एस्‍तर 6:6 - नेवाः बाइबल

⁶ अले हामान दुने दुहां वल, जुजुं वयात धाल, “जिं छम्‍ह मनूयात हनेगु इच्‍छा दु, वयात गुकथं हनेमालि?” अले हामानं थःगु मनय् थथे बिचाः यात, “जुजुं सुयात हनेगु इच्‍छा यात जुइ? जि हे ला खनि?”

एस्‍तर 6:6 ပူးပေါင်းရင်းမြစ်များ

एस्‍तर 1:15

महाराजं इमित न्‍यन, “नपुंसकपाखें जिं बियागु उजं मानय् मयाइम्‍ह रानी वश्‍तीयात गज्‍याःगु सजाँय बी माली? कानूनं छु धाइ?”

एस्‍तर 5:11

अले हामानं इमित थःके धन-सम्‍पत्ति व काय्‌पिं यक्‍व दु धकाः धक्‍कु त्‍वःतल। जुजुं थःत तःधंगु पद ब्‍यूगु व मेपिं भारदारत व हाकिमत स्‍वयाः गुलि तःधं धकाः इमित धक्‍कु त्‍वःतल।

एस्‍तर 6:11

अथे जुयाः हामानं वसः फिकाः हनेगु यात। अले सल कयाः वयात गय्‌काः शहरया चुक चुकय् थथे धाधां न्‍ह्यः न्‍ह्यः वन, “जुजुं हनेगु इच्‍छा याःम्‍ह मनूया निंतिं छु याःगु दु, स्‍वयादिसँ।”

एस्‍तर 6:5

अले जुजुया सेवकतय्‌सं लिसः बिल, “महाराज, हामान अन दु।” जुजुं इमित धाल, “वयात दुने हजि।”

एस्‍तर 6:7

अथे जुयाः हामानं जुजुयात लिसः बिल, “हने मास्‍ते वःम्‍हय्‌सिगु निंतिं,

एस्‍तर 6:9

वयात हे जुजुया दक्‍वसिबय् तःधंम्‍ह भारदारं वसः फिकाः सल गय्‌काः शहरया चुक चुकय् वनाः थथे धा, ‘जुजुं हनेगु इच्‍छा याःम्‍ह मनूया निंतिं छु याःगु दु, स्‍वयादिसँ।’”

भजनसंग्रहया सफू 35:27

जि दोष मदुम्‍ह खः धकाः न्‍याय जूगु स्‍वयेत पियाच्‍वंपिं फुक्‍कं लय्‌तायेमा, अले लिसा लिसा कयाः धयाच्‍वनेमा, “परमप्रभु गुलि तःधं! थःदासया भिं जूगुलिइ वय्‌कः लय्‌तायादिल।”

हितोपदेश 1:32

बुद्धि मदुपिं मनूत जिपाखें तापानाच्‍वंगुलिं सिनावनी। मूर्खत छुं च्‍यूताः मकासे जूगुलिं नाश जुयावनी।

हितोपदेश 16:18

अप्‍वः घमण्‍डयात कि नाश जुइ, तःधंछुया जुल कि क्‍वःदली।

हितोपदेश 18:12

क्‍वमिलुपिन्‍त हनाबना तइ। घमण्‍डीत विनाशपाखे न्‍ह्यांवनाच्‍वनी।

हितोपदेश 30:13

छथ्‍वः मनूत थज्‍याःपिं दु, इमिगु मिखा घमण्‍डं जायाच्‍वनी, इमिसं थःपिन्‍त तसकं भिंपिं ताय्‌काजुइ।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यर्मिया 32:41

इमिगु भिं यायेगुलिइ हे जि लय्‌ताये, धात्‍थें हे जिं दुनुगलंनिसें न्‍ह्याबलेंयात इमित थ्‍व देशय् तये।

ओबदिया 1:3

छंगु मनया घमण्‍डं छन्‍त धोखा ब्‍यूगु दु। छ ल्‍वहंधीया किल्‍लाय् च्‍वनीम्‍ह, तःजाःगु थासय् छेँ दय्‌कीम्‍ह, छं मनं मनं थथे धाइगु, ‘जितः क्‍वय् जमिनय् कुर्कीम्‍ह सु दु?’

मत्ती 3:17

अले स्‍वर्गं थथे धयाहल – “थ्‍व जि यःम्‍ह काय् खः, थ्‍व खनाः जि तसकं लय्‌ताः।”

लूका 14:9

भ्‍वय् सःतूम्‍हय्‌सिनं छिकपिन्‍त थथे धाइ – ‘अनयात थाय् त्‍वःतादिसँ।’ अले छिकपिं मछालाः क्‍वय् च्‍वंवने माली।

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।