एस्‍तर 5:11 - नेवाः बाइबल

¹¹ अले हामानं इमित थःके धन-सम्‍पत्ति व काय्‌पिं यक्‍व दु धकाः धक्‍कु त्‍वःतल। जुजुं थःत तःधंगु पद ब्‍यूगु व मेपिं भारदारत व हाकिमत स्‍वयाः गुलि तःधं धकाः इमित धक्‍कु त्‍वःतल।

एस्‍तर 5:11 ပူးပေါင်းရင်းမြစ်များ

उत्‍पत्ति 31:1

याकूबं लाबानया काय्‌पिन्‍सं थथे धयाच्‍वंगु ताल, “याकूबं जिमि बाःयागु फुक्‍कं काये धुंकल। वं जिमि बाःयागु सम्‍पत्तिं हे थ्‍व फुक्‍क दय्‌कूगु खः।”

एस्‍तर 1:4

सछि व चयन्‍हु तक जुजुं थःगु राज्‍ययागु झःझः धाःगु तःजिगु सम्‍पत्ति व वैभव क्‍यन।

एस्‍तर 3:1

छुं ई लिपा अहासूरस जुजुं अगागी हम्‍मदाताया काय् हामानयात वनापं ज्‍या याइपिं मेपिं भारदारत स्‍वयाः अप्‍वः पद थकयाः देय्‌या प्रधान मन्‍त्री यात।

एस्‍तर 8:15

अले मोर्दकै वँचुगु व तुयुगु जुजुया वसः फिनाः तग्‍वःगु लुँया श्रीपेच पुयाः प्‍याजीगु मलमलया लं फिनाः दरबारं पिहां वन। अनंलि शूशन शहरय् खुशी व आनन्‍द मानय् यात।

भजनसंग्रहया सफू 49:6

इमिसं थःगु जक सम्‍पत्तिइ भरोसा तइ, अले धनयागु फुइँ क्‍यनी।

भजनसंग्रहया सफू 49:7

धात्‍थें सुं नं मनुखं मेम्‍हय्‌सित गुबलें मू पुलाः त्‍वःतके फइ मखु, इमिसं परमेश्‍वरयात थःगु प्राणया मू पुले फइ मखु।

भजनसंग्रहया सफू 52:9

जिं न्‍ह्याबलें छिं यानादीगु ज्‍याया निंतिं छितः तःधंके, हे परमेश्‍वर! छिकपिनि विश्‍वास यायेबहःपिं मनूतय् न्‍ह्यःने जिं छिगु नांयात तःधंके, छाय्‌धाःसा छिगु नां भिं।

यशैया 10:8

अश्‍शूरया जुजुं धाल, “छु जिमि सेनापतित फुक्‍क जुजु मखु ला?

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

मर्कूस 10:24

थ्‍व खँ न्‍यनाः चेलात छक्‍क जुल। वय्‌कलं हानं धयादिल – “परमेश्‍वरयागु राज्‍यय् दुहां वनेत गुलि थाकु।

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।