प्रस्‍थान 15:2 - नेवाः बाइबल

² परमप्रभु हे जिगु शक्ति खः। वय्‌कलं जितः बचय् यानादी, वय्‌कः जिमि परमेश्‍वर खः, जिं वय्‌कःयात प्रशंसा याये। जिमि पुर्खाया परमेश्‍वर जिं वय्‌कःया नां तःधंके।

प्रस्‍थान 15:2 ပူးပေါင်းရင်းမြစ်များ

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

भजनसंग्रहया सफू 118:14

परमप्रभु जिगु शक्ति व भजन खः, जितः वय्‌कलं हे जक बचय् यानादिल।

भजनसंग्रहया सफू 18:46

जिगु किल्‍ला परमप्रभुया प्रशंसा या, वय्‌कः म्‍वानाच्‍वंम्‍ह परमप्रभु खः। जितः बचय् यानादीम्‍ह परमेश्‍वरयात तःधंकि।

भजनसंग्रहया सफू 59:17

छि जिगु बल खः, जिं छितः तःधंकाः म्‍ये हाले। छि जिगु किल्‍ला खः, परमेश्‍वरं जितः सदां माया यानादी।

यशैया 25:1

हे परमप्रभु, छि जिमि परमेश्‍वर खः, जिं छिगु नांयात तःधंके अले छिगु नांया प्रशंसा याये, छाय्‌धाःसा छिं विश्‍वास यायेबहः जुयाः अजू चायापुगु ज्‍या यानादीगु दु, उपिं ज्‍यात यक्‍व न्‍हापा हे छिं ग्‍वसाः ग्‍वयादीगु खः।

भजनसंग्रहया सफू 140:7

हे परमप्रभु परमेश्‍वर, जिगु उद्धारया बल छिं लडाइँया इलय् जिगु छ्यंयात रक्षा यानादीगु दु।

भजनसंग्रहया सफू 99:9

परमप्रभु झी परमेश्‍वरया प्रशंसा या, अले वय्‌कःया पवित्र पहाडय् आराधना या! परमप्रभु झी परमेश्‍वर पवित्र खः।

प्रकाश 15:3

परमेश्‍वरया दास मोशां च्‍वयातःगु म्‍ये व चीधिकःम्‍ह भ्‍याःचायागु छपु म्‍ये इमिसं थुकथं हाल – “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु ज्‍या तसकं तःधं व अजू चायापु। जाति जातिया जुजु, छिगु लँपु सत्‍य व पाय्‌छि जु।

फिलिप्‍पी 2:11

अले परमेश्‍वर बाःयात तःधंकेत फुक्‍कसिनं येशू ख्रीष्‍ट हे “प्रभु” खः धकाः थः नाला कायेमाः।

भजनसंग्रहया सफू 118:28

हे परमप्रभु, छि जिमि परमेश्‍वर खः, जिं छितः सुभाय् बी, छि जिमि परमेश्‍वर खः, जिं छिगु प्रशंसा याये।

भजनसंग्रहया सफू 99:5

परमप्रभु झी परमेश्‍वरया प्रशंसा या वय्‌कःया सिंहासनया न्‍ह्यःने छ्यं क्‍वछुकि। वय्‌कः पवित्र खः।

भजनसंग्रहया सफू 34:3

जिलिसें परमप्रभुयात तःधंकि! झीपिं फुक्‍कं जानाः वय्‌कःयागु नां तःधंके!

व्‍यवस्‍था 10:21

वय्‌कः हे च्‍वछाये बहःम्‍ह छिमि परमेश्‍वर खः। वय्‌कलं छिमिगु निंतिं छिमिसं खंक हे तःधंगु व ग्‍यानपुसे च्‍वंगु अजू चाइपुगु ज्‍या यानादिल।

प्रस्‍थान 3:6

वय्‌कलं हानं धयादिल, “जि छिमि पुर्खाया परमेश्‍वर खः, अब्राहाम, इसहाक व याकूबया परमेश्‍वर खः।” अले मोशां थःगु ख्‍वाः त्‍वपुल, छाय्‌धाःसा परमेश्‍वरयात स्‍वयेत व ग्‍यात।

२ कोरिन्‍थी 5:19

ख्रीष्‍टपाखें फुक्‍क मनूतय्‌त परमेश्‍वरं थःनाप मिलय् यानाच्‍वंगु दु धकाः जिमिसं न्‍यंकाच्‍वनागु दु। मनूतय्‌सं याःगु पापया ल्‍याः तयामदिसे वय्‌कलं सकसितं थःलिसे मिलय् यानादीगु खँ मेमेपिन्‍त नं न्‍यंकेत जिमित धयादीगु दु।

प्रेरित 4:12

“अय्‌जूगुलिं येशूयागु नामं जक मुक्ति दइ, मेपिनिगु नामं मुक्ति दइ मखु। सारा संसारय् झीत बचय् याये फुम्‍ह मेम्‍हय्‌सिगु नां परमेश्‍वरं बियादीगु मदु।”

