एस्‍तर 4:14 - नेवाः बाइबल

¹⁴ थज्‍याःगु इलय् छ सुम्‍क च्‍वन धाःसा यहूदीतय्‌गु निंतिं ग्‍वाहालि व छुत्‍कारा मेगु थासं हे वइ। छ व छिमि बौया सन्‍तान धाःसा नाश जुयावनी। सुनां स्‍यू धकाः थज्‍याःगु ईया लागिं हे छ रानी जूगु खः ला की?”

एस्‍तर 4:14 ပူးပေါင်းရင်းမြစ်များ

उत्‍पत्ति 22:14

अब्राहामं व थाय्‌या नां “परमप्रभुं बियादी” तल। थौं तक नं मनूतय्‌सं “परमप्रभुं पर्वतय् बियादी” धकाः धायेगु याः।

२ राजा 13:5

परमप्रभुं इस्राएलया निंतिं छम्‍ह उद्धार याइम्‍ह ल्‍ययादिल। वं इमित अरामया ल्‍हातं त्‍वःतकल। अले इस्राएलीत हाकनं थथःगु छेँय् न्‍हापा थें याउँक च्‍वन।

२ राजा 19:3

इमिसं वयात धाल, “हिजकिया जुजुं थथे धयादी, थौं झीसं दुःख सीगु दिं खः। झीत क्‍वह्यंकूगु दु अले झीगु अपमान जूगु दु! थ्‍व मचाबुइगु ई त्‍ययाः नं मचाबुइकेगु बल मदुगु थें खः।

एज्रा 9:9

जिपिं दासत जूसां झी परमेश्‍वरं जिमित व हे अवस्‍थाय् त्‍वःतामदी। छिगु कारणं फारसयाम्‍ह जुजुं जिमित ग्‍वाहालि याःगु दु। थ्‍व छिं जिमित न्‍हूगु जीवन बियादीगु थें खः। छिं जिमित छिगु देगः दय्‌केबिल अले जिमित यहूदा व यरूशलेमय् आराम बियादिल।

नहेम्‍याह 6:11

अय्‌नं जिं शमायाहयात धया, “जि थें ज्‍याःम्‍ह मनू बिस्‍युं वनेगु ला? छु जि थें ज्‍याःम्‍ह मनू बचय् जुइत देगलय् वनेगु ला? जि वने मखु।”

एस्‍तर 2:15

एस्‍तरया बौ अबीहेल खः। व मोर्दकैया कका खः। थ्‍व हे मोर्दकैया थः म्‍ह्याय् थें लहिनातःम्‍ह एस्‍तरया जुजुयाथाय् वनेगु पाः वल। वं मिसातय्‌त कःघाना च्‍वंम्‍ह नपुंसक हेगें सल्‍लाह ब्‍यूगु खँ बाहेक मेगु छुं नं मयंकू। एस्‍तरयात खँक्‍वसिनं तसकं बांलाः ताय्‌केगु खः।

एस्‍तर 2:17

जुजुं मेपिं ब्‍याहा मजूनिपिं मिसातय्‌त स्‍वयाः एस्‍तरयात यक्‍वः माया यात। अले वयात तसकं यय्‌कल। अले वयागु छेनय् श्रीपेच पुइकाः वश्‍तीया थासय् वयात रानी यात।

एस्‍तर 2:7

मोर्दकैया एस्‍तर नांयाम्‍ह ककाया म्‍ह्याय् छम्‍ह दु। एस्‍तरया हिब्रू नां हदस्‍सा खः। व तसकं बांलाःम्‍ह व हिसि दुम्‍ह खः। वया मां-बौ सीधुंकाः मोर्दकैं वयात थः म्‍ह्याय् थें यानाः लहिनातःगु खः।

