प्रस्‍थान 13:3 - नेवाः बाइबल

³ अले मोशां मनूतय्‌त धाल, “छिमिसं परमप्रभुं थःगु शक्तिं जाःगु ल्‍हातं छिमित छिपिं दास जुयाच्‍वंगु मिश्र देशं पित हयादीगु थ्‍व दिंयात लुमंका ति। थ्‍वखुन्‍हु सोडा तयातःगु छुं नं नये मते।

प्रस्‍थान 13:3 ပူးပေါင်းရင်းမြစ်များ

उत्‍पत्ति 15:16

प्‍यंगू पुस्‍ता लिपा छिमि सन्‍तान थन लिहां वइ। उबलय्‌तक एमोरीतय्‌गु पाप जाइ मखुनि।”

१ राजा 8:42

(छाय्‌धाःसा इमिसं छिगु तःधंगु नां, छिगु बल्‍लाःगु ल्‍हाः व चकंगु लपुया बारे न्‍यनी)। व वया थ्‍व देगःपाखे स्‍वयाः प्रार्थना याइबलय्

१ इतिहास 16:12

वय्‌कलं यानादीगु गजबगु ज्‍या लुमंकि, वय्‌कःया अजू चायापुगु ज्‍या व वय्‌कःया नियम लुमंकि,

नहेम्‍याह 1:10

“छिं थःगु तःधंगु शक्तिं व बल्‍लाःगु ल्‍हातं बचय् यानादीपिं इपिं छि दासत व छि थः मनूत खः।

नहेम्‍याह 9:10

मिश्रीतय्‌सं तःधंछु जुयाः जिमि पुर्खातय्‌त क्‍वत्‍यला तःगुलिं छिं फारो, वया भारदार व वया देशयापिं सकल मनूतय्‌त सजाँय बीत अजू चाइपुगु चिं व ज्‍या यानाः थःगु निंतिं थौं तक दनिगु छगू तःधंगु नां तयादिल।

भजनसंग्रहया सफू 105:5

अय्, वय्‌कःया दास अब्राहामया सन्‍तान, अय्, वय्‌कलं ल्‍ययादीम्‍ह याकूबया सन्‍तान, वय्‌कलं यानादीगु अजू चायापुगु ज्‍या लुमंकि, वय्‌कःया अजू चायापुगु ज्‍या व वय्‌कलं न्‍यंकादीगु फैसलायात लुमंकि।

भजनसंग्रहया सफू 114:1

इस्राएलीतय्‌सं मिश्र देश त्‍वःतूबलय्, याकूबया सन्‍तान मेगु भाय् ल्‍हाइपिं मनूतय्‌गु दथुं पिहां वःबलय्

भजनसंग्रहया सफू 136:11

वय्‌कलं इमिगु दथुं इस्राएलयात पित हयादिल, वय्‌कःया दया माया सदां दयाच्‍वनी।

भजनसंग्रहया सफू 136:12

वय्‌कलं बल्‍लाःगु ल्‍हातं व चकंगु लपुं इमित पित हयादिल, वय्‌कःया दया माया सदां दयाच्‍वनी।

भजनसंग्रहया सफू 89:14

धार्मिकता व न्‍याय छिगु सिंहासनया जग खः। छिगु सदां दइगु दया माया व विश्‍वास याये बहःसू छिकपिनि दूतत जुयाः छिगु न्‍ह्यः न्‍ह्यः वनी।

प्रस्‍थान 12:15

न्‍हय्‌न्‍हु तक छिमिसं सोडा मतःगु मरि नयेमाः। न्‍हापांगु दिंखुन्‍हु छिमिसं थथःगु छेँनं सोडा वांछ्वयेमाः। सुनानं थ्‍व न्‍हय्‌न्‍हुया दुने सोडा तयातःगु छुं नं नल धाःसा वयात इस्राएली मनूतपाखें पितिनाछ्वइगु जुइ।

प्रस्‍थान 12:17

“छिमिसं सोडा मतःगु मरिया नखः हँ। छाय्‌धाःसा थ्‍वखुन्‍हु हे जिं छिमित पुचः पुचः यानाः मिश्रं पित हयागु खः। लिपा वइगु फुक्‍क पुस्‍ताय्‌ सदांया नियमकथं थ्‍व दिंयात हनेगु या।

प्रस्‍थान 12:19

न्‍हय्‌न्‍हु तक छिमिगु छेँय् सोडा दुगु मरि मदयेमाः। सुनां नं सोडा दुगु छुं नल धाःसा इस्राएली जूसां विदेशी जूसां वयात इस्राएलया खलकं पितिनाछ्वइगु जुइ।