भजनसंग्रहया सफू 145:1

हे परमेश्‍वर, जिमि जुजु, जिं छितः तःधंके, जिं छिगु नांया न्‍ह्याबलें प्रशंसा याये।

२ शमूएल 22:47

जिगु ल्‍वहंधी परमप्रभुया प्रशंसा या, वय्‌कः म्‍वानाच्‍वंम्‍ह परमप्रभु खः। जिगु ल्‍वहंधी जिमि परमेश्‍वरयात तःधंकि, वय्‌कलं जितः बचय् यानादी।

प्रस्‍थान 14:13

मोशां इमित धाल, “ग्‍याये मते। नुगः बल्‍लाकि। धिसिलाक्‍क च्‍वँ। अले परमप्रभुं छिमित थौं बियादीत्‍यंगु मुक्तियात स्‍व। थौं खंपिं मिश्रीतय्‌त छिमिसं गुबलें खनी मखुत।

प्रस्‍थान 4:22

छं फारोयात धा, ‘परमप्रभुं धयादी, इस्राएल जिमि दकलय् न्‍हापां बूम्‍ह काय् खः।

एफिसी 2:22

छिपिं नं मेपिं थें पवित्र आत्‍माय् परमेश्‍वर च्‍वनादीगु छेँ जुइत नापनापं च्‍वजाया वनी।

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

भजनसंग्रहया सफू 109:1

हे जिं प्रशंसा यानाम्‍ह परमेश्‍वर, छि सुम्‍क च्‍वनादी मते!

भजनसंग्रहया सफू 27:1

परमप्रभु जिगु जः व जितः मुक्ति बीम्‍ह खः। जि सु खनाः ग्‍यायेगु? परमप्रभु हे जिगु किल्‍ला खः। जि सुलिसे ग्‍यायेगु?

प्रस्‍थान 40:34

अले नापलायेगु पालयात सुपाँचं त्‍वपुल, व परमप्रभुयागु महिमां पवित्र पाल जाल।

प्रकाश 19:1

अनं लिपा जिं स्‍वर्गं यक्‍व मनूत हाला हःथेंज्‍याःगु सः ताल, “हल्‍लेलूयाह, उद्धार, मान व शक्ति झी परमेश्‍वरयागु हे खः।

फिलिप्‍पी 4:13

जितः शक्ति बियादीम्‍ह ख्रीष्‍टयापाखें जिं न्‍ह्यागुं याये फु।

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

यूहन्‍ना 4:22

छिपिं सामरियाय् च्‍वंपिन्‍सं म्‍हमस्‍यूम्‍हय्‌सित आराधना याइ। तर जिमिसं सुयागु आराधना यानाच्‍वना वय्‌कःयात जिमिसं बांलाक हे म्‍हस्‍यू, छाय्‌धाःसा मुक्ति ला यहूदीतय्‌पाखें वइ।

लूका 2:30

जिं थःगु हे मिखां थौं छिं संसारय् च्‍वंपिन्‍त बियादीम्‍ह मुक्तिदातायात खने धुन।

लूका 1:77

परमेश्‍वरया थःमनूतय्‌गु पाप क्षमा जुइ, अले हानं इपिं बचय् जुइ धकाः इमित धायेगु नं छंगु ज्‍या जुइ।

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

यर्मिया 32:38

इपिं जिम्‍ह प्रजा जुइ, जि इमि परमेश्‍वर जुइ।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

यर्मिया 3:23

डाँडाया मूर्ति पुजा व हल्‍लाखल्‍ला धोखा जक खः। परमप्रभु झी परमेश्‍वरपाखें जक इस्राएलयात उद्धार दइ।

यशैया 66:1

परमप्रभुं थथे धयादी, “स्‍वर्ग जिगु सिंहासन खः, अले पृथ्‍वी जिगु तुति तइगु थाय् खः। आः छिमिसं जिगु निंतिं गज्‍याःगु देगः, जि च्‍वनेत गज्‍याःगु थाय् दय्‌के फु?

