प्रस्‍थान 10:7 - नेवाः बाइबल

⁷ फारोया भारदारतय्‌सं वयात धाल, “गुबलय् तक थ्‍व मनुखं झीत दुःख बियाच्‍वनीगु खः? वया मनूतय्‌त इमि परमप्रभु परमेश्‍वरया आराधना यायेत वनेबियादिसँ। छिं आः तक नं मिश्र देश गुलि स्‍यने धुंकल धयागु मस्‍यूनि ला?”

प्रस्‍थान 10:7 ပူးပေါင်းရင်းမြစ်များ

भजनसंग्रहया सफू 107:34

वय्‌कलं लखं लाःगु बुँयात चि दुगु मरुभूमि यानादिल। थ्‍व धाःसा अन च्‍वंपिं मनूतय्‌गु मभिंगु ज्‍याया कारणं खः।

प्रस्‍थान 12:33

अले मिश्रीतय्‌सं इस्राएलीतय्‌त थत्‍थें देश त्‍वःताब्‍यु धकाः बिन्‍ति यात। इमिसं धाल, “मखुसा जिपिं फुक्‍कं सी।”

प्रस्‍थान 23:33

छिमिगु देशय् इमित च्‍वनेबी मते, मखुसा छिमित जिगु विरोधय् पाप याकेबी। छिमिसं इमि द्यःतय्‌त पुजायात धाःसा छिपिं धात्‍थे हे इमिगु जालय् तक्‍यनी।”

प्रस्‍थान 7:5

जिं मिश्र देशय् ल्‍हाः तयाः इस्राएलीतय्‌त अनं पित हयेबलय् मिश्रीतय्‌सं जि परमप्रभु खः धकाः सीका काइ।”

प्रस्‍थान 8:19

अले जादु क्‍यनिपिन्‍सं फारोयात धाल, “थुकी ला परमेश्‍वरयागु हे ल्‍हाः दु।” अय्‌नं परमप्रभुं धयादी थें हे फारोया नुगः छानाच्‍वन। वं इमिगु खँ मन्‍यन।

हितोपदेश 29:6

मभिंपिं मनूत थःगु हे पापया जालय् लाइ। तर धर्मीपिं मनूत तसकं लय्‌तायाजुइ।

उपदेशक 7:26

व हे मिसा गुम्‍ह छगू स्‍वःतिपाँय् थें खः, वयात जिं सीगु स्‍वयाः नं खायुगु लुइका। वयागु नुगः जाः अले वयागु ल्‍हाः धाःसा सिखलं चिनातःगु थें खः। सु मनुखं परमेश्‍वरयात लय्‌ताय्‌की, व बचय् जुइ तर पापीयात वं स्‍वःतिपाँय्‌लय् क्‍यंकी।

यशैया 14:20

सीम्‍ह ल्‍हाकेगु इलय् छ इपिंनापं मिलय् जुइ मखु, छाय्‌धाःसा छं थःगु देशयात नाश याःगु दु, अले छं थः हे मनूतय्‌त नं नाश याःगु दु। दुष्‍टया सन्‍तानतय्‌गु नां गुबलें काइगु जुइ मखु।

यशैया 51:9

छुं यानादिसँ! हे परमप्रभु, जिमित ग्‍वाहालि यानादिसँ, अले थःगु शक्ति छ्यलाः जिमित बचय् यानादिसँ, पुलांगु इलय् थें अले न्‍हापाया पुस्‍तातय्‌गु इलय् थें छुं यानादिसँ। छु छि व हे मखु ला, गुम्‍हय्‌सिनं समुद्रया अजिङ्‌गर राहाबयात कुचा कुचा थलादिल अले व अजिङ्‌गरयात सुयाबिल।

यर्मिया 48:4

मोआब नाश जुइ, वया मस्‍त तःसलं ख्‍वइ।

यर्मिया 51:8

आः बेबिलोन आकाझाकां क्‍वःदली, अले बेबिलोनयात कुचा कुचा याइ। वयागु निंतिं ख्‍व! वयागु स्‍याःचाःया निंतिं मलम हजि! सके व लनी ला?

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

१ कोरिन्‍थी 7:35

थ्‍व खँ जिं छिमित हे भिं यायेत धयाच्‍वनागु खः। छिमित पनेत मखु बरु छिमिसं पंगः मवय्‌क दुनुगलंनिसें प्रभुयात लय्‌ताय्‌के फयेमा धकाः धयागु खः।

यहोशू 23:13

परमप्रभु छिमि परमेश्‍वरं थुपिं जातितय्‌त छिमिगु न्‍ह्यःनें पित छ्वयादी मखु धयागु खँ सीका का, तर इपिं छिमिगु लागिं तक्‍यंकीगु जाः व स्‍वःतिपाँय् जुइ अले छिमिगु म्‍ह ल्‍युने कोर्रा व मिखाय् कँ जुइ। अले परमप्रभु छिमि परमेश्‍वरं छिमित बियादीगु थ्‍व भिंगु थासं छिपिं मदया मवंतले थ्‍व खँ जुया हे च्‍वनी।

१ शमूएल 18:21

वं थःगु मनय् थथे धकाः बिचाः यात, “जिं मीकलयात हे दाऊदनापं ब्‍याहा यानाबी। व दाऊदया निंतिं छगू जाः जुइमा अले पलिश्‍तीतय्‌सं वयात स्‍यायेमा।” अथे जुयाः शाऊलं दाऊदयात थः जिलाजं यायेत निक्‍वः खुसि इनाप यात।

१ शमूएल 5:11

अथे जुयाः हाकनं इमिसं पलिश्‍तीतय् फुक्‍क शासकतय्‌त सःताहल, अले इमित धाल, “परमेश्‍वरया बाचाया सनू जिमि थासं छ्वयादिसँ। थ्‍व सनूयात तइगु थासय् हे लित छ्वयादिसँ। मखुसा थुकिं यानाः झीपिं सकलें सी माली।” मृत्‍युया कारण फुक्‍क शहरय् भयया ल्‍वचं जाल। छाय्‌धाःसा परमप्रभुया ल्‍हाः इमिगु विरोधय् ल्‍ह्वनादीगु खः।