एस्‍तर 5:3 - नेवाः बाइबल

³ जुजुं वयात धाल, “रानी एस्‍तर छन्‍त छु माल? छं न्‍ह्यागु हे फ्‍वंसां बी, जिगु बच्‍छि राज्‍य तकं छन्‍त बी।”

एस्‍तर 5:3 ပူးပေါင်းရင်းမြစ်များ

१ राजा 2:20

वं धाल, “जिं छन्‍त छगू चिधंगु बिन्‍ति यायेमाःगु दु। म्‍हां धाये मते।” जुजुं लिसः बिल, “धयादिसँ मां, जिं म्‍हां धाये मखु।”

१ राजा 3:5

गिबोनय् परमप्रभु परमेश्‍वर चान्‍हय् म्‍हगसय् खनेदय्‌क झायाः वयात धयादिल, “छन्‍त छु माल? फ्‍वँ, व जिं बी। छन्‍त छु यः?”

नहेम्‍याह 2:4

जुजुं जिके न्‍यन, “छन्‍त छु माल?” अले जिं स्‍वर्गयाम्‍ह परमेश्‍वरयात प्रार्थना यानाः

एस्‍तर 5:4

एस्‍तरं लिसः बिल, “महाराज, छसपोलयात येल धाःसा जिं छिगु लागिं ज्‍वरय् यानागु भ्‍वय् भपीत थौं हामाननापं झासँ।”

एस्‍तर 5:6

दाखमद्य त्‍वँत्‍वं जुजुं एस्‍तरयात धाल, “छं जिके न्‍ह्यागु हे फ्‍वंसां जिं छन्‍त बी। छंगु इनाप छु खः? जिगु बच्‍छि राज्‍य तकं छन्‍त बी।”

एस्‍तर 7:2

उखुन्‍हु नं जुजुं दाखमद्य त्‍वँत्‍वं रानी एस्‍तरयात धाल, “रानी एस्‍तर छन्‍त छु माल? जितः धा, जिं छन्‍त व बी। छंगु इनाप छु खः? जिगु बच्‍छि राज्‍य तकं जिं छन्‍त बी।”

एस्‍तर 9:12

अले जुजुं रानी एस्‍तरयात धाल, “यहूदीतय्‌सं राजधानी शूशनय् न्‍यासः मनूतय्‌त व हामानया झिम्‍हं काय्‌पिन्‍त स्‍यानाः नाश याःगु दु। जुजुया मेगु प्रान्‍तय् इमिसं छु छु यात जुइ? आः हाकनं छंगु मेगु छुं बिन्‍ति ल्‍यंदनि ला? जितः धा व जिं पूवंकाबी, छं छु फ्‍वने मास्‍ति वः फ्‍वँ व छन्‍त बी।”

मर्कूस 6:23

जुजुं पाफयाः धाल – “छं न्‍ह्यागु हे फ्‍वंसां जिं बी, जिगु राज्‍य बच्‍छि हे जूसां बी।”

लूका 18:41

“जिं छन्‍त छु याये माल?” वं धाल – “प्रभु, जितः मिखां खंका बियादिसँ।”

प्रेरित 23:19

अले वं वयात ल्‍हाः ज्‍वनाः छखे ब्‍वना यंकाः न्‍यन – “छु धायेमाःगु खः धा?”