एस्‍तर 3:6 - नेवाः बाइबल

⁶ हामानं मोर्दकै यहूदी खः धयागु खँ सिसेंलि वयात जक सजाँय मब्‍युस्‍य अहासूरसया फुक्‍क देशय् च्‍वंपिं यहूदीतय्‌त व मोर्दकैयात स्‍यायेगु उपाय माल।

एस्‍तर 3:6 ပူးပေါင်းရင်းမြစ်များ

एज्रा 4:6

अहासूरस जुजुं शासन याःगु शुरुया इलय् यहूदा व यरूशलेमय् च्‍वंपिं मनूतय्‌गु विरोधय् इमि शत्रुतय्‌सं छगू द्वपं पौ च्‍वयाः छ्वत।

एस्‍तर 9:25

जुजुं थ्‍व खँ सीवं यहूदीतय्‌गु विरोधय् हामानं याःगु मभिंगु ज्‍यात वयागु हे छेनय् तयेत व वया काय्‌पिन्‍त फांसिया थामय् यख्‍खायेत जुजुं च्‍वयाः उजं बिल।

भजनसंग्रहया सफू 83:4

इमिसं धाल, “वा, झीसं इमित इमिगु जाति हे मदय्‌क नाश यानाबीनु, अले इस्राएलयात न्‍ह्यबलेंया लागि सकसिनं ल्‍वःमंकी।”

भजनसंग्रहया सफू 83:5

इमिसं छप्‍पँ जुयाः ग्‍वसाः ग्‍वःगु दु, अले छिगु हे विरोधय् सन्‍धि याःगु दु।

यर्मिया 33:24

“थुपिं मनूतय्‌सं जिं ल्‍ययागु निगू राज्‍ययात जि, परमप्रभुं त्‍वःतूगु दु धकाः धयाच्‍वंगु छं मस्‍यू ला? अथे जुयाः थुमिसं जि मनूतय्‌त तसकं मयय्‌कीगु अले इमित छगू जाति खः धकाः मानय् मयाः।

प्रकाश 12:12

उकिं स्‍वर्ग व स्‍वर्गय् च्‍वंपिं फुक्‍कं लय्‌ताः। अय्‌नं पृथ्‍वी व समुद्रयात धिक्‍कार, छाय्‌धाःसा तसकं तं पिकयाः शैतान छिमिथाय् वःगु दु। वयागु ई अप्‍वः मन्‍त धकाः स्‍यूगुलिं वं थथे याःगु खः।”