प्रस्‍थान 12:3 - नेवाः बाइबल

³ इस्राएलीतय् फुक्‍क खलःयात थथे धा, थ्‍व लाया झिन्‍हु दुखुन्‍हु छिपिं फुक्‍कसिनं थथःगु परिवारया निंतिं छम्‍ह छम्‍ह चिधिकःम्‍ह भ्‍याःचा हयेमाः।

प्रस्‍थान 12:3 ပူးပေါင်းရင်းမြစ်များ

उत्‍पत्ति 22:8

अब्राहामं धाल, “पुता, परमेश्‍वरं हे झीत होमबलि बीगु लागिं भ्‍याःचा बी।” थुकथं इपिं नापं वनाच्‍वन।

उत्‍पत्ति 4:4

हाबिलं नं दक्‍वसिबय् न्‍हापां बूपिं फैतय्‌गु पुचलं दक्‍वसिबय् स्‍वयेज्‍यूम्‍ह फैचा ल्‍ययाः बलि बी हल। परमप्रभुं हाबिल व वयागु देछायात यय्‌कादिल।

२ इतिहास 35:7

योशियाहं अन दुपिं फुक्‍क मनूतय्‌त छुत्‍काराया फुक्‍क बलिया निंतिं ३०,००० म्‍ह चिधीम्‍ह भ्‍याःचा व दुगुचा बिल। अले वं व हे इलय् मेगु बलिया निंतिं ३,००० म्‍ह द्वहं नं बिल। व फुक्‍कं वं थःगु सम्‍पत्तिं ब्‍यूगु खः।

प्रस्‍थान 12:2

“थ्‍व ला छिमिगु निंतिं दँया न्‍हापांगु ला जुइ।

प्रस्‍थान 12:21

अले मोशां इस्राएलया फुक्‍क थकालितय्‌त सःतके छ्वयाः धाल, “छिमिसं वनाः थः छेँजःपिनिगु निंतिं भ्‍याःचा ल्‍ययाः छुत्‍काराया नखःया निंतिं स्‍या।”

प्रस्‍थान 12:4

सुयागुं परिवारय् छम्‍ह चिधिकःम्‍ह भ्‍याःचा नयेत मनूत कम जूसा वं थः छेँया सतिक च्‍वंम्‍ह जःलाखःलालिसे मिलय् जुयाः मनूतय्‌गु ल्‍याःकथं चिधिकःम्‍ह भ्‍याःचा हयेमाः। सुनां गुलि नयेफु, व हे ल्‍याखं ग्‍वःम्‍ह चिधिकःम्‍ह भ्‍याःचा माः क्‍वःछ्यु।

प्रस्‍थान 12:6

“लाया झिंप्‍यन्‍हु खुन्‍हु तक चिधिकःम्‍ह भ्‍याःचायात बांलाक बिचाः यानाः ति। थ्‍वखुन्‍हु हे इस्राएलया फुक्‍क मनूत जानाः सन्‍ध्‍याकाः इलय् चिधिकःम्‍ह भ्‍याःचायात स्‍यायेमाः।

प्रस्‍थान 14:15

अले परमप्रभुं मोशायात धयादिल, “छाय् जिलिसें हालाच्‍वनागु? इस्राएलीतय्‌त न्‍ह्यःज्‍या धकाः धा।

प्रस्‍थान 20:19

मोशायात धाल, “छिं हे जिमित धयादिसँ, अले जिमिसं न्‍यने। परमेश्‍वर थः हे जिपिंलिसें खँ ल्‍हानादीसा जिपिं सी।”

प्रस्‍थान 4:30

परमप्रभुं मोशायात धयादीगु फुक्‍क खँ हारूनं इमित धाल। अले मनूतय् न्‍ह्यःने हे वं अजू चायापुगु चिं नं क्‍यनाबिल।

