍वसू वन। अले वयात थथे धयाहःगु सः ताये दत – “शाऊल, शाऊल, जितः छं छाय् दुःख बियाच्‍वनागु?”

व्‍यवस्‍था 33:26

“येशूरुनया परमेश्‍वर थें जाःम्‍ह मेम्‍ह सुं मदु। वय्‌कः इमित झःझः धाय्‌क आकाशं झायादी। वय्‌कः सुपाँचं गयाः छिमित ग्‍वाहालि बीत झायादी।

व्‍यवस्‍था 4:24

परमप्रभु छिमि परमेश्‍वर भस्‍म याइगु मि व नुगः मुइकादीम्‍ह परमेश्‍वर खः।

हिब्रू 12:29

झीम्‍ह परमेश्‍वर भस्‍म याना छ्वइम्‍ह मि खः।