एस्‍तर 4:11 - नेवाः बाइबल

¹¹ “भारदारतय्‌सं व प्रान्‍तया फुक्‍क थासय् च्‍वंपिं मनूतय्‌सं जुजुया थ्‍व आज्ञा सि हे स्‍यू, सुं नं मनू, व मिसा जुइमा वा मिजं जुइमा जुजुं मसःतुसे दुनेया चुकय् दुहां वल धाःसा वयात स्‍यानाछ्वइ। न्‍ह्याथेसां जुजुं लुँया राजदण्‍ड वयापाखें ल्‍ह्वन धाःसा व बचय् जुइ। जि थः हे जुजुयाथाय् वने मदुगु स्‍विन्‍हु दये धुंकल।”

एस्‍तर 4:11 ပူးပေါင်းရင်းမြစ်များ

एस्‍तर 1:19

“छसपोलया इच्‍छा दःसा वश्‍ती रानी थनिंनिसें गुबलें छसपोलया न्‍ह्यःने वये दइ मखु धकाः शाही उजं बियादिसँ। थ्‍व उजं फारस व मादीतय्‌गु कानूनय् गुबलें महिलिगुकथं च्‍वकादिसँ। अले वश्‍ती रानी स्‍वयाः बहःम्‍ह व बांलाःम्‍ह मिसायात रानी जुइ बियादिसँ।

एस्‍तर 2:14

बहनी व जुजु थः च्‍वनीगु क्‍वथाय्‌ वनीगु अले कन्‍हय् सुथय् व मिसात तइगु मेगु छेँय्‌ नपुंसक शाश्‍गजया जिम्‍माय् वनीगु खः। जुजुं नां कयाः मसःतुतले व हाकनं जुजुयाथाय् वने दइ मखु।

एस्‍तर 4:10

अले एस्‍तरं हताकपाखें हाकन थ्‍व बुखँ मोर्दकैयाथय् धयाछ्वत,

एस्‍तर 4:12

अले एस्‍तरं धाःगु खँ मोर्दकैयात कन।

एस्‍तर 6:4

जुजुं न्‍यन, “पिनेयागु चुकय् सु दु?” उबलय् हे हामान जुजु लुखाया न्‍ह्यःने थःम्‍हं मोर्दकैयात फांसि बीगु सिँयागु थामय् यख्‍खाय्‌गु धकाः जुजुयाके बिन्‍ति यायेत वःगु खः।

एस्‍तर 8:4

अले जुजुं लुँयागु राजदण्‍ड एस्‍तरपाखे च्‍वका ल्‍ह्वन। अले व दना वनाः जुजुया न्‍ह्यःने च्‍वंवन।

दानिएल 2:9

छिमिसं जितः म्‍हगस मधाल धाःसा छिपिं सकसिगु लागि छगू हे जक सजाँय दु। ई हिली ला धयागु आशां छिमिसं जितः मखुगु खँ ल्‍हायेगु ग्‍वसाः ग्‍वःगु दु। आः हे व म्‍हगस जितः कँ। अले छिमिसं उकिया अर्थ धाये फइ धयागु खँ जिं सी।”

१ पत्रुस 3:7

अथे हे मिजंतय्‌सं नं थः कलाः बमलाःम्‍ह खः धयागु खँ ल्‍वःमंके मज्‍यू। छिमिसं नं इमित मानय् यायेमाः, छाय्‌धाःसा परमेश्‍वरं इमित नं अनन्‍त जीवन बियातःगु दु। थुकथं छिमित निम्‍ह जानाः प्रार्थना यायेत छुकिं नं पनी मखु।