एस्‍तर 5:1 - नेवाः बाइबल

¹ अपसं च्‍वंगु स्‍वन्‍हु खुन्‍हु एस्‍तरं थःगु शाही वसः पुन। अले दरबारया दुने च्‍वंगु चुकय् वनाः दनाच्‍वन। उबलय् जुजु लुखापाखे स्‍वयाः सिंहासनय् फेतुनाच्‍वंगु खः।

एस्‍तर 5:1 ပူးပေါင်းရင်းမြစ်များ

एस्‍तर 1:11

इमित रानी वश्‍तीयात श्रीपेच पुइकाः थःथाय् हजि धकाः जुजुं उजं बिल। रानी तसकं बांलाःम्‍ह हिसि दुम्‍ह जुयाच्‍वन। उकिं वं वयागु हिसि सकल मनूत व भारदारतय् न्‍ह्यःने क्‍यने मास्‍ति वय्‌कूगु खः।

एस्‍तर 2:5

राजधानी शूशनय् मोर्दकै नां दुम्‍ह छम्‍ह यहूदी च्‍वनीगु जुयाच्‍वन। मोर्दकै याईरया काय्, शिमीया छय्‌ व कीशया छुइ अले बेन्‍यामीन कुलयाम्‍ह खः।

एस्‍तर 4:11

“भारदारतय्‌सं व प्रान्‍तया फुक्‍क थासय् च्‍वंपिं मनूतय्‌सं जुजुया थ्‍व आज्ञा सि हे स्‍यू, सुं नं मनू, व मिसा जुइमा वा मिजं जुइमा जुजुं मसःतुसे दुनेया चुकय् दुहां वल धाःसा वयात स्‍यानाछ्वइ। न्‍ह्याथेसां जुजुं लुँया राजदण्‍ड वयापाखें ल्‍ह्वन धाःसा व बचय् जुइ। जि थः हे जुजुयाथाय् वने मदुगु स्‍विन्‍हु दये धुंकल।”

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

एस्‍तर 4:17

अनं मोर्दकै वनाः एस्‍तरं उजं ब्‍यू थें हे यात।

एस्‍तर 6:4

जुजुं न्‍यन, “पिनेयागु चुकय् सु दु?” उबलय् हे हामान जुजु लुखाया न्‍ह्यःने थःम्‍हं मोर्दकैयात फांसि बीगु सिँयागु थामय् यख्‍खाय्‌गु धकाः जुजुयाके बिन्‍ति यायेत वःगु खः।

एस्‍तर 8:15

अले मोर्दकै वँचुगु व तुयुगु जुजुया वसः फिनाः तग्‍वःगु लुँया श्रीपेच पुयाः प्‍याजीगु मलमलया लं फिनाः दरबारं पिहां वन। अनंलि शूशन शहरय् खुशी व आनन्‍द मानय् यात।

मत्ती 10:16

“न्‍यँ, गुँखिचातय्‌गु हुलय् जिं छिमित फैचा थें यानाः छ्वयाच्‍वनागु दु। उकिं छिपिं सर्प थें चंख जुइमाः, अले सुकुभतु थें स्‍वजा जुइमाः।

मत्ती 11:8

मखुसा छिपिं छु स्‍वयेत वनागु लय्? बाबांलाःगु वसतं पुनातःपिं मनूतय्‌त स्‍वःवनागु ला? बाबांलाःगु वसतं पुना तइपिं ला लाय्‌कुलिइ जक दइ।

मत्ती 27:64

अय्‌जूगुलिं स्‍वन्‍हु तक वयात थुनातःगु थासय् पिवाः तये माल। थथे यात धाःसा वया चेलातय्‌सं वनाः वयागु सीम्‍ह खुयायंके फइ मखु। अले सीम्‍ह येशू हानं म्‍वानावल धकाः इमिसं बय्‌बय् याये फइ मखु। वं न्‍हापा याना वंगु स्‍वयाः थुमिसं लिपा याइगु ज्‍या झन ग्‍यानपुइ।”

लूका 22:30

अले छिमिसं जिगु राज्‍यय् जि नाप च्‍वनाः नयेत्‍वने याये खनी। अले हानं सिंहासनय् च्‍वनाः छिमिसं इस्राएलया झिंनिगू कुलयापिं मनूतय्‌त न्‍याय याइ।”

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।