एस्‍तर 5:14 - नेवाः बाइबल

¹⁴ अले वया कलाः व सकल पासापिन्‍सं वयात धाल, “निइन्‍यागू मिटर तःजाःगु छगू फांसि बीगु थां थनादिसँ, अले सुथय् मोर्दकैयात थामय् यख्‍खाय्‌त जुजुयात इनाप यानादिसँ। अले खुसि जुयाः जुजुनापं भ्‍वय् नयेत झासँ।” हामानयात थ्‍व खँ तसकं यल अले वं व फांसि बीगु थां धस्‍वाके बिल।

एस्‍तर 5:14 ပူးပေါင်းရင်းမြစ်များ

२ शमूएल 16:21

अहीतोपेलं लिसः बिल, “छःपिनि अबुं लाय्‌कू स्‍वयेत त्‍वःतावंपिं वया मथ्‍याःपिं कलाःपिं नापं द्यँ। अले छःपिन्‍त छिकपिनि अबुं तसकं मयय्‌कल धइगु खँ फुक्‍क इस्राएलीतय्‌सं न्‍यनी। छःपिनि ल्‍यूजुइपिनिगु ल्‍हाः तसकं बल्‍लाइ।”

१ राजा 21:25

(परमप्रभुयात मयःगु मभिंगु ज्‍या यायेत थःत म्‍यूम्‍ह आहाब थें ज्‍याःम्‍ह मेपिं सुं हे मदु। थः कलाः ईजेबेलं ग्‍वाकूगुलिं वं अथे याःगु खः।

१ राजा 21:7

ईजेबेलं वयात धाल, “इस्राएलयाम्‍ह जुजु छि खः, कि सु खः? लासां दनादिसँ, ख्‍वाः खिउँकादी मते, छुं भपियादिसँ! जिं नाबोतया दाखक्‍यब छितः बीके।”

एस्‍तर 6:4

जुजुं न्‍यन, “पिनेयागु चुकय् सु दु?” उबलय् हे हामान जुजु लुखाया न्‍ह्यःने थःम्‍हं मोर्दकैयात फांसि बीगु सिँयागु थामय् यख्‍खाय्‌गु धकाः जुजुयाके बिन्‍ति यायेत वःगु खः।

भजनसंग्रहया सफू 37:14

मभिंपिन्‍सं नये मखंपिं व चीमिपिन्‍त न्‍हंकेत व भिंगु लँय् जुयाच्‍वंपिन्‍त स्‍यायेत थःगु तरवार ल्‍ह्वनी, अले धनुष वाण तप्‍यंकी

भजनसंग्रहया सफू 37:32

मभिंम्‍ह मनुखं न्‍ह्याबलें भिंम्‍ह मनूया चेवा याना जुइ, अले वयात स्‍यायेत स्‍वयाच्‍वनी।

भजनसंग्रहया सफू 9:15

जाति जातित थःम्‍हं म्‍हूगु गालय् थः हे लानाच्‍वंगु दु। इपिं थःपिन्‍सं ग्‍वयातःगु जालय् थः हे तक्‍यनाच्‍वंगु दु।

हितोपदेश 1:18

थुमिसं ला थःगु जाः थःम्‍हं हे ग्‍वयाच्‍वंगु दु। थुमिसं थःम्‍हं थःत हे स्‍यायेत स्‍वयाच्‍वंगु दु।

हितोपदेश 4:16

दुष्‍टत सुयातं मस्‍यंकुतले द्यनेफइ मखु सुयातं क्‍वःमथतले इमि न्‍ह्यः वइ मखु।

रोमी 1:32

थज्‍याःगु ज्‍याखँ यानाजुइपिं मनूतय्‌त परमेश्‍वरं नरकय् छ्वयादी धकाः वय्‌कःयागु आज्ञा सीक सीकं हे इमिसं थज्‍याःगु ज्‍याखँ जक याना जूगु मखु, थथे मभिंगु ज्‍याखँ यानाजुइपिंनापं छगू हे मन जुयाजुल।

रोमी 3:15

मनूतय्‌त स्‍यायेत इमिगु तुति न्‍ह्यज्‍याः।

प्रकाश 11:10

अबलय् पृथ्‍वीइ च्‍वंपिं मनूत फुक्‍कं इपिं सीगुलिं लय्‌लय्‌ताइ। थ्‍व निम्‍ह अगमवक्तातय्‌सं यानाः पृथ्‍वीइ च्‍वंपिन्‍त तसकं सास्‍ती जुयाच्‍वंगुलिं इपिं लय्‌लय्‌तातां थःथवय् कोसेलि बीगु याइ।