प्रस्‍थान 13:7 - नेवाः बाइबल

⁷ न्‍हय्‌न्‍हुयंकं छिमिसं सोडा मदुगु मरि जक नयेमाः। अले छिमिगु देशय् सोडा व सोडा दुगु छुं नं खने तकं मदयेमाः।

प्रस्‍थान 13:7 ပူးပေါင်းရင်းမြစ်များ

प्रस्‍थान 12:15

न्‍हय्‌न्‍हु तक छिमिसं सोडा मतःगु मरि नयेमाः। न्‍हापांगु दिंखुन्‍हु छिमिसं थथःगु छेँनं सोडा वांछ्वयेमाः। सुनानं थ्‍व न्‍हय्‌न्‍हुया दुने सोडा तयातःगु छुं नं नल धाःसा वयात इस्राएली मनूतपाखें पितिनाछ्वइगु जुइ।

प्रस्‍थान 12:19

न्‍हय्‌न्‍हु तक छिमिगु छेँय् सोडा दुगु मरि मदयेमाः। सुनां नं सोडा दुगु छुं नल धाःसा इस्राएली जूसां विदेशी जूसां वयात इस्राएलया खलकं पितिनाछ्वइगु जुइ।

मत्ती 16:6

येशूं इमित धयादिल – “बांलाक होश या, फरिसीत व सदुकीतय्‌गु सोडापाखें बचय् जुयाच्‍वँ।”

१ कोरिन्‍थी 5:8

अय्‌जूगुलिं झीसं पापयागु मभिंगु इखं जाःगु पुलांगु सोडां दय्‌कातःगु मरि नयाः छुत्‍काराया नखः हने मज्‍यू। सत्‍य व यचुगु नुगःया सोडा हे ल्‍वाक मज्‍याःगु व शुद्धगु मरि नयाः नखः हने।

व्‍यवस्‍था 16:4

न्‍हय्‌न्‍हु तक छिमिगु देशय् सुनानं सोडा थःगु छेँय् तये मते। न्‍हापांगु न्‍हिया बहनी बां ब्‍यूम्‍ह पशुया ला सुथय् जुइ न्‍ह्यः तकं फुकेमाः, छकुचा नं ल्‍यंकातये मते।

यहोशू 5:11

छुत्‍काराया नखःया कन्‍हय् खुन्‍हु इमिसं उगु देशय् सःगु नसा, सोडा मतःगु मरि व सियातःगु अन्‍न नल।