एस्‍तर 8:16 - नेवाः बाइबल

¹⁶ यहूदीतय्‌गु निंतिं व दिं खुशी व लसता अले इज्‍जतया दिं जुल।

एस्‍तर 8:16 ပူးပေါင်းရင်းမြစ်များ

भजनसंग्रहया सफू 97:11

धर्मीतय्‌गु निंतिं जः ह्वलातःगु दु, अले भिंपिं मनूतय्‌गु निंतिं लसता।

हितोपदेश 11:10

धर्मीतय् जिया वल कि शहर लय्‌ताइ, दुष्‍टत नाश जुइबलय् लसतां चिल्‍लाय् दनी।

भजनसंग्रहया सफू 18:28

हे परमप्रभु परमेश्‍वर! छिं जिगु निंतिं मत च्‍याकादी छिं खिउँ मदय्‌काः जितः जः क्‍यनादी।

यशैया 35:10

अले परमप्रभुं मू पुलाः छुत्‍कारा यानादीपिं लिहां वइ। इपिं सियोनय् म्‍ये हा हां दुहां वनी। न्‍ह्याबलेंया लसता इमिगु छ्यंया श्रीपेच जुइ। इमिसं लसता व खुशी लुइकी, अले दुःखकष्‍ट व झसुका इपिंपाखें तापाक्‍क हे जुइ।

भजनसंग्रहया सफू 112:4

भिंपिं मनूतय्‌गु निंतिं, दया दुपिं व दया माया दुपिं व धर्मी मनूतय्‌गु निंतिं खिउँगुलिइ जः थी।

एस्‍तर 9:17

थ्‍व धाःसा अदार लाया झिंस्‍वन्‍हुया दिं स्‍याःगु खः। अले झिंप्‍यन्‍हु खुन्‍हुया दिंनय् इमिसं आराम काल अले व दिं इमिगु निंतिं छगू नखः व लसताया दिं जुल।

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

भजनसंग्रहया सफू 118:27

परमप्रभु हे परमेश्‍वर खः वय्‌कलं झीत जः बियादीगु दु। ल्‍हातय् सिमा कचा ज्‍वनाः लय्‌लय्‌तातां यात्राय् न्‍ह्यज्‍या, वेदीया नेकू तक हे हुँ।

भजनसंग्रहया सफू 30:12

उकिं जि सुम्‍क च्‍वने मखु, छितः तःधंकाः म्‍ये हाले। हे परमप्रभु, जिमि परमेश्‍वर! जिं छितः सदां सदां सुभाय् बियाच्‍वने।

हितोपदेश 28:12

भिंपिं मनूत त्‍यात कि सकलें लय्‌ताइ, दुष्‍ट मनूत थाहां वल कि मनूत सुला जुइ।