एस्‍तर 4:8 - नेवाः बाइबल

⁸ यहूदीतय्‌त नाश यायेगु उजं दुगु व शूशनय् पिकाःगु जुजुया उजं पौया छगू नक्‍कल वं हताकयात बिल। व यंका एस्‍तरयात ब्‍यु अले फुक्‍क खँ वयात कं अले वं जुजुयाथाय् वनाः धयाबीमा व थःगु जातिया मनूतय्‌के जुजुया दया दयेमा धकाः मोर्दकैनं एस्‍तरयाथाय् बुखँ बीत हताकयात लितछ्वल।

एस्‍तर 4:8 ပူးပေါင်းရင်းမြစ်များ

एस्‍तर 2:20

मोर्दकैनं धाथें एस्‍तरं थः यहूदी खः धयागु खँ सुयातं मसीकू। थ्‍व खँ मोर्दकैनं धाःगु खः अले वं थ्‍व खँ मचां थें बांलाक मानय् यात।

एस्‍तर 4:9

हताकं एस्‍तरयाथाय् वनाः मोर्दकैनं धाःगु फुक्‍कं खँ न्‍यंकाबिल।

एस्‍तर 8:6

छाय्‌धाःसा जिं थः मनूतय्‌के वःगु विपत्ति गथे यानाः स्‍वयाः च्‍वने फइ? अले जि थः परिवार नाश जूगु गथे यानाः सहयाना च्‍वने फइ?”

अय्‍यूब 9:15

जि छुं दोष मदुम्‍ह जूसां लिसः हे बी मफु, जितः दोषी ठहरय् यानादीम्‍हलिसें जिं दयाया निंतिं बिन्‍ति जक याये फु।

भजनसंग्रहया सफू 122:6

यरूशलेमया शान्‍तिया निंतिं प्रार्थना या, “छन्‍त माया याइपिं याउँक च्‍वनेदयेमा।

हितोपदेश 21:1

जुजुया नुगः परमप्रभुया ल्‍हातिइ दु, गुबलय् मंदइ उबलय् वय्‌कलं थ्‍वयात खुसिचाया लः थें हीकादी।

उपदेशक 10:4

हाकिमतय्‌गु तं छंगु विरोधय् दसां छं थःगु ज्‍या यायेगु त्‍वःते मते। सुम्‍क च्‍वनाच्‍वन धाःसा ततःधंगु तं नं शान्‍त जुइ।

प्रेरित 12:20

हेरोद टुरोस व सिडोनय् च्‍वंपिं मनूतलिसे तसकं तंचाया च्‍वंगुलिं इमिसं मिलय् जुयाः हेरोदयात लय्‌ताय्‌केत स्‍वयाच्‍वन। उकिं इमि सुं मनूत वयाः हेरोदया बलस्‍तस धाःम्‍ह मनूयात ल्‍हातय् कयाः मिलय् जुयाच्‍वनेगु धकाः बिन्‍ति यात, छाय्‌धाःसा हेरोदयागु हे देशं इमिसं नसा कयाच्‍वंगु खः।

१ तिमोथी 6:13

फुक्‍कसितं म्‍वाका तःम्‍ह परमेश्‍वरयागु न्‍ह्यःने व पन्‍तियस पिलातसयागु न्‍ह्यःने सत्‍ययागु निंतिं नवानादीम्‍ह ख्रीष्‍ट येशूयागु न्‍ह्यःने जिं छन्‍त धयाच्‍वना –

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।