एस्‍तर 4:16 - नेवाः बाइबल

¹⁶ “शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

एस्‍तर 4:16 ပူးပေါင်းရင်းမြစ်များ

उत्‍पत्ति 18:19

जिं वयात ल्‍ययागुलिं वं थः मस्‍तय्‌त व सन्‍तानयात खःगु व भिंगु ज्‍या यानाः परमप्रभुया लँय् जुइत उजं बिइ। थुकिं हे परमप्रभुं अब्राहामलिसे चिनादीगु बाचा पूवंके फइ।”

उत्‍पत्ति 43:14

दक्‍व शक्ति दुम्‍ह परमेश्‍वरं छिमित व मनूया न्‍ह्यःने दया यानादीमा। अले व मनुखं छिमि दाजु व बेन्‍यामीनयात नं छिपिंलिसें छ्वयाहयेमा। जि सन्‍तान मदयेक च्‍वनेमाःसां थजुइमा।”

२ शमूएल 10:12

बल्‍ला व साहसी जु! अले थःगु जाति व झी परमेश्‍वरया शहरतय्‌गु निंतिं मग्‍यासें लडाइँ यायेनु। अले परमप्रभुयात छु याये यः वय्‌कलं व हे यानादी।”

२ राजा 7:4

शहरय् दुहां वन धाःसा झीपिं अनया अनिकालं सी। थन च्‍वनाच्‍वन धाःसा नं झीपिं सी। बरु झीपिं अरामीतय्‌गु छाउनीइ वनाः आत्‍मसमर्पण यायेनु। इमिसं झीत त्‍वःतल धाःसा झीपिं म्‍वाइ। इमिसं झीत स्‍यात धाःसा झीपिं सी।”

२ इतिहास 20:3

थ्‍व खँ न्‍यनाः यहोशापात ग्‍यात। अले वं आः छु यायेगु धकाः परमप्रभुयात मालेगु क्‍वःछित। वं यहूदायापिं सकसितं अपसं च्‍वँ धकाः नं धाल।

एज्रा 8:21

जिपिं झी परमेश्‍वरया न्‍ह्यःने क्‍वमिलु जुइत व याउँक यात्राया निंतिं अले लँय् थः मस्‍त व थःगु सामानयागु रक्षाया निंतिं बिन्‍ति यायेत जिं अन अहावा खुसिया सिथय् अपसं च्‍वनेगु घोषणा याना।

एस्‍तर 4:15

एस्‍तरं मोर्दकैयात थथे लिसः छ्वयाहल,

एस्‍तर 4:17

अनं मोर्दकै वनाः एस्‍तरं उजं ब्‍यू थें हे यात।

एस्‍तर 4:3

जुजुया उजं न्‍यंकूगु फुक्‍क प्रान्‍तय् यहूदीत ख्‍वख्‍वं अपसं च्‍वनाः तसकं दुःख मन तायेकाः विलाप यात। इपिं मध्‍ये यक्‍वसिनं भांग्रा फिनाः नउलय् ग्‍वारातुलाच्‍वन।

एस्‍तर 5:1

अपसं च्‍वंगु स्‍वन्‍हु खुन्‍हु एस्‍तरं थःगु शाही वसः पुन। अले दरबारया दुने च्‍वंगु चुकय् वनाः दनाच्‍वन। उबलय् जुजु लुखापाखे स्‍वयाः सिंहासनय् फेतुनाच्‍वंगु खः।

एस्‍तर 9:31

उकी यहूदीतय्‌त गथे इमिसं अपसं व विलापया नियमत मानय् याना वयाच्‍वंगु खः, अथे हे इपिं व इमि सन्‍तानतय्‌सं पूरीमया दिंत नं मानय् या धकाः उजं ब्‍यूगु दु। मोर्दकै व एस्‍तर रानी निम्‍हाय्‌सिनं अथे उजं ब्‍यूगु खः।

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यर्मिया 36:9

यहूदाया जुजु योशियाहया काय् यहोयाकीमं राज्‍य यानाच्‍वंगु न्‍यागूगु दँया गुंगूगु लाय् यरूशलेमय् दुपिं सकलें मनूत व यहूदाया शहर शहरं वःपिं सकसिगु निंतिं परमप्रभुया न्‍ह्यःने छगू अपसं च्‍वनेगु ई घोषणा यात।

दानिएल 2:18

बेबिलोनयापिं मेपिं ज्ञान दुपिं मनूतलिसें झीपिं नं सीम्‍वालेमा धकाः स्‍वर्गयाम्‍ह परमेश्‍वरयात दया यानाः व म्‍हगसया सुलाच्‍वंगु खँया अर्थ झीत उलाक्‍यनादिसँ धकाः प्रार्थना यायेत वं थः पासापिन्‍त इनाप यात।

मत्ती 12:40

गथे योना न्‍यायागु प्‍वाथय् स्‍वन्‍हु स्‍वचा तक च्‍वन, अथे हे मनूया काय् नं पृथ्‍वीया दुने स्‍वन्‍हु स्‍वचा तक च्‍वनी।

लूका 9:24

थःगु प्राण बचय् यायेत जक स्‍वइम्‍ह मनू नाश जुयावनी। सुनां जिगु निंतिं थःगु प्राण पाइ व बचय् जुइ।

यूहन्‍ना 19:22

पिलातसं लिसः बिल – “म्‍वाःल, जिं च्‍वये धुन।”

प्रेरित 10:7

स्‍वर्गदूत वने धुंकाः वं निम्‍ह च्‍यःतय्‌त व थःगु पल्‍टनयाम्‍ह छम्‍ह धर्मीम्‍ह सिपाइँयात सःताः

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 21:13

पावलं धाःसा थथे लिसः बिल – “छिकपिन्‍सं थथे ख्‍वयाः हालाः जिगु मन क्‍वतुंकेत स्‍वयां छु याये? प्रभु येशूयागु नामय् ज्‍वनाः चिकेत जक छु सीत तकं लिचिले मखु।”

प्रेरित 27:33

सुथ जुइ थें च्‍वंकाः पावलं इमित नयेनी यायेत धाल – “छिकपिन्‍सं छुं हे मनःगु झिंप्‍यन्‍हु मछिं दये धुंकल।

प्रेरित 9:9

थथे व स्‍वन्‍हु तक मिखा कां जुइकाच्‍वन। थुबलय् वं नयेनीगु मयाः, लः तक नं मत्‍वं।

रोमी 16:4

जितः बचय् यायेत इपिं थःपिं हे झन्‍दलय् सीत्‍यंगु खः। जिं जक मखु, फुक्‍क जात जातियापिं मनूत दुगु मण्‍डलीं नं इमित सुवाः बियाच्‍वंगु दु।

फिलिप्‍पी 2:30

ख्रीष्‍टयागु ज्‍याया निंतिं जितः ग्‍वाहालि बीत वं थःगु ज्‍यान तकं पात। छिमिसं जिगु निंतिं पूवंके मफुगु ज्‍या वं पूवंकल।

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”

१ शमूएल 19:5

व पलिश्‍तीयात स्‍याःबलय् वं थःगु ज्‍यान तकं पात। परमप्रभुं इस्राएलीतय्‌त तःधंगु विजय बियादिल, अले छि व खनाः लय्‌तायादीगु खः। छम्‍ह छुं दोष मदुम्‍ह मनूयात छिं छाय् मभिं याये त्‍यनागु, छाय् छुं कारण हे मदय्‌क दाऊदयात स्‍याये त्‍यनागु?”