प्रस्‍थान 12:2

“थ्‍व ला छिमिगु निंतिं दँया न्‍हापांगु ला जुइ।

प्रस्‍थान 12:41

प्‍यसः व स्‍विदँ लिपा उखुन्‍हु हे परमप्रभुया फुक्‍क मनूतय्‌सं मिश्र देश त्‍वःतल।

प्रस्‍थान 12:42

उखुन्‍हु चान्‍हय् हे परमप्रभुं इस्राएलीतय्‌त मिश्र देशं पित हया थःगु बचं पूवंकादिल। उकिं व चा वय्‌कःया निंतिं हनेमाः। थ्‍व परमप्रभुयागु चा खः। थुकियात पुस्‍तां पुस्‍ता तक इस्राएलीतय्‌सं हनेमाः।

प्रस्‍थान 12:8

उखुन्‍हु हे चान्‍हय् छिमिसं चिधिकःम्‍ह भ्‍याःचाया ला मिइ छुयाः खायुगु वाउँचा व सोडा मतःगु मरिनापं नयेमाः।

प्रस्‍थान 13:14

“छिमि काय्‌पिन्‍सं लिपा, ‘थुकियागु अर्थ छु खः?’ धकाः छिमित न्‍यनीबलय् इमित धा, ‘परमप्रभुं थःगु शक्तिं जाःगु ल्‍हातिं जिमित दास यानातःगु देश मिश्रं पित हयादिल।

प्रस्‍थान 13:9

परमप्रभुया व्‍यवस्‍था छिमिगु म्‍हुतुइ दयेमा धकाः थ्‍व छिमिगु ल्‍हातिइ व कपालय् लुमंकाबीगु चिं थें जुइ, छाय्‌धाःसा परमप्रभुं थःगु शक्तिं जाःगु ल्‍हातिं छिमित मिश्र देशं पित हयादीगु खः।

प्रस्‍थान 20:2

“छिपिं दास दासी जुयाच्‍वंगु मिश्र देशं पित हयाम्‍ह जि परमप्रभु छिमि परमेश्‍वर खः।

प्रस्‍थान 20:8

“विश्रामबारयात पवित्रगु धकाः मानय् यायेत लुमंका ति।

प्रस्‍थान 23:15

“छिमिसं सोडा मतःगु मरिया नखः हनेगु या। छिमित आज्ञा बिया थें आबीब लाया क्‍वःछिनातःगु इलय् न्‍हय्‌न्‍हु तक सोडा मतःगु मरि नयेगु या, छाय्‌धाःसा व हे लाय् छिपिं मिश्रं पिहां वःगु खः। “सु नं जिगु न्‍ह्यःने ल्‍हातय् छुं मदय्‌क खनेदः वये मते।

प्रस्‍थान 3:20

अथे जुयाः जिं मिश्र देशपाखे थःगु ल्‍हाः ल्‍ह्वनाः इमित जिगु अजू चायापुगु ज्‍यां कय्‌के। अले तिनि वं छिमित वनेबी।

प्रस्‍थान 34:18

“सोडा मतःगु मरिया नखः हनेगु या। जिगु उजंकथं आबीब लाया क्‍वःछिनातःगु इलय् न्‍हय्‌न्‍हु तक सोडा मतःगु मरि नयेगु या। आबीब लाय् हे छिपिं मिश्र देशं पिहां वःगु खः।

प्रस्‍थान 6:1

परमप्रभुं मोशायात धयादिल, “फारोयात जिं छु याइ आः छं स्‍वये दइ। वं जिगु बल्‍लाःगु ल्‍हातं यानाः इमित वनेबी। वं जिगु शक्तिं यानाः हे इमित थःगु देशं पितिनाछ्वइ।”

प्रस्‍थान 6:6

“उकिं इस्राएलीतय्‌त धा, ‘जि परमप्रभु खः। जिं छिमित मिश्रीतय्‌गु दासत्‍वं पित हये। जिं थःगु ल्‍हाः ल्‍ह्वनाः इमित तःधंगु सजाँय बियाः छिमित बचय् याये।

प्रस्‍थान 6:7

जिं छिमित थः मनू नालाकाये, अले जि छिमि परमेश्‍वर जुइ। अले मिश्रीतय्‌गु दासत्‍वं छिमित पितहःम्‍ह जि हे छिमि परमप्रभु परमेश्‍वर खः धकाः छिमिसं म्‍हसीकी।

प्रस्‍थान 7:4

फारोनं छिमिगु खँ न्‍यनी मखु। अले जिं मिश्र देशय् थःगु ल्‍हाः तयाः मिश्रीतय्‌त तःधंगु सजाँय बियाः थः मनू इस्राएलीतय्‌त मिश्रं पित हये।

