एस्‍तर 6:3 - नेवाः बाइबल

³ थ्‍व ज्‍याया निंतिं मोर्दकैयात छु इनाम व हनाबना ब्‍यूगु दु धकाः जुजुं न्‍यन। जुजुया सेवकतय्‌सं लिसः बिल, “मोर्दकैया निंतिं छुं हे याःगु मदु।”

एस्‍तर 6:3 ပူးပေါင်းရင်းမြစ်များ

उत्‍पत्ति 40:23

दाखमद्य त्‍वंकीम्‍ह नायलं धाःसा योसेफयात लुममंकू। वं वयात ल्‍वःमंकल।

१ इतिहास 11:6

दाऊदं धाल, “यबूसीतय्‌त दकलय् न्‍हापा हमला याइम्‍ह मनू सेनापति जुइ।” सरूयाहया काय् योआबं दकलय् न्‍हापा यबूसीतय्‌त हमला यात अले व सेनापति जुल।

एस्‍तर 6:2

उकी निम्‍ह ध्‍वखा ब्‍यूम्‍ह, बिग्‍थाना व तेरेशं जुजुयात स्‍यायेगु ग्‍वसाः ग्‍वःगु अले मोर्दकैनं व खँया बारे न्‍यंकूगुया बारे च्‍वयातःगु खः।

एस्‍तर 6:4

जुजुं न्‍यन, “पिनेयागु चुकय् सु दु?” उबलय् हे हामान जुजु लुखाया न्‍ह्यःने थःम्‍हं मोर्दकैयात फांसि बीगु सिँयागु थामय् यख्‍खाय्‌गु धकाः जुजुयाके बिन्‍ति यायेत वःगु खः।

उपदेशक 9:15

उगु शहरय् छम्‍ह चीमिम्‍ह तर तसकं बुद्धि दुम्‍ह मनू दु अले वं थःगु बुद्धिं उगु शहरयात बचय् यात। अय्‌नं व चीमिम्‍ह मनूयात सुनानं लुममंकू।

दानिएल 5:16

“छं सुलाच्‍वंगु खँया अर्थ कनेफु अले थाकुगु समस्‍यात ज्‍यंके फु धयागु खँ जिं न्‍यनागु दु। छं थ्‍व च्‍वयातःगु आखः ब्‍वनाः उकियागु अर्थ जितः कने फत धाःसा छन्‍त प्‍याजीगु रंगया लाय्‌कू वसः पुंकाबी, छंगु गःपतय् हनाबनाया लुँयागु सिखः क्‍वखाय्‌काबी, अले छ देशय् स्‍वंगूगु तःधंगु पदयाम्‍ह मनू जुइ।”

दानिएल 5:29

अनंलि बेलसजरया आज्ञाय् दानिएलयात प्‍याजीगु रंगया वसः फिकल। वयागु गःपतय् लुँयागु सिखः क्‍वखाय्‌कल। अले वयात देशय् स्‍वंगूगु तःधंगु पद बिल।

दानिएल 5:7

जुजुं ज्‍वखना स्‍वइपिं, ज्‍योतिषीत व साइत स्‍वइपिं सःतके छ्वत। बेबिलोनयापिं थुपिं ज्ञान दुपिं मिजंतय्‌त धाल, “सुनां थ्‍व च्‍वयातःगु आखः ब्‍वनी अले थुकिया अर्थ जितः कनी वयात प्‍याजीगु वसः फीकाबी, अले वयागु गःपतय् लुँयागु सिखः क्‍वखाय्‌काबी, अले व मनूयात देशय् स्‍वंगूगु तःधंम्‍ह शासक यानाबी।”