प्रस्‍थान 6:6

“उकिं इस्राएलीतय्‌त धा, ‘जि परमप्रभु खः। जिं छिमित मिश्रीतय्‌गु दासत्‍वं पित हये। जिं थःगु ल्‍हाः ल्‍ह्वनाः इमित तःधंगु सजाँय बियाः छिमित बचय् याये।

इजकिएल 40:1

जिमित ज्‍वनाः बेबिलोनय् यंकूगु निइन्‍यागूगु दँया न्‍हापांगु लाया झिन्‍हु दुखुन्‍हु अर्थात बेबिलोनयापिन्‍सं यरूशलेम त्‍याकाकाःगु झिंप्‍यगूगु दँ लिपा परमप्रभुया शक्ति जिके वल, अले वय्‌कलं जितः अन यंकादिल।

लेवी 1:2

“इस्राएलीतय्‌त धा, ‘सुनानं परमप्रभुया निंतिं बलि बीबलय् वयागु बलि सा द्वहंया बथां वा फै दुगुचाया बथांपाखें जुइमाः।

लेवी 5:6

अले वं सजाँयकथं परमप्रभुयाथाय् बथांपाखें मिसाम्‍ह चिधिकःम्‍ह फै वा च्‍वलय् पापबलि छाये हयेमाः। पुजाहारीं वयागु पापया निंतिं प्रायश्‍चित यायेमाः।

गन्‍ती 15:11

छम्‍ह छम्‍ह द्वहं वा भ्‍याःचा, चिधिकःम्‍ह भ्‍याःचा वा दुगुचाया निंतिं थथे हे यायेमाः।

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

यूहन्‍ना 1:36

येशू झायाच्‍वंगु खनाः वं धाल – “का स्‍व, परमेश्‍वरया चीधिकःम्‍ह भ्‍याःचा।”

यूहन्‍ना 12:1

छुत्‍काराया नखःया खुन्‍हु न्‍ह्यः येशू बेथानियाय् झाल। थ्‍व हे गामय् वय्‌कलं सी धुंकूम्‍हय्‌सित म्‍वाकादीम्‍ह लाजरस च्‍वनाच्‍वंगु दु।

यूहन्‍ना 12:12

कन्‍हय् खुन्‍हु जुइगु छुत्‍काराया नखः हनेत वःपिं ग्‍वाः ग्‍वाः मनूतय्‌सं येशू यरूशलेमय् झायात्‍यंगु दु धकाः सीकल।

१ कोरिन्‍थी 5:7

थथे पुलांगु पापयागु सोडायात छिमिसं वांछ्वयेमाः, अले छिपिं पवित्र जुइ। छिपिं सोडा मतसे न्‍हायातःगु छ्वचुं जुइ। छुत्‍कारायागु नखः वये धुंकल, छाय्‌धाःसा झीत मुक्ति बीम्‍ह ख्रीष्‍ट, झीम्‍ह छुत्‍काराया चीधिकःम्‍ह भ्‍याःचा बलिदान जुयादी धुंकल।

यहोशू 7:14

“‘उकिं सुथय् छिपिं थथःगु कुलकथं न्‍ह्यःने वा, व गुगु कुलयात परमप्रभुं क्‍यनादी। व कुल वंश-वंश यानाः न्‍ह्यःने वयेमाः। गुगु वंशयात परमप्रभुं क्‍यनादी। व वंशं छगू छगू छेँजः यानाः न्‍ह्यःने वयेमाः। गुगु छेँजःयात परमप्रभुं क्‍यनादी व छेँजलं छम्‍ह छम्‍ह मनू यानाः न्‍ह्यःने वयेमाः।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

१ शमूएल 7:9

अथे जुयाः शमूएलं नकतिनियाम्‍ह मचाम्‍ह भ्‍याःचायात हयाः होमबलि छाल, अले इस्राएलीतय्‌गु निंतिं परमप्रभुयात ततःसलं हालाः प्रार्थना यात। परमप्रभुं वं याःगु प्रार्थनाया लिसः बियादिल।