एस्‍तर 6:1 - नेवाः बाइबल

¹ उखुन्‍हु चान्‍हय् जुजु द्यने मफुत, अथे जुयाः भारदारतय्‌त सःताः थःगु शासनया इलय् जूगु फुक्‍क घटना च्‍वयातःगु सफू ब्‍वनाः न्‍यंकेत उजं बिल। अले जुजुयात व ब्‍वनाः न्‍यंकल।

एस्‍तर 6:1 ပူးပေါင်းရင်းမြစ်များ

उत्‍पत्ति 22:14

अब्राहामं व थाय्‌या नां “परमप्रभुं बियादी” तल। थौं तक नं मनूतय्‌सं “परमप्रभुं पर्वतय् बियादी” धकाः धायेगु याः।

एस्‍तर 10:2

जुजुया अधिकार, तःधंगु ज्‍यात अले गुकथं मोर्दकैयात तःधंगु पदया निंतिं ल्‍ययाः, उपिं फुक्‍क खँ फारस व मादीया जुजुयागु इतिहासया सफुलिइ च्‍वयातःगु दु।

एस्‍तर 2:21

छन्‍हु मोर्दकै जुजुया ध्‍वाखाय् च्‍वनाच्‍वंबलय् निम्‍ह जुजु ध्‍वाखा पिवाः बिग्‍थाना व तेरेश जुजुनापं असन्‍तोष जुयाः जुजुयात स्‍यायेगु ग्‍वसाः ग्‍वल।

एस्‍तर 2:22

थ्‍व मोर्दकैनं सियाः एस्‍तर रानीयात धयाबिल। रानीं मोर्दकैया नां कयाः जुजुयात थ्‍व खँ धयाबिल।

एस्‍तर 2:23

थ्‍व खँयात कयाः न्‍यंकं दुवालाः स्‍वःबलय् धात्‍थें खः धयागु दसि लुल अले जुजुं उपिं निम्‍ह मनूयात थामय् यख्‍खायाः स्‍यानाबिल। थुपिं फुक्‍कं खँ जुजुयागु न्‍ह्यःने इतिहासया सफुलिइ च्‍वल।

एस्‍तर 5:8

छसपोलं जितः यय्‌कादियागु खःसा जिं फ्‍वनागु खँ पूवंकादीगु खःसा अले जिं इनाप यानागु खँ छितः यल धाःसा, कन्‍हय् नं छसपोल व हामान जिं ज्‍वरय् यानागु भ्‍वय् भपीत झासँ। कन्‍हय् हे जिं छसपोलयात थःगु खँ धाये।”

यशैया 41:17

“गरीबतय्‌सं व मगाःमचाःपिन्‍सं लः माली, तर लः गनं नं लुइके फइ मखु, इमिगु मे प्‍याःचायाः गनी। तर जि परमप्रभुं इमित लिसः बी। जि इस्राएलया परमेश्‍वरं इमित त्‍वःते मखु।

दानिएल 2:1

नबूकदनेसर जुजु जूगु निगूगु दँय् वं छगू म्‍हगस खन। वयात तसकं धन्‍दा जुल व द्यने मफुत।

दानिएल 6:18

अले जुजु थःगु लाय्‌कुलिइ लिहां वल। उखुन्‍हु चान्‍हय् वं छुं मनः, छुं नं न्‍ह्याइपुगु ज्‍या मयाः अले वयात न्‍ह्यः नं मवः।

मलाकी 3:16

परमप्रभुया भय काइपिं मनूतय्‌सं थःथवय् थथे खँ ल्‍हाना च्‍वंबलय् परमप्रभुं इमिगु खँ ध्‍यान बियाः न्‍यनादिल। अले वय्‌कःयागु भय काइपिं व वय्‌कःयात हनाबना तइपिनिगु नां इमिगु लुमन्‍तिया निंतिं वय्‌कःया न्‍ह्यःने छगू सफुतिइ च्‍वल।

रोमी 11:33

अहो! परमेश्‍वरया धन, ज्ञान व बुद्धि गुलि तःधं! वय्‌कलं यानादीगु न्‍याय थुइकां थुइके मफु। अले वय्‌कःयागु लँपु सीकेत तसकं थाकु।