एस्‍तर 6:9 - नेवाः बाइबल

⁹ वयात हे जुजुया दक्‍वसिबय् तःधंम्‍ह भारदारं वसः फिकाः सल गय्‌काः शहरया चुक चुकय् वनाः थथे धा, ‘जुजुं हनेगु इच्‍छा याःम्‍ह मनूया निंतिं छु याःगु दु, स्‍वयादिसँ।’”

एस्‍तर 6:9 ပူးပေါင်းရင်းမြစ်များ

उत्‍पत्ति 41:43

वं वयात गयेत थःगु स्‍वयाः क्‍वय्‌यागु बग्‍गी बिल। अले व गन गन वन मनूतय्‌सं न्‍ह्यःने न्‍ह्यःने वनाः “पुलिं चु, पुलिं चु” धकाः हालावन। थुकथं योसेफ मिश्र देशया हामा जुल।

एस्‍तर 6:10

अले जुजुं हामानयात धाल, “याकनं वनाः छं धाःथें वसः व सल हिँ। अले यहूदी मोर्दकैयात हनेगु या। व दरबारया मू ध्‍वाखाय् च्‍वनाच्‍वंगु दु। छं धाःथें हे वया निंतिं फुक्‍कं यानाब्‍यु। छुं नं मगाःमचाः मजुइमाः।”

एस्‍तर 6:6

अले हामान दुने दुहां वल, जुजुं वयात धाल, “जिं छम्‍ह मनूयात हनेगु इच्‍छा दु, वयात गुकथं हनेमालि?” अले हामानं थःगु मनय् थथे बिचाः यात, “जुजुं सुयात हनेगु इच्‍छा यात जुइ? जि हे ला खनि?”

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।