एस्‍तर 3:7 - नेवाः बाइबल

⁷ अहासूरस जुजुया झिनिदँया न्‍हापांगु ला वा निसान लाय् हामानया न्‍ह्यःने न्‍हि व ला क्‍वःछीगु निंतिं इमिसं चिट्ठा तल। व चिट्ठायात “पूर” धकाः धाइगु खः। चिट्ठा झिंनिला दुखुन्‍हु वा अदार ला खुन्‍हु लात।

एस्‍तर 3:7 ပူးပေါင်းရင်းမြစ်များ

एज्रा 4:6

अहासूरस जुजुं शासन याःगु शुरुया इलय् यहूदा व यरूशलेमय् च्‍वंपिं मनूतय्‌गु विरोधय् इमि शत्रुतय्‌सं छगू द्वपं पौ च्‍वयाः छ्वत।

एज्रा 6:15

दारा जुजुं शासनयागु खुगूगु दँयागु अदार लाया स्‍वन्‍हु खुन्‍हु देगःया ज्‍या सिधल।

नहेम्‍याह 2:1

प्‍यला लिपा छन्‍हु जुजु अर्तासास्‍तया निइगूगु दँया निसान लाय् जुजुयागु दाखमद्य हःबलय् जिं व कयाः जुजुयात बिया। जि जुजुया न्‍ह्यःने दनाबलय् जिगु ख्‍वाः खिउँ। न्‍हापा गुबलें जिं अथे जुजुया न्‍ह्यःने ख्‍वाः खिउँका वनागु मदु।

एस्‍तर 1:3

वं शासन याःगु स्‍वदँ दुबलय् थः फुक्‍क भारदारत व हाकिमतय्‌त सःताः तःधंगु भ्‍वय् न्‍याय्‌कल। राजकुमारपिं, फारसी व मादी सेनातय् मू नायःत व प्रान्‍त प्रान्‍तया बडा-हाकिमत नं लाय्‌कुलिइ थ्‍यंकः वल।

एस्‍तर 2:16

थुकथं अहासूरसं राज्‍य याःगु न्‍हय्‌दँया तेबेत धाइगु झिला दुबलय् एस्‍तरयात जुजु च्‍वनेगु थासय् यंकल।

एस्‍तर 9:1

झिंनिला अर्थात अदार लाया झिंस्‍वन्‍हु खुन्‍हु जुजुयागु उजं पूवंकीगु दिं वल। उखुन्‍हु हे यहूदीतय् शत्रुतय्‌सं इमित थःगु अधिकारय् हयेगु आशा याःगु खः। तर उकिया अखः इमित घृणा याइपिं यहूदीतय्‌सं इमित अधिकार याइगु जुल।

एस्‍तर 9:21

दँय् दँसं अदार लाया झिंप्‍यन्‍हु खुन्‍हु व झिंन्‍यान्‍हु खुन्‍हु लसताया नखः हनेगु या।

एस्‍तर 9:5

अनंलि यहूदीतय्‌सं थः फुक्‍क शत्रुतय्‌त हमला यात अले तरवारं स्‍यानाः नाश यानाबिल। अले इमिसं थः शत्रुतय्‌त थःयत्‍थें यात।

हितोपदेश 16:33

झीसं थथःम्‍हं थःगु खँ क्‍वःछिना जुये, तर परमप्रभुं हे फुक्‍क खँ क्‍वःछिनादी।

मत्ती 27:35

अनंलि इमिसं वय्‌कःयात क्रूसय् यख्‍खायाबिल। अले चिट्ठा तयाः वय्‌कःयागु वसः इना काल।