एस्‍तर 8:8 - नेवाः बाइबल

⁸ आः छिमिसं यहूदीतय् पंलिनाः छिमित छु मनासिब जू मेगु छगू जिगु उजंकथं पौ च्‍वकि अले उकी जिगु अंगू छाप तयाब्‍यु छाय्‌धाःसा जुजुया नामं च्‍वयाः जुजुयागु अंगू छाप दुगु पौ सुनानं रद्द याये फइ मखु।”

एस्‍तर 8:8 ပူးပေါင်းရင်းမြစ်များ

१ राजा 21:8

अनंलि वं आहाबया नामं पौत च्‍वल, वयागु लाहा छाप तल, अले यिजरेलयापिं थकालितय्‌थाय् व ततःधंपिं मनूतय्‌थाय् छ्वल।

एस्‍तर 1:19

“छसपोलया इच्‍छा दःसा वश्‍ती रानी थनिंनिसें गुबलें छसपोलया न्‍ह्यःने वये दइ मखु धकाः शाही उजं बियादिसँ। थ्‍व उजं फारस व मादीतय्‌गु कानूनय् गुबलें महिलिगुकथं च्‍वकादिसँ। अले वश्‍ती रानी स्‍वयाः बहःम्‍ह व बांलाःम्‍ह मिसायात रानी जुइ बियादिसँ।

एस्‍तर 3:12

अनंलि न्‍हापांगु लाया झिंस्‍वन्‍हु खुन्‍हु जुजुया सकल छ्यान्‍जेतय्‌त सःतल। अले हामानया उजंकथं जुजुया मन्‍त्रीत, फुक्‍क प्रान्‍तयापिं बडा-हाकिमत अले देशया थीथी जातियापिनिगु नायःतय्‌त अहासूरसया नामय् व जुजुयागु हे छाप तयाः इमिगु थःगु हे भाषां पौ च्‍वयाः छ्वत।

एस्‍तर 8:10

मोर्दकैनं व उजं पौ अहासूरसया नामय् च्‍वयाः उकी मोहर छाप तल। जुजुया अस्‍तबलया सल गयाः व उजं पौयात हुलाकीतपाखें प्रान्‍त प्रान्‍तय् छ्वत।

एस्‍तर 8:5

एस्‍तरं धाल, “महाराज, छसपोलं जितः यय्‌कादियागु खःसा जिं फ्‍वनागु पूवंकादीगु खःसा अले जिं इनाप यानागु खँ छितः येल धाःसा अगागी हम्‍मदाताया काय् हामानं राज्‍यया फुक्‍क प्रान्‍तय् यहूदीतय्‌त नाश यायेगु ग्‍वसालं च्‍वयाछ्वःगु पौ रद्द यायेत, छसपोलं मेगु उजं पौ छगू च्‍वयाछ्वयादिसँ।

दानिएल 6:8

अथे जुयाः हे महाराज, थ्‍व खँ मादीत व फारसीतय्‌गु महिलिगु व्‍यवस्‍थाकथं कानून जुइमा धकाः छःपिन्‍सं थज्‍याःगु कानून च्‍वयेत उजं बियादिसँ।”

२ तिमोथी 2:19

अय्‌नं परमेश्‍वरं स्‍वनादीगु जग गुबलें दुनावनी मखु। अले थ्‍व जगय् थथे च्‍वयातःगु दु – “प्रभुया मनूयात प्रभुं म्‍हस्‍यू।” अले “प्रभुयागु नां कयाः जूपिन्‍सं मभिंगु ज्‍या याये मज्‍यू।”