एस्‍तर 4:13

वं एस्‍तरयात थथे धकाः लिसः छ्वयाहल, “थथे बिचाः याये मते, छ दरबारय् दुने जुजुयाथाय् दुगुलिं फुक्‍क यहूदीतय् मध्‍ये छ छम्‍ह जक म्‍वाये फइ।

एस्‍तर 4:15

एस्‍तरं मोर्दकैयात थथे लिसः छ्वयाहल,

अय्‍यूब 9:18

जितः हाकनं सासः ल्‍हाके नं बी मखु। वय्‌कलं जिगु जीवन हे म्‍हाइपुका ब्‍यूगु दु।

उपदेशक 3:7

खुनाछ्वयेगु छगू ई दु, हाकनं दय्‌केगु छगू ई दु। सुम्‍क च्‍वनेगु छगू ई दु, नवायेगु छगू ई दु।

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

यशैया 54:17

तर छन्‍त नाश यायेत दय्‌कूगु न्‍ह्याथें ज्‍याःगु ल्‍वाभलं नं छन्‍त बुके फइ मखु। अले छन्‍त दोष बीपिन्‍त छं सुम्‍क तइ। थ्‍व परमप्रभुया दासतय्‌गु निंतिं सर्बय जुइ। थ्‍व जिमि दासतय्‌त कोस्‍यालि खः,” परमप्रभुं घोषणा यानादी।

यर्मिया 30:11

परमप्रभुं धयादी, ‘जि छनापं दइ अले छन्‍त बचय् याये। जिं छन्‍त छु छु जातितय्‌थाय् छ्यालब्‍याल यानागु खः, जिं व फुक्‍क जातियात नाश यानाबी, अय्‌नं जिं छन्‍त भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।’”

यर्मिया 46:28

हे जिम्‍ह दास याकूब, छ ग्‍याये मते, छाय्‌धाःसा जि छलिसें दु,” परमप्रभुं धयादी। “गुगु गुगु देशय् जिं छिमित छ्यालब्‍याल याना, व फुक्‍क देशयात नाश यानाबी। छिमित धाःसा भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।”

लेवी 26:42

उबलय् जिं याकूबनापं चिनातयागु बाचा लुमंके। अले इसहाक नापं चिनातयागु बाचा व अब्राहामनापं चिनातयागु बाचा नं लुमंके। नापं जिं देशयात नं लुमंके।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

मत्ती 24:22

परमेश्‍वरं व ईयात चिहाकय्‌का मदीसा सुं हे बचय् जुइ मखु। वय्‌कलं थःम्‍हं ल्‍ययातःपिं मनूतय्‌गु निंतिं व ईयात चिहाकय्‌कादी।”

व्‍यवस्‍था 32:36

परमप्रभुं थःमनूतय्‌गु बल मदयावंगु खन कि वय्‌कलं इमिगु न्‍याय यानादी। छु दास वा छु स्‍वतन्‍त्र इपिं सुं बचय् जुयाच्‍वंगु मदइबलय्, वय्‌कलं थःगु सजाँय दिकादी।

न्‍यायकर्ता 15:6

अले पलिश्‍तीतय्‌सं न्‍यन, “थ्‍व सुनां याःगु?” इमित धाल, “तिम्‍नायाम्‍ह वया ससःबौनं शिमशोनया कलाः वया पासायात ब्‍यूगुलिं शिमशोनं थ्‍व फुक्‍क याःगु खः।” अले पलिश्‍तीत वनाः शिमशोनया कलाः व वया बौयात छ्वयेकाः स्‍यानाबिल।

१ शमूएल 12:22

थःगु तःधंगु नांया कारणं परमप्रभुं छिमित त्‍वःतादी मखु, छाय्‌धाःसा वय्‌कलं छिमित थः प्रजा यायेगु क्‍वःछिनादीगु दु।

१ शमूएल 17:29

दाऊदं धाल, “मखु, जिं छु यानागु दु धकाः? जिं छगू खँ नं न्‍यने मज्‍यू ला?”