एस्‍तर 8:2 - नेवाः बाइबल

² अले जुजुं हामानपाखें कयातःगु राज्‍यया छाप दुगु अंगू त्‍वयाः मोर्दकैयात बिल। एस्‍तरं नं हामानपाखें कयातःगु छेँबुँ मोर्दकैया जिम्‍माय् बिल।

एस्‍तर 8:2 ပူးပေါင်းရင်းမြစ်များ

उत्‍पत्ति 41:42

वं थःम्‍हं न्‍ह्यानातःगु अंगू त्‍वयाः योसेफया पतिनय् न्‍ह्याकाबिल। अले वयात भिंगु कापःया भान्‍तां लं फिकाः गःपतय् लुँयागु सिखः क्‍वखाय्‌कल।

एस्‍तर 10:2

जुजुया अधिकार, तःधंगु ज्‍यात अले गुकथं मोर्दकैयात तःधंगु पदया निंतिं ल्‍ययाः, उपिं फुक्‍क खँ फारस व मादीया जुजुयागु इतिहासया सफुलिइ च्‍वयातःगु दु।

एस्‍तर 3:10

अले जुजुं राज्‍यया छाप दुगु अंगू थःगु पचिनं त्‍वयाः यहूदीतय् शत्रु हम्‍मदाताया काय् हामानयात बियादिल।

एस्‍तर 8:3

अनंलि एस्‍तर रानी ख्‍वख्‍वं जुजुयागु पालि भ्‍वसुलाः हाकनं वय्‌कःयाके अगागी हामानं यहूदीतय् विरोधय् याःगु मभिंगु ग्‍वसाः रद्द यानादिसँ धकाः बिन्‍ति यात।

भजनसंग्रहया सफू 37:34

परमेश्‍वरयागु लँ स्‍व, वय्‌कलं धाःथें जु, वय्‌कलं छिमित देश बियाः तःधंकी। अले मभिंपिं मनूत नाश जूगु छिमिसं स्‍वये खनि।

दानिएल 2:48

अनंलि जुजुं दानिएलयात तसकं मू वंगु देछात बियाः तःधंगु पदय् तल, वं वयात बेबिलोनया फुक्‍क प्रान्‍तयाम्‍ह शासक ल्‍यल। अले वयात अनया सकल ज्ञान दुपिं मनूतय् नायः दय्‌कल।

लूका 15:22

“तर अबुम्‍हय्‌सिनं च्‍यःतय्‌त सःताः थथे धाल – ‘याकनं हे दकलय् बांलाःगु वसः हयाः वयात पुंकि। वयागु पतिनय् अंगू नं न्‍ह्याकाः ब्‍यु। अले तुतिइ लाकां नं न्‍ह्याकाः ब्‍यु।