एस्‍तर 8:1 - नेवाः बाइबल

¹ व हे दिंखुन्‍हु जुजु अहासूरसं यहूदीतय् शत्रु हामानया छेँबुँ फुक्‍कं रानी एस्‍तरयात बिल। अले एस्‍तरं मोर्दकै थःलाम्‍ह खः धाःगु कारणं मोर्दकै जुजुया न्‍ह्यःने वये खन।

एस्‍तर 8:1 ပူးပေါင်းရင်းမြစ်များ

एस्‍तर 1:14

महाराजं अप्‍वः यानाः देशया कानून व नियम स्‍यूपिं फारस व मादीया न्‍हय्‌म्‍ह भारदारत कर्शेना, शेथार, अद्‍माथा, तर्शीश, मेरेस, मर्सेना व ममूकानपिन्‍के सल्‍लाह काइगु खः। इपिं महाराजलिसे सतीपिं खः, थुपिं न्‍हय्‌म्‍ह महाराजया न्‍ह्यःने वनेगु अधिकार दुपिं खः अले इमित देशय् तःधंगु मान व पद नं बियातःगु खः।

एस्‍तर 2:15

एस्‍तरया बौ अबीहेल खः। व मोर्दकैया कका खः। थ्‍व हे मोर्दकैया थः म्‍ह्याय् थें लहिनातःम्‍ह एस्‍तरया जुजुयाथाय् वनेगु पाः वल। वं मिसातय्‌त कःघाना च्‍वंम्‍ह नपुंसक हेगें सल्‍लाह ब्‍यूगु खँ बाहेक मेगु छुं नं मयंकू। एस्‍तरयात खँक्‍वसिनं तसकं बांलाः ताय्‌केगु खः।

एस्‍तर 2:7

मोर्दकैया एस्‍तर नांयाम्‍ह ककाया म्‍ह्याय् छम्‍ह दु। एस्‍तरया हिब्रू नां हदस्‍सा खः। व तसकं बांलाःम्‍ह व हिसि दुम्‍ह खः। वया मां-बौ सीधुंकाः मोर्दकैं वयात थः म्‍ह्याय् थें यानाः लहिनातःगु खः।

एस्‍तर 7:6

एस्‍तरं धाल, “व विरोधी शत्रु थ्‍व हे दुष्‍ट हामान खः।” अले जुजु व रानीया न्‍ह्यःने हामान तसकं ग्‍यात।

एस्‍तर 8:7

जुजु अहासूरसं रानी एस्‍तर व यहूदी मोर्दकैयात धाल, “हामानं थथे यहूदीतय्‌त नाश यायेगु कुतः याःगलिं हे ला खनि जिं हामानया फुक्‍क सम्‍पत्ति एस्‍तरयात बियागु, अले फाँसीया निंतिं सिँयागु थामय् यख्‍खाबियागु खः।

भजनसंग्रहया सफू 39:6

मनूत ला किचः थें हे थुखे उखे जुइ। इमिगु ज्‍याया छुं हे मू मदु। इमिसं धन-सम्‍पत्ति मुंकी, तर सुनां काइ धकाः इमिसं मस्‍यू।

हितोपदेश 13:22

भिंपिं मनूतय्‌सं थः छय्-छुइपिन्‍त धकाः धनसम्‍पत्ति त्‍वःताथकी। पापीतय्‌गु धन धाःसा धर्मीतय्‌गु ल्‍हातिइ लाइ।

हितोपदेश 28:8

सुनां अप्‍वः ब्‍याज कयाः धिबा मुंकी, वयागु सम्‍पत्ति हाःनाः मदुपिन्‍त ग्‍वाहालि याइपिनिगु ल्‍हातिइ वनी।

लूका 12:20

“अले परमेश्‍वरं वयात थथे धयादिल – ‘अय् मूर्ख, छ ला थौं चान्‍हय् हे सी। छं मुंकातःगु धन, अन्‍न फुक्‍कं आः सुयागु जुइ?’