प्रस्‍थान 10:2 - नेवाः बाइबल

² अले जिं गथे यानाः मिश्रीतय्‌त हेस्‍यानाः इमिगु दथुइ गज्‍याः गज्‍याःगु अजू चायापुगु चिं क्‍यना, छं थः काय्‌पिन्‍त व छय्‌पिन्‍त कँ। अले छिमिसं जि हे परमप्रभु खः धकाः सी।”

प्रस्‍थान 10:2 ပူးပေါင်းရင်းမြစ်များ

२ शमूएल 7:22

“हे परमप्रभु परमेश्‍वर, छि थें मेपिं सुं नं मदु, अले जिमिसं थःगु हे न्‍हाय्‌पनं न्‍यनागु थें छि बाहेक मेम्‍ह परमेश्‍वर मदु।

भजनसंग्रहया सफू 44:1

हे परमेश्‍वर, छिं यक्‍व न्‍हापा जिमि पुर्खातय्‌गु पालय् यानादीगु खँ इपिंपाखें जिमिसं थःगु हे न्‍हाय्‌पंनं न्‍यनागु दु।

भजनसंग्रहया सफू 44:2

छिं थःगु हे शक्तिं जाति जातियापिं मनूतय्‌त पितिनाः इमिगु थासय् जिमि पुर्खातय्‌त तयादिल। छिं इमि शत्रुतय्‌त क्‍वत्‍यलाः इमित ब्‍वलंकादिल।

भजनसंग्रहया सफू 58:11

अले मनूतय्‌सं धाइ, “धर्मीतय्‌सं आः नं सिरपाः कायेखनि तिनि। परमेश्‍वर धात्‍थें हे दनि, अले वय्‌कलं पृथ्‍वीइ न्‍याय यानादी।”

भजनसंग्रहया सफू 71:18

हे परमेश्‍वर, आः जि बुरा जुइ धुन जिगु सँ तुयुसे च्‍वने धुंकल। अय्‌नं आःया न्‍हू पुस्‍तायापिं मनूतय्‌त जिं छिगु अजू चायापुगु ज्‍यायागु खँ मन्‍यंकुतले जितः त्‍वःतादी मते।

भजनसंग्रहया सफू 78:3

गुगु खँ झीसं न्‍यना तयागु खः, अले स्‍यू, अले झी तापाःबाज्‍यापिन्‍सं झीत कनातःगु खः।

प्रस्‍थान 13:14

“छिमि काय्‌पिन्‍सं लिपा, ‘थुकियागु अर्थ छु खः?’ धकाः छिमित न्‍यनीबलय् इमित धा, ‘परमप्रभुं थःगु शक्तिं जाःगु ल्‍हातिं जिमित दास यानातःगु देश मिश्रं पित हयादिल।

प्रस्‍थान 14:18

जिं इमित त्‍याकेधुंकाः मिश्रीतय्‌सं जि हे परमप्रभु खः धकाः सीकी।”

प्रस्‍थान 14:4

जिं मिश्रया जुजु फारोया नुगः छाय्‌काबी, वं छिमित ल्‍यू वइ। जिं फारो व वया सेनायात त्‍याके, अले जिगु महिमा जुइ। मिश्रीतय्‌सं जि हे परमप्रभु खः धकाः सीकी।” इस्राएलीतय्‌सं अथे हे यात।

प्रस्‍थान 7:17

परमप्रभुं थथे धयादी, जि परमप्रभु खः धकाः छं सी। स्‍व, जिं नील खुसिया लखय् थःगु कथिं दाये, अले व हि जुइ।

प्रस्‍थान 7:5

जिं मिश्र देशय् ल्‍हाः तयाः इस्राएलीतय्‌त अनं पित हयेबलय् मिश्रीतय्‌सं जि परमप्रभु खः धकाः सीका काइ।”

प्रस्‍थान 8:6

हारूनं मिश्र देशय् च्‍वंगु फुक्‍क लःपाखे थःगु ल्‍हाः न्‍ह्यज्‍याकल, अले देशय् हे त्‍वपुक ब्‍यांचा पिहां वल।

यशैया 38:19

म्‍वाःपिं व म्‍वानाच्‍वंपिन्‍सं जक छिगु प्रशंसा याइ, गथे थौं जिं यानाच्‍वना। बौनं थः काय्‌पिन्‍त छिगु विश्‍वास याये बहःगु खँया बारे कनी।

इजकिएल 20:26

इमित वातां यायेत जिं इमित उपिं हे बलिदानतपाखें अपवित्र याकेबिया, गुगु बलिदानय् इमिसं थः फुक्‍कं न्‍हापा बूपिन्‍त मिइ बलि छाल। इमिसं जि परमप्रभु इमि परमेश्‍वर खः धयागु सीमा धकाः थथे याना।’

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

योएल 1:3

छिमि काय् म्‍ह्याय्‌पिन्‍त थ्‍व खँ न्‍यंकि, अले छिमि काय् म्‍ह्याय्‌पिन्‍सं इमि काय् म्‍ह्याय्‌पिन्‍त न्‍यंकेमाः अले इमि काय् म्‍ह्याय्‌पिन्‍सं मेगु पुस्‍तायात न्‍यंकेमाः।

एफिसी 6:4

बौपिन्‍सं थः मस्‍तय्‌त तंचाय्‌केगु याये मते, बरु इमित प्रभुयागु खँ स्‍यनेकने यानाः वय्‌कःया अनुशासनय् ब्‍वलंकी।

व्‍यवस्‍था 4:9

तर बांलाक होश यानाच्‍वँ, छिमिसं मिखां खंगु खँ गुबलें ल्‍वममंकेत होश यानाच्‍वँ अले छिमिसं म्‍वानाच्‍वंतले थुपिं आज्ञा थःगु मनं चिला वंकेबी मते। अले थुपिं आज्ञा थः काय्‌म्‍ह्याय्‌पिं व छय्‌पिन्‍त बीगु पक्‍का या।