एस्‍तर 4:3 - नेवाः बाइबल

³ जुजुया उजं न्‍यंकूगु फुक्‍क प्रान्‍तय् यहूदीत ख्‍वख्‍वं अपसं च्‍वनाः तसकं दुःख मन तायेकाः विलाप यात। इपिं मध्‍ये यक्‍वसिनं भांग्रा फिनाः नउलय् ग्‍वारातुलाच्‍वन।

एस्‍तर 4:3 ပူးပေါင်းရင်းမြစ်များ

एस्‍तर 1:1

अहासूरस जुजुया पालय् जूगु घटनात थन बयान यानातःगु दु। उगु इलय् थ्‍व हे अहासूरस जुजुं भारतंनिसें कूश देश तक सछि व निइन्‍हय्‌गू प्रान्‍तय् शासन याइगु खः।

एस्‍तर 3:12

अनंलि न्‍हापांगु लाया झिंस्‍वन्‍हु खुन्‍हु जुजुया सकल छ्यान्‍जेतय्‌त सःतल। अले हामानया उजंकथं जुजुया मन्‍त्रीत, फुक्‍क प्रान्‍तयापिं बडा-हाकिमत अले देशया थीथी जातियापिनिगु नायःतय्‌त अहासूरसया नामय् व जुजुयागु हे छाप तयाः इमिगु थःगु हे भाषां पौ च्‍वयाः छ्वत।

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

एस्‍तर 4:2

व राजदरबारया मू ध्‍वाखा तक वन, छाय्‌धाःसा भांग्रा फिनातःम्‍ह सुं नं मनू दरबारय् दुने दुहां वने दइ मखु।

एस्‍तर 4:4

एस्‍तर रानीया भ्‍वातिं व नपुंसकत वयाः मोर्दकैनं छु याःगु खः व वयात न्‍यंकल, अले एस्‍तरं तसकं दुःख मन ताय्‌कल। भांग्रा त्‍वयाः लं फ्‍यु धा धकाः मोर्दकैया निंतिं लं बियाछ्वत। तर वं व मकाल।

एस्‍तर 9:31

उकी यहूदीतय्‌त गथे इमिसं अपसं व विलापया नियमत मानय् याना वयाच्‍वंगु खः, अथे हे इपिं व इमि सन्‍तानतय्‌सं पूरीमया दिंत नं मानय् या धकाः उजं ब्‍यूगु दु। मोर्दकै व एस्‍तर रानी निम्‍हाय्‌सिनं अथे उजं ब्‍यूगु खः।

अय्‍यूब 2:8

चासुवय्‌त छकू चायागु तज्‍याःगु थलया कुचा कयाः अय्‍यूब नउलय् च्‍वन।

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यशैया 22:4

अथे जुयाः जिं धया, “जिपाखें फःहिला हुँ! जितः ह्वाँय्‌ह्वाँय् ख्‍वये ब्‍यु, जिमि प्रजाया नाशया कारणं जितः ह्यय्‌केगु कुतः याये मते।”

यशैया 58:5

छु जिं ल्‍ययागु अपसं थथे हे खः ला? मनूतय्‌सं छन्‍हु जक क्‍वमिलु जुयाच्‍वनेगु ला? छु थ्‍व तिंकथिमा थें थःगु छ्यं क्‍वछुकेगु व भांग्रा फीगु अले नउनं बुलिइगु दिं जक खः ला? छु छिमिसं थुकियात अपसं धायेगु ला? छु छिमिसं थुकियात परमप्रभुयात लय्‌ताय्‌केगु दिं धायेगु ला?

इजकिएल 27:30

छंगु निंतिं तःसलं हालाः इपिं ह्वाँय्‌ह्वाँय् ख्‍वइ। इमिसं थःगु छेनय् धू ह्वली अले नउलय्‌ ग्‍वारा ग्‍वारातुली।

दानिएल 9:3

उकिं अपसं च्‍वनाः भांग्रा फिनाः नउ बुलाः परमप्रभु परमेश्‍वरया न्‍ह्यःने प्रार्थना व दुनुगलंनिसें बिन्‍ति याना।

योना 3:6

थ्‍व खँ निनवेया जुजुयाथाय् थ्‍यनेवं वं सिहासनं दना वयाः थःगु वसः त्‍वःताः भांग्रां फित। अले नउलय् वनाः फ्‍यतुल।

मत्ती 13:42

अले इमित मि गालय् कुर्की। अन इपिं ख्‍व जक ख्‍वयाः वा न्‍ह्ययाच्‍वनी।

मत्ती 22:13

अले जुजुं थः च्‍यःतय्‌त थथे धकाः धाल – ‘थ्‍व मनूयात ल्‍हाःतुति चिनाः पिने खिउँथाय् वान्‍छ्वया ब्‍यु। अन हे ख्‍व जक ख्‍वयाः वा न्‍ह्ययाच्‍वनी।’”

मत्ती 25:30

थ्‍व ज्‍यालगय् मजूम्‍ह च्‍यःयात धाःसा पिने खिउँथाय् वांछ्वये यंकि। अन हे थ्‍व ख्‍व जक ख्‍वयाः वा न्‍ह्ययाच्‍वनी।”

यहोशू 7:6

अथे जूगुलिं यहोशू व इस्राएलीया नायःपिन्‍सं थथःगु वसः खुनाः छेनय् धू ह्वलाः परमप्रभुया सनूया न्‍ह्यःने बँय् भ्‍वसुलाः सन्‍ध्‍याकाः ई तक हे च्‍वनाच्‍वन।

१ शमूएल 11:4

खबर यायेत वंपिं मनूत शाऊलया गिबाय् वनाः थःगु खबर ब्‍यूबलय् अन च्‍वंपिं फुक्‍क मनूत तस्‍सलं ख्‍वल।