यर्मिया 34:13

“परमप्रभु, इस्राएलयाम्‍ह परमेश्‍वरं थथे धयादी – जिं इमि पुर्खातय्‌त दासत्‍वया देश मिश्रं लिगनाहयाबलय् इपिंलिसें छगू बाचा चिना। जिं धया,

दानिएल 9:15

“हे परमप्रभु जिमि परमेश्‍वर, छिं थः मनूतय्‌त बल्‍लाःगु ल्‍हातं मिश्र देशं पित हयाः थौं तक नं थःगु निंतिं नां तयादिल। जिमिसं पाप यानागु दु, जिमिसं मभिंगु ज्‍या यानागु दु।

मत्ती 10:12

वयागु छेँय् दुहां वनेवं हे ‘छिमित शान्‍ति दयेमा’ धकाः धा।

लूका 22:19

वय्‌कलं हानं मरि कयाः परमेश्‍वरयात सुभाय् बियाः कुचा कुचा थलाः इमित थथे धयाः बियादिल – “थ्‍व मरि न। थ्‍व छिमित बियागु जिगु म्‍ह खः। आवंनिसें जितः लुमंकेत थथे यायेगु या।”

१ कोरिन्‍थी 11:24

परमेश्‍वरयात सुभाय् बियादिल। अले मरि कुचा थलाः थथे धयादिल – “छिमित बियागु थ्‍व जिगु म्‍ह खः। जितः लुमंकेत छिमिसं थथे हे यायेगु या।”

१ कोरिन्‍थी 5:8

अय्‌जूगुलिं झीसं पापयागु मभिंगु इखं जाःगु पुलांगु सोडां दय्‌कातःगु मरि नयाः छुत्‍काराया नखः हने मज्‍यू। सत्‍य व यचुगु नुगःया सोडा हे ल्‍वाक मज्‍याःगु व शुद्धगु मरि नयाः नखः हने।

एफिसी 1:19

अले वय्‌कःयात विश्‍वास याःपिन्‍त ग्‍वाहालि यानादीगु वय्‌कःया शक्ति गुलि तःधं धयागु सीमा धकाः नं जिं प्रार्थना यानाच्‍वनागु दु। वय्‌कःया शक्ति तसकं तःधं।

व्‍यवस्‍था 13:10

वयात ल्‍वहँतं कय्‌काः स्‍यायेमाः, छाय्‌धाःसा वं छिमित दासत्‍वया देश मिश्रं पित हयादीम्‍ह परमप्रभु छिमि परमेश्‍वरपाखें हीकाः मेखेपाखे यंकेगु कुतः यात।

व्‍यवस्‍था 13:11

थथे जूगुलिं सकल इस्राएलीत थ्‍व खँ न्‍यनाः ग्‍याइ, अले थज्‍याःगु मभिंगु ज्‍या छिमिगु दथुइ गुबलें याइ मखु।

व्‍यवस्‍था 13:5

व अगमवक्ता वा म्‍हगसय्‌या खँ कनीम्‍ह मनूयात स्‍याना हे छ्वयेमाः। छाय्‌धाःसा वं छिमित दासत्‍वया देश मिश्रं पित हयादीम्‍ह परमप्रभु छिमि परमेश्‍वरं आज्ञा बियादीगु लँपुपाखें हीकाः वय्‌कःया विरोध यायेगु स्‍यनेत कुतः यात। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 13:6

छिमि थः हे दाजुकिजा, काय्‌म्‍ह्याय्, कलाः वा मिलय् जूम्‍ह पासां “छिमिसं व छिमि पुर्खातय्‌सं म्‍हमस्‍यूपिं द्यःतय्‌त पुजा याये नु” धकाः छिमित हेय्‌कल धाःसा

व्‍यवस्‍था 15:15

मिश्रय् छिपिं दास जुयाच्‍वंबलय् परमप्रभु छिमि परमेश्‍वरं छिमित त्‍वःतकाहयादीगु खँ लुमंकि। अथे जुयाः थौं जिं छिमित थ्‍व आज्ञा बी।

व्‍यवस्‍था 16:1

आबीब लायात लुमंकाः परमप्रभु छिमि परमेश्‍वरयागु छुत्‍काराया नखः हनेगु या, छाय्‌धाःसा आबीब लाय् हे वय्‌कलं छिमित चान्‍हय् मिश्रं पित हयादीगु खः।

व्‍यवस्‍था 16:12

छिपिं मिश्रय् दास दासी जुयाच्‍वंगु खः धइगु खँ ल्‍वःमंके मते अले थुपिं नियम बांलाक मानय् या।