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

भजनसंग्रहया सफू 132:5

गबले तक परमप्रभुया निंतिं छगूथाय्, याकूबया दक्‍वसिबय् बल्‍लाःम्‍ह परमेश्‍वरयागु निंतिं छगः देगः जिं दय्‌के फइ मखु।”

भजनसंग्रहया सफू 68:20

झी परमेश्‍वर झीत बचय् यानादीम्‍ह परमेश्‍वर खः। परमप्रभुं झीत मृत्‍युपाखें बचय् यानादी।

भजनसंग्रहया सफू 30:1

हे परमप्रभु, जिं छितः तःधंके, छाय्‌धाःसा छिं जितः बचय् यानादिल। अले जिमि शत्रुतय्‌त जितः लाय्‌बुइके मफय्‌काबिल।

भजनसंग्रहया सफू 28:8

परमप्रभुं थः मनूतय्‌त शक्ति बियादी वय्‌कः अभिषेक जूम्‍हय्‌सित रक्षा याइगु किल्‍ला खः।

भजनसंग्रहया सफू 22:10

बूखुन्‍हुंनिसें हे जितः छिगु ल्‍हातय् लःल्‍हात, बूसांनिसें छि जिम्‍ह परमेश्‍वर खः।

भजनसंग्रहया सफू 22:3

अथेसां छि पवित्रम्‍ह परमेश्‍वर खः इस्राएलं छितः तःधंकू धकाः जिं स्‍यू।

१ राजा 8:27

“तर हे परमेश्‍वर, छु छि धात्‍थें पृथ्‍वीइ मनूतय्‌गु दथुइ च्‍वनादी फइ ला? स्‍वर्गत, स्‍वर्ग स्‍वया तःजाःगु स्‍वर्गय् हे छि न्‍ह्यनी मखु धाःसा जिं दय्‌कागु थ्‍व देगलय् झन छि गन न्‍ह्यनी धकाः?

१ राजा 8:13

जिं छि न्‍ह्याबलें च्‍वनादीत छगू तसकं तःजिगु देगः दय्‌कागु दु।”

२ शमूएल 22:51

छिं थःम्‍हं ल्‍यःम्‍ह जुजुयात ततःधंगु ल्‍वापु त्‍याके बियादी। छिं थःम्‍हं अभिषेक यानादीम्‍हय्‌सित न्‍ह्याबलें माया यानादी, दाऊदयात व वया सन्‍तानतय्‌त।

२ शमूएल 7:5

“आः वनाः जिम्‍ह दास दाऊदयात थथे धा, ‘परमप्रभुं थथे धयादी, जि च्‍वनेत जिगु लागि परमप्रभुया देगः छं हे दय्‌केगु ला?

उत्‍पत्ति 17:7

जिं छ व छिमि सन्‍तानलिसे चिनागु बाचा सदांया लागि म्‍वाकातये, छाय्‌धाःसा जि छं व इमि परमेश्‍वर खः।

कलस्‍सी 2:9

गथे परमेश्‍वर खः, अथे हे ख्रीष्‍ट नं खः।

उत्‍पत्ति 49:18

परमप्रभु! जि छिं उद्धार याइगु पियाच्‍वनागु दु।

न्‍यायकर्ता 5:21

कीशोन खुसिं इमित चुइकाः यंकल। व हे पुलांगु खुसि, कीशोन खुसि। हे जिगु मन, आँट पिकयाः न्‍ह्यज्‍या!

भजनसंग्रहया सफू 48:14

छाय्‌धाःसा परमेश्‍वर न्‍ह्याबलें झी परमेश्‍वर खः। वय्‌कलं झीत न्‍ह्याबलें लँ क्‍यनादी।

हबकूक 3:13

थः मनूतय्‌त उद्धारया निंतिं, थः अभिषेक जूम्‍हय्‌सित बचय् यायेत छि झायादिल। दुष्‍टताया देशया न्‍हेलुवाःयात छिं चुंचुं यानादिल, वयागु छेनंनिसें तुति तक पचिनांगा यानादिल। सेला

प्रस्‍थान 6:7

जिं छिमित थः मनू नालाकाये, अले जि छिमि परमेश्‍वर जुइ। अले मिश्रीतय्‌गु दासत्‍वं छिमित पितहःम्‍ह जि हे छिमि परमप्रभु परमेश्‍वर खः धकाः छिमिसं म्‍हसीकी।

२ शमूएल 7:24

छिं थः प्रजा इस्राएलयात न्‍ह्याबलेंया लागि थःगु दय्‌कादीगु दु। अले छि हे परमप्रभु, इमि जुयादीगु दु।

२ शमूएल 22:3

जिमि परमेश्‍वर जिगु निंतिं ल्‍वहंधी थें खः। गुकिं जितः रक्षा याइ। वय्‌कः जिगु ढाल खः। वय्‌कः जितः बचय् याइगु शक्ति खः, वय्‌कः जिगु किल्‍ला खः, वय्‌कः जि शरण कायेगु थाय् खः। छि जितः उद्धार याइम्‍ह खः, छिं हे जितः ग्‍यानापुपिं मनूतपाखें बचय् यानादी।

१ इतिहास 16:14

वय्‌कः परमप्रभु झी परमेश्‍वर खः। वय्‌कःया न्‍यायया ज्‍या पृथ्‍वी न्‍यंक जुइ।

भजनसंग्रहया सफू 118:21

हे परमप्रभु, छिं जिगु प्रार्थनाया लिसः बियादीगुलिं जिं छितः सुभाय् बी, छिं जितः त्‍याकादिल।