एस्‍तर 3:5 - नेवाः बाइबल

⁵ मोर्दकैनं पुलिं चुयाः भागि मयाःगु खँ हामानं सिल अले व तसकं तम्‍वल।

एस्‍तर 3:5 ပူးပေါင်းရင်းမြစ်များ

एस्‍तर 1:12

इमिसं वनाः महाराजयागु उजं रानी वश्‍तीयात न्‍यंकल। तर रानी वये मानय् मजुल। उकिं जुजु तसकं तम्‍वल, तमं मि जुल।

एस्‍तर 3:2

सकल भारदारतय्‌सं जुजुं उजं ब्‍यूकथं हामानयात पुलिं चुयाः भागि याइगु खः। मोर्दकैनं धाःसा वयात पुलिं चुयाः भागि याइ मखुगु जुयाच्‍वन।

एस्‍तर 3:4

इमिसं न्‍हियान्‍हिथं वयात थथे हे जक न्‍यनीगु। तर वं उमिगु खँयात वास्‍ता हे मयाः। थथे मोर्दकैनं मानय् मयाःगु खँ हामानं सह याइ कि मयाइ धकाः सीकेगु निंतिं इमिसं हामानयात थ्‍व खँ न्‍यंक वन। छाय्‌धाःसा “जि यहूदी खः” धकाः मोर्दकैनं इमित धाःगु खः।

एस्‍तर 5:9

उखुन्‍हु हामान लय्‌तातां व खुसि जुजुं लिहां वन। तर वं मोर्दकैयात दरबारया मू ध्‍वाखाय् थःगु न्‍ह्यःने मदंसे व मग्‍यासें च्‍वनाच्‍वंगु खनाः व तसकं तंम्‍वल।

अय्‍यूब 5:2

धात्‍थें तमं मूर्खयात स्‍याइ, अले दाहं छुं मस्‍यूपिन्‍त स्‍याइ।

भजनसंग्रहया सफू 37:12

मभिंपिन्‍सं भिंपिन्‍त स्‍यंकेत जाः ग्‍वयाजुइ, अले