व्‍यवस्‍था 16:3

व नापं सोडा दुगु मरि नये मते। न्‍हय्‌न्‍हु तक सोडा मतःगु मरि धाःसा नयेगु या, थ्‍व दुःखया मरि खः। छाय्‌धाःसा मिश्रं छिपिं हथाय् चाचां वःगु खः। मिश्रं पिहां वःगु छिमिसं जिवंकाछि लुमंका तयेत थ्‍व नयेमाःगु खः।

व्‍यवस्‍था 24:18

छिपिं मिश्रय् दास जुयाः परमप्रभु छिमि परमेश्‍वरं छिमित त्‍वःतकादीगु खँ लुमंकि। अथे जुयाः जिं छिमित थथे यायेगु आज्ञा बियागु खः।

व्‍यवस्‍था 24:22

छिपिं मिश्रय् दास जुयाच्‍वनागु खँ लुमंकि। अथे जुयाः जिं छिमित थथे यायेगु विधि बियाच्‍वनागु दु।

व्‍यवस्‍था 26:8

अथे जुयाः परमप्रभुं झीत थःगु बल्‍लाःगु ल्‍हाः व चकंगु लप्‍पू तःधंगु ग्‍यानपुस्‍से च्‍वंगु अजू चाइपुगु चिं व ज्‍या क्‍यनाः मिश्रं पितहयादिल।

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

व्‍यवस्‍था 5:15

छिपिं मिश्रय् दास जुयाच्‍वंबलय् गथे यानाः परमप्रभु छिमि परमेश्‍वरं थःगु बल्‍लाःगु ल्‍हाः व चक्‍कंगु लपुं छिमित पितहयादिल। व लुमंका ति! अथे जुयाः परमप्रभु छिमि परमेश्‍वरं विश्रामबार हनेत छिमित आज्ञा बियादीगु खः।”

व्‍यवस्‍था 5:6

“छिमित छिपिं दास जुयाः च्‍वनाच्‍वंगु मिश्र देशं त्‍वःतका हयाम्‍ह जि परमप्रभु छिमि परमेश्‍वर खः।

व्‍यवस्‍था 6:12

होश या! छिमित मिश्र देशं दासत्‍वं पितहयादीम्‍ह परमप्रभुयात ल्‍वःमंके मते।

व्‍यवस्‍था 6:21

छिमिसं वयात थथे धा, “झीपिं मिश्रय् फारोया दास जुयाच्‍वनागु खः, अले परमप्रभुं झीत मिश्रं थःगु बल्‍लाःगु ल्‍हातं पितहयादिल।

व्‍यवस्‍था 7:8

अय्‌नं परमप्रभुं छिमित माया यानादीगुलिं अले वय्‌कलं छिमि पुर्खालिसें पाफयादीगु पूवंकादीत हे छिमित परमप्रभुं थःगु बल्‍लाःगु ल्‍हातं मिश्रया जुजु फारोया दासत्‍वं त्‍वःतकाः पितहयादिल।

व्‍यवस्‍था 8:14

छिपिं तःधंछु जुयाः छिमित दासत्‍वया देश मिश्रं पितहयादीम्‍ह परमप्रभु छिमि परमेश्‍वरयात ल्‍वःमंके मते।

व्‍यवस्‍था 9:12

परमप्रभुं जितः धयादिल, “आः थत्‍थें पहाडं क्‍वहां हुँ, छाय्‌धाःसा छं मिश्रं पित हःपिं मनूत स्‍यनावने धुंकल। जिं इमित बियागु आज्ञा इमिसं थत्‍थें हे त्‍वःताः इमिसं मूर्ति दय्‌कूगु दु।”

यहोशू 24:17

छाय्‌धाःसा परमप्रभु, झी परमेश्‍वरं झीत व झी पुर्खातय्‌त मिश्रं पित हयादीगु खः। झीपिं व देशय् दास जुयाः च्‍वनागु खः। झीसं वय्‌कलं यानादीगु अजू चाइपुगु ज्‍या खनागु दु। झीपिं थीथी जातितय्‌गु देश जुया वयाबलय् वय्‌कलं झीत बचय् यानादिल।

न्‍यायकर्ता 2:12

इमिसं थःपिन्‍त मिश्र देशं पित हयादीम्‍ह थः पुर्खातय् परमप्रभु परमेश्‍वरयात त्‍वःताः मेपिं द्यःतय्‌गु ल्‍यू वनाः उमित भागि यात। थुकथं इमिसं परमेश्‍वरयात तंचाय्‌कल।

न्‍यायकर्ता 6:8

वय्‌कलं इमिथाय् छम्‍ह अगमवक्ता छ्वयाहयादिल। वं थथे धाल, परमप्रभु इस्राएलयाम्‍ह परमेश्‍वरं थथे धयादीगु दु – “जिं छिमित दास याकातःगु मिश्र देशं पित हया।