एस्‍तर 7:8 - नेवाः बाइबल

⁸ जुजु क्‍यबं भ्‍वय् नयेगु क्‍वथाय् लिहां वःबलय् हामान एस्‍तर रानी दुगु सोफाय् भ्‍वःसुला च्‍वंगु खन। अले जुजुं छक्‍क जुयाः थथे धाल, “छु छं दरबारय् रानी जिनापं च्‍वना च्‍वंकं हे वनापं द्यनेगु मतिइ तयागु ला छु?” जुजुयागु म्‍हुतुं थ्‍व खँ पिहां वयेवं अन दुपिं नपुंसक च्‍यःतय्‌सं हामानयागु ख्‍वाः त्‍वपुयाबिल।

एस्‍तर 7:8 ပူးပေါင်းရင်းမြစ်များ

एस्‍तर 1:5

अनं लिपा जुजुं थःगु राजधानी शूशन शहरय् च्‍वंपिं तःधंपिं, चिधंपिं, सकलें मनूतय्‌त सःताः भ्‍वय् नकल। थुकथं जुजुया लाय्‌कूया न्‍ह्यःने च्‍वंगु बगैँचाय् भ्‍वय् नयेगु ज्‍या न्‍हय्‌न्‍हु तक जुल।

एस्‍तर 1:6

बगैँचाय् तुयुगु व वँचुगु सूती कापःया पर्दात यख्‍खानातःगु खः। उपिं पर्दात दुरु ल्‍वहंया थामय् दुगु वहःया चाःचाय् तुयुगु व प्‍याजी रंगयागु सूती कां चिनातःगु दु। ह्याउँगु ल्‍वहं, दुरु ल्‍वहं, मोती व मेमेगु मू वंगु ल्‍वहँतं छाय्‌पिया तःगु बँय् लुँ व वहःया सोफात तयातःगु दु।

एस्‍तर 6:12

अनंलि मोर्दकै जुजुया मू ध्‍वाखाय् तुं लिहां वन। हामान धाःसा मछाय्‌काः नुगः पिच्‍याकाः हथासं थःगु छेँय् लिहां वन।

एस्‍तर 7:10

थुकथं मोर्दकैयात फांसि बीगु निंतिं थःम्‍हं हे दय्‌कातःगु सिँया थामय् हामानयात यख्‍खात। अनंलि जुजुयागु तं क्‍वलाना वन।

अय्‍यूब 9:24

फुक्‍क पृथ्‍वी दुष्‍टतय्‌गु ल्‍हातय् बियादीबलय् वय्‌कलं फुक्‍क न्‍यायकर्तातय्‌गु मिखा त्‍वपुयादी। थथे यानादीम्‍ह वय्‌कः मखुसा सु खः?

यशैया 22:17

“अय् थःत तसकं बल्‍लाः ताय्‌कूम्‍ह मनू, बांलाक होश‍ यानाच्‍वँ! परमप्रभुं छन्‍त क्‍वातुक ज्‍वनाः वान्‍छ्वयादी।

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

आमोस 3:12

परमप्रभुं थथे धयादी, “गथे फैजवालं सिंहयागु म्‍हुतुं तुतियागु निपु क्‍वँय् वा छकुचा न्‍हाय्‌पं जक छुटे याइ, अथे हे उपिं इस्राएलीत मध्‍ये कम मनूतय्‌गु जक उद्धार जुइ, अले इमिके लासा वा खाताया कुचा स्‍वयाः मेगु छुं हे ल्‍यं दइ मखु।”

मर्कूस 14:65

अले ला गुलिसिनं वय्‌कःयागु ख्‍वालय् थुकलं बिल। गुलिसिनं वय्‌कःयागु मिखा त्‍वपुयाः दायाः थथे धाल – “का धा, छन्‍त सुनां दाल?” अले सिपाइँतय्‌सं वय्‌कःयात दायाः यंकल।