एस्‍तर 7:9 - नेवाः बाइबल

⁹ अले अन दुपिं नपुंसक च्‍यःत मध्‍ये हर्बोनां धाल, “छसपोलया प्राण बचय् यानादीम्‍ह मोर्दकैयात यख्‍खायेत हामानं निइन्‍यागू मिटर तःजाःगु फांसि बीगु सिँया थां दय्‌कातःगु दु।” जुजुं धाल, “अथेसा हामानयात उकी हे यख्‍खा!”

एस्‍तर 7:9 ပူးပေါင်းရင်းမြစ်များ

२ राजा 9:32

वं च्‍वय् झ्‍याःपाखे स्‍वयाः धाल, “जिपाखे सु दु? सु दु?” अले निम्‍ह स्‍वम्‍ह नपुंसकतय्‌सं क्‍वय् व दुथाय् स्‍वल।

एस्‍तर 1:10

न्‍हय्‌न्‍हु खुन्‍हु महाराज नं दाखमद्य त्‍वनाः लसतां हनाच्‍वन। अले वं थःगु सेवा याइपिं न्‍हय्‌म्‍ह नपुंसकत महूमान, बिज्‍था, हर्बोना, बिग्‍ता, अबगथा, जेथेर व कर्कासयात सःतल।

एस्‍तर 5:14

अले वया कलाः व सकल पासापिन्‍सं वयात धाल, “निइन्‍यागू मिटर तःजाःगु छगू फांसि बीगु थां थनादिसँ, अले सुथय् मोर्दकैयात थामय् यख्‍खाय्‌त जुजुयात इनाप यानादिसँ। अले खुसि जुयाः जुजुनापं भ्‍वय् नयेत झासँ।” हामानयात थ्‍व खँ तसकं यल अले वं व फांसि बीगु थां धस्‍वाके बिल।

एस्‍तर 6:14

थथे इपिंनापं खँ ल्‍हाना च्‍वंबलय् जुजुया नपुंसक भारदारत वयाः हामानयात रानी एस्‍तरं ज्‍वरय् यानातःगु भ्‍वय् नकेत हथासं यंकल।

एस्‍तर 6:2

उकी निम्‍ह ध्‍वखा ब्‍यूम्‍ह, बिग्‍थाना व तेरेशं जुजुयात स्‍यायेगु ग्‍वसाः ग्‍वःगु अले मोर्दकैनं व खँया बारे न्‍यंकूगुया बारे च्‍वयातःगु खः।

एस्‍तर 8:7

जुजु अहासूरसं रानी एस्‍तर व यहूदी मोर्दकैयात धाल, “हामानं थथे यहूदीतय्‌त नाश यायेगु कुतः याःगलिं हे ला खनि जिं हामानया फुक्‍क सम्‍पत्ति एस्‍तरयात बियागु, अले फाँसीया निंतिं सिँयागु थामय् यख्‍खाबियागु खः।

एस्‍तर 9:14

अले जुजुं अथे हे या धकाः उजं बिल। शूशनय् जुजुया उजं घोषणा यात अले हामानया झिम्‍हं काय्‌पिनिगु सीम्‍ह फांसि बीगु थामय् यख्‍खायाबिल

एस्‍तर 9:25

जुजुं थ्‍व खँ सीवं यहूदीतय्‌गु विरोधय् हामानं याःगु मभिंगु ज्‍यात वयागु हे छेनय् तयेत व वया काय्‌पिन्‍त फांसिया थामय् यख्‍खायेत जुजुं च्‍वयाः उजं बिल।

भजनसंग्रहया सफू 141:10

दुष्‍टत इमिगु थःगु जालय् क्‍यनेमा, अबलय् जि बचय् जुयाः पिहां वये फयेमा।

भजनसंग्रहया सफू 35:8

उकिं इमिसं थाःगाः कायेमफयेक आकाझाकां इमिगु नाश जुइमा। इपिं थःम्‍हं ग्‍वःगु जालय् थःपिं हे लायेमा, इपिं थःम्‍हं म्‍हूगु गालय् थःपिं हे लायेमा।

भजनसंग्रहया सफू 73:19

इपिं मिखा पीमलावं नाश जुयावनी। इपिं ग्‍यानापुक्‍क हे नाश जुयावनी।

दानिएल 6:24

अनंलि दानिएलयात मखुगु दोष ब्‍यूपिं सकल मनूतय्‌त ज्‍वनेत जुजुं आज्ञा बिल। अले इमि कलाःपिं व मचाखाचातनापं इमित सिंहत तयातःगु तःजाःगु गालय् वांछ्वयाबिल। इपिं सिंहत तयातःगु तःजाःगु गाःया बँय् थ्‍यने न्‍ह्यः हे सिंहतय्‌सं झम्‍तय् यात अले इमिगु फुक्‍व क्‍वँय्‌यात काच्‍या-कुचुक यानाः नयाबिल।

दानिएल 6:7

स्‍विन्‍हुया दुने सुनां सुनां छःपिं बाहेक मेपिं सुं द्यः वा मनूयात बिन्‍ति याइ वयात सिंह तयातःगु तःजाःगु गालय् वांछ्वयेगु जुइ धकाः छःपिन्‍सं आज्ञा बियादीमा धकाः जिपिं मन्‍त्रीत, सकलें प्रान्‍तयापिं बडा-हाकिमत, हाकिमत, सल्‍लाह बीपिं सकसिनं क्‍वःछिनागु दु।

१ शमूएल 17:51

अले ब्‍वांय् वनाः व पलिश्‍ती ग्‍वारातूगु थासय् वन अले गोल्‍यतयागु हे तरवार दापं कयाः वयागु छ्यं धेनाबिल। पलिश्‍तीतय्‌सं व तसकं बल्‍लाःम्‍ह मनू सीगु खनाः इपिं बिस्‍युं वन।