एस्‍तर 3:8 - नेवाः बाइबल

⁸ अले हामानं अहासूरस जुजुयात धाल, “छसपोलया राज्‍य दुने छगू जाति देय्‌या फुक्‍क प्रान्‍तय् मनूतय् दथुइ च्‍वनाच्‍वंगु दु। इपिं ब्‍यागल च्‍वना वयाच्‍वंगु दु। इमिगु रितिथिति मेगु फुक्‍क जातितय्‌गु स्‍वयाः पा। इमिसं छसपोलया नियम कानून नं मानय् मयाः। छिसं इमित सह यानाच्‍वनेगु बांलाः मजू।

एस्‍तर 3:8 ပူးပေါင်းရင်းမြစ်များ

एज्रा 4:6

अहासूरस जुजुं शासन याःगु शुरुया इलय् यहूदा व यरूशलेमय् च्‍वंपिं मनूतय्‌गु विरोधय् इमि शत्रुतय्‌सं छगू द्वपं पौ च्‍वयाः छ्वत।

नहेम्‍याह 1:8

“छिं मोशायात धयादीगु थ्‍व खँ लुमंकादिसँ, ‘छिपिं इस्राएलयापिं मनूत विश्‍वास मदुपिं जुल धाःसा जिं छिमित जाति जातितय्‌गु दथुइ छ्यालब्‍याल यानाबी।

एस्‍तर 3:9

यदि छसपोलया इच्‍छा दत धाःसा इमित नाश यानाछ्वयेगु निंतिं छगू उजं पौ च्‍वयाबियादिसँ। थ्‍व ज्‍या याइपिं छसपोलया हाकिमतय्‌गु निंतिं जिं जुजुया धुकुति जम्‍मा यायेत स्‍वगू लाख पिइद्वः किलोग्राम वहः बी।”

एस्‍तर 4:1

थ्‍व फुक्‍क खँ न्‍यनेवं मोर्दकैनं थःगु वसः खुत, भांग्रा फिनाः नलीं बुलाः तःसलं हालाः विलाप यायां शहरया प्‍यखेरं चाःहुलाजुल।

यर्मिया 33:24

“थुपिं मनूतय्‌सं जिं ल्‍ययागु निगू राज्‍ययात जि, परमप्रभुं त्‍वःतूगु दु धकाः धयाच्‍वंगु छं मस्‍यू ला? अथे जुयाः थुमिसं जि मनूतय्‌त तसकं मयय्‌कीगु अले इमित छगू जाति खः धकाः मानय् मयाः।

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

इजकिएल 11:16

“उकिं थथे धा, ‘परमप्रभु परमेश्‍वरं थथे धयादी – जिं इमित जाति जातितय्‌गु दथुइ तापाक छ्वयागु जूसां अले इमित देश विदेशय् छ्यालब्‍याल यानाबियागु जूसां इपिं वंगु देशय् जि छुं ईया निंतिं इमिगु लागि शरण कायेगु थाय् जुयागु दु।’

इजकिएल 6:8

“‘अय्‌नं जिं छिपिं मध्‍ये गुलिंसित बचय् यानाः तये। उकिं छिपिं देश देशय् छ्यालब्‍याल जुइबलय् जाति जातिया दथुइ छिमि छुं मनूत तरवारं बचय् जुइ।

दानिएल 3:8

अबलय् छुं ज्‍योतिषीतय्‌सं न्‍ह्यःने वयाः यहूदीतय्‌त द्वपं बिल।

दानिएल 6:13

अले इमिसं जुजुयात धाल, “हे महाराज, यहूदां ज्‍वनाहःम्‍ह व दानिएलं छःपिन्‍त हनाबना मयाः अले छःपिनिगु आज्ञा मानय् मयाः। वं आः नं न्‍हि स्‍वकः प्रार्थना यायेगु याः।”

दानिएल 6:14

थ्‍व खँ न्‍यनाः जुजुया नुगः मछिन। अले दानिएलयात त्‍वःतकेगु क्‍वःछिनाः सूर्य बिनामवंतले वयात बचय् यायेगु कुतः याना हे च्‍वन।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

जकरिया 7:14

‘म्‍हमस्‍यूपिं जातितय्‌गु दथुइ ग्‍वःफसं थें जिं इमित छ्यालब्‍याल याना। थुकथं इमिगु देश झिजांमिजां दंगुथाय् जुल। अन सुं नं मनू वये वने मया। इमिसं जिगु खँ मन्‍यंगुलिं व न्‍ह्यइपुगु देश झिजांमिजां दंगुथाय् जुल।’”

गन्‍ती 23:9

ततःग्‍वःगु ल्‍वहं च्‍वकां जिं इमित खना ततःजाःगु गुँच्‍वकां जिं इमित स्‍वया। इपिं ला अलग च्‍वनीगु जाति खः। इमिसं थःपिन्‍त मेपिं स्‍वयाः अलग स्‍वइगु।

यूहन्‍ना 7:35

अले इमिसं थःथवय् थथे खँ ल्‍हात – “झीसं लुइके हे मफय्‌क थ्‍व मनू गन वनेत्‍यंगु जुइ? छु थ्‍व ग्रीकतय्‌गु दथुइ उखेलाः थुखेलाः जुयाच्‍वपिं यहूदीतय्‌थाय् वनाः ग्रीकतय्‌त स्‍यनेकने यायेत वनेत्‍यंगु ला मखु ला?

प्रेरित 24:5

थ्‍व मनू तसकं ग्‍यानापुम्‍ह, संसारय् च्‍वंपिं फुक्‍क यहूदीतय्‌त ल्‍वाका जूम्‍ह खः। अले थ्‍व नासरी पुचःयाम्‍ह नायः नं खः।

प्रेरित 28:22

अय्‌नं छिं थःगु खँ जिमित नं कनादिसँ, छाय्‌धाःसा थ्‍व लँय् जुइपिन्‍त न्‍ह्याथाय् नं मभिंकाः खँ ल्‍हाइगु जिमिसं स्‍यू।”

व्‍यवस्‍था 30:3

ज्‍वनाः यंकूपिं छिमित परमप्रभु छिमि परमेश्‍वरं लित हयादी। अले वय्‌कलं छिमित गुगु जातितय्‌गु दथुइ छ्यालब्‍याल यानादीगु खः उपिं जातितय् दथुं माया यानाः हाकनं मुंकादी।

व्‍यवस्‍था 32:26

जिं धया, ‘जिं इमित तातापाक तक छ्यालब्‍याल यानाबी, मनूतय्‌गु दथुं इमिगु लुमन्‍ति तकं मदय्‌काबी।’

व्‍यवस्‍था 4:27

परमप्रभुं छिमित जाति जातितय्‌गु दथुइ उखेलाः थुखेलाः यानाबी। वय्‌कलं छिमित लिनाछ्वःगु देश देशय् मेगु जातितय्‌गु दथुइ छिपिं कम जक म्‍वानाच्‍वनी।

याकूब 1:1

परमेश्‍वर व प्रभु येशू ख्रीष्‍टया दास याकूबयापाखें सारा संसारय् न्‍यंक वनाच्‍वंपिं इस्राएलीतय्‌गु झिंनिगू कुलयापिं मनूतय्‌त ज्‍वजलपा।

१ पत्रुस 1:1

पोन्‍टस, गलातिया, कापाडोकिया, एशिया व बिथिनियाय् वनाः परदेशी जुयाच्‍वंपिं परमेश्‍वरं ल्‍ययातःपिं मनूतय्‌त येशू ख्रीष्‍टया प्रेरित पत्रुसयागु ज्‍वजलपा।