प्रस्‍थान 11:2 - नेवाः बाइबल

² मिजंत व मिसात फुक्‍कसित थः जःलाखःलापिन्‍के लुँ व वहःया तिसा फ्‍वँ धा।”

प्रस्‍थान 11:2 ပူးပေါင်းရင်းမြစ်များ

उत्‍पत्ति 24:53

अले वं वसः, लुँ वहःया तिसा पिकयाः रिबेकायात बिल। वं वया मां व दाजुयात नं थिकय् थिकय्‌गु कोसेलि देछात।

उत्‍पत्ति 31:9

परमेश्‍वरं छिमि बाःया पाखें फुक्‍क फैच्‍वलय्‌या बथां लाकाकाल, अले जितः बियादिल।

भजनसंग्रहया सफू 105:37

वय्‌कलं इस्राएलीतय्‌त लुँ व वहःनापं मिश्रं पित हयादिल। इपिं कुलयापिं सुं नं धेधेमचू।

भजनसंग्रहया सफू 24:1

पृथ्‍वी व पृथ्‍वीइ च्‍वंगु फुक्‍कं परमप्रभुयागु खः। संसार व संसारय् च्‍वंपिं फुक्‍कं परमप्रभुयागु खः।

प्रस्‍थान 3:21

“जिं मिश्रीतय्‌त छिमित हनाबना तइपिं यानाबी। अले छिपिं अनं पिहां वनीबलय् ल्‍हातय् छुं मदय्‌क वनी मखु।

प्रस्‍थान 3:22

फुक्‍क इस्राएली मिसातय्‌सं थथः मिश्री जःलाखःला व इमिगु छेँय् च्‍वनिपिं मिसातय्‌के लुँ, वहः, तिसा व वसः फ्‍वनी, अले छिमिसं व थःकाय् म्‍ह्याय्‌पिन्‍त पुंकी। थुकथं छिमिसं मिश्रीतय्‌गु धन ज्‍वनाः वइ।”

प्रस्‍थान 32:24

अथे जुयाः जिं इमित धया, ‘सुयाके सुयाके लुँयागु तिसा दु, व त्‍वयाः हजि।’ अले इमिसं जितः लुँ बिल। जिं लुँयात मिइ तयाबिया, अले थ्‍व द्वहंचा पिहां वल।”

प्रस्‍थान 35:22

देछा छायेगु मनदुपिं मिसा व मिजंतय्‌सं मार्वरि, अंगू, चाः व सिखः थें ज्‍याःगु लुँयागु तिसा हल।

हितोपदेश 13:22

भिंपिं मनूतय्‌सं थः छय्-छुइपिन्‍त धकाः धनसम्‍पत्ति त्‍वःताथकी। पापीतय्‌गु धन धाःसा धर्मीतय्‌गु ल्‍हातिइ लाइ।

हाग्‍गै 2:8

‘वहः नं जिगु हे खः अले लुँ नं जिगु हे खः,’ दक्‍व शक्ति दुम्‍ह परमप्रभुं धयादी।

मत्ती 20:15

जिं थःगु धिबा थः यःम्‍हय्‌सित बी मदु ला? जिं बिल धकाः छिमि तं पिहां वः ला कि?’”