एस्‍तर 8:6 - नेवाः बाइबल

⁶ छाय्‌धाःसा जिं थः मनूतय्‌के वःगु विपत्ति गथे यानाः स्‍वयाः च्‍वने फइ? अले जि थः परिवार नाश जूगु गथे यानाः सहयाना च्‍वने फइ?”

एस्‍तर 8:6 ပူးပေါင်းရင်းမြစ်များ

उत्‍पत्ति 44:34

वयात ब्‍वना मयंसे जि गथे यानाः जिमि बाःया न्‍ह्यःने वने? जिमि बाःयात जूगु दुःख जिं गथे यानाः स्‍वये?”

नहेम्‍याह 2:3

अय्‌नं जिं जुजुयात धया, “महाराज सदां म्‍वानादीमा। जिमि पुर्खात थुंगु शहर तहसनहस जूगु दु अले उकिया ध्‍वाखा मिं नयाः नाश जुइ धुंकूगु दु धाःसा जिगु ख्‍वाः छाय् खिउँसे मच्‍वनी?”

एस्‍तर 7:4

छाय्‌धाःसा जि व जिमि जातितय्‌त स्‍यानाः नां तकं मल्‍यंक नाश यानाछ्वयेत्‍यंगु दु। जिमि मिजं व मिसा फुक्‍क दासया निंतिं मिया जक छ्वःगु जूसा ला जि सुम्‍क हे च्‍वने। थ्‍व खँ जक जूसा ला जिं छसपोलयात दुःख बी हे मखुनि।”

एस्‍तर 9:1

झिंनिला अर्थात अदार लाया झिंस्‍वन्‍हु खुन्‍हु जुजुयागु उजं पूवंकीगु दिं वल। उखुन्‍हु हे यहूदीतय् शत्रुतय्‌सं इमित थःगु अधिकारय् हयेगु आशा याःगु खः। तर उकिया अखः इमित घृणा याइपिं यहूदीतय्‌सं इमित अधिकार याइगु जुल।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

रोमी 10:1

यःपिं दाजुकिजापिं, यहूदीत नं बचय् जुइमा धयागु जिगु इच्‍छा दुगुलिं परमेश्‍वरं इमित बचय् यानादीमा धकाः प्रार्थना यानाच्‍वनागु खः।