एस्‍तर 9:3 - नेवाः बाइबल

³ अले इमिके मोर्दकैया भय दुगुलिं मन्‍त्रीत, प्रान्‍त प्रान्‍तयापिं बडा-हाकिमत, देशया थीथी जातियापिनि नायःतय्‌सं यहूदीतय्‌त ग्‍वाहालि यात।

एस्‍तर 9:3 ပူးပေါင်းရင်းမြစ်များ

एज्रा 2:2

इमि नायःत थुपिं खः – यरूबाबेल, येशूअ, नहेम्‍याह, सरायाह, रेलयाह, मोर्दकै, बिल्‍शान, मिस्‍पार, बिग्‍वै, रेहूम व बानाहा। लिहांवःपिं इस्राएली मिजंतय्‌गु नां धलः थथे दु –

एज्रा 8:36

अले इमिसं जुजुयागु आज्ञा-पौ जुजुया हाकिमत अले यूफ्रेटिसया पच्‍छिमयापिं राज्‍यपालतय्‌त बिल। अनंलि इमिसं मनूतय्‌त व परमेश्‍वरया देगःया ज्‍याय् ग्‍वाहालि बिल।

एस्‍तर 3:12

अनंलि न्‍हापांगु लाया झिंस्‍वन्‍हु खुन्‍हु जुजुया सकल छ्यान्‍जेतय्‌त सःतल। अले हामानया उजंकथं जुजुया मन्‍त्रीत, फुक्‍क प्रान्‍तयापिं बडा-हाकिमत अले देशया थीथी जातियापिनिगु नायःतय्‌त अहासूरसया नामय् व जुजुयागु हे छाप तयाः इमिगु थःगु हे भाषां पौ च्‍वयाः छ्वत।

एस्‍तर 8:17

जुजुया उजं पौ थ्‍यंगु फुक्‍क प्रान्‍तय् व फुक्‍क शहरय् यहूदीतय्‌गु निंतिं लसता व नखःया दिं जुल। अले मेगु जातिया यक्‍व मनूत नं यहूदी जुल। छाय्‌धाःसा इमिके यहूदीतय्‌गु भय दुगुलिं खः।

एस्‍तर 8:5

एस्‍तरं धाल, “महाराज, छसपोलं जितः यय्‌कादियागु खःसा जिं फ्‍वनागु पूवंकादीगु खःसा अले जिं इनाप यानागु खँ छितः येल धाःसा अगागी हम्‍मदाताया काय् हामानं राज्‍यया फुक्‍क प्रान्‍तय् यहूदीतय्‌त नाश यायेगु ग्‍वसालं च्‍वयाछ्वःगु पौ रद्द यायेत, छसपोलं मेगु उजं पौ छगू च्‍वयाछ्वयादिसँ।

एस्‍तर 8:9

अनंलि सीवान धाइगु स्‍वंगूगु लाया निइस्‍वन्‍हु खुन्‍हु जुजुया सकल छ्यान्‍जेतय्‌त सःतल। मोर्दकैनं यहूदीतय्‌त ब्‍यूगु आज्ञा कथं इमिगु थःगु हे भाषां पौ च्‍वयाः जुजुया मन्‍त्रीत, भारतंनिसें कयाः कूश देय् तक सछि व निइन्‍हय्‌गु प्रान्‍तयापिं बडा-हाकिमत अले देशया थीथी जातियापिनिगु नायःतय्‌त पौ छ्वत।

दानिएल 3:2

अनंलि नबूकदनेसर जुजुं थःम्‍हं पलिस्‍था याःगु मूर्ति देछायेगु इलय् वयेत प्रान्‍त प्रान्‍तयापिं बडा-हाकिमत, प्रशासकत, राज्‍यपालत, सल्‍लाहबीपिं मनूत, दांभरित, न्‍यायाधीशत व प्रान्‍त प्रान्‍तयापिं सकल हाकिमतय्‌त सःतके छ्वल।