एस्‍तर 4:6 - नेवाः बाइबल

⁶ हताक दरबारया लुखा न्‍ह्यःने च्‍वंगु शहरया चकंगु चोकय् वनाः मोर्दकैयात नापलाः वन।

एस्‍तर 4:6 ပူးပေါင်းရင်းမြစ်များ

एस्‍तर 4:3

जुजुया उजं न्‍यंकूगु फुक्‍क प्रान्‍तय् यहूदीत ख्‍वख्‍वं अपसं च्‍वनाः तसकं दुःख मन तायेकाः विलाप यात। इपिं मध्‍ये यक्‍वसिनं भांग्रा फिनाः नउलय् ग्‍वारातुलाच्‍वन।

एस्‍तर 4:5

अनंलि एस्‍तरं थःगु सेवा यायेत तयातःम्‍ह जुजुया छम्‍ह नपुंसक हताकयात सःताः मोर्दकैयात छु दुःख परेजुया च्‍वंगु दु, छाय् थथे यानागु धकाः न्‍यना वा हुँ धकाः छ्वत।

एस्‍तर 4:7

अले मोर्दकैनं थःत छु जुयाच्‍वंगु खः व फुक्‍क खँ व हामानं यहूदीतय्‌त नाश यायेगु निंतिं गुलि धिबा जुजुया धुकुतिइ बी धकाः धाःगु खः व नं हताकयात कनाबिल।

एस्‍तर 7:2

उखुन्‍हु नं जुजुं दाखमद्य त्‍वँत्‍वं रानी एस्‍तरयात धाल, “रानी एस्‍तर छन्‍त छु माल? जितः धा, जिं छन्‍त व बी। छंगु इनाप छु खः? जिगु बच्‍छि राज्‍य तकं जिं छन्‍त बी।”

एस्‍तर 9:12

अले जुजुं रानी एस्‍तरयात धाल, “यहूदीतय्‌सं राजधानी शूशनय् न्‍यासः मनूतय्‌त व हामानया झिम्‍हं काय्‌पिन्‍त स्‍यानाः नाश याःगु दु। जुजुया मेगु प्रान्‍तय् इमिसं छु छु यात जुइ? आः हाकनं छंगु मेगु छुं बिन्‍ति ल्‍यंदनि ला? जितः धा व जिं पूवंकाबी, छं छु फ्‍वने मास्‍ति वः फ्‍वँ व छन्‍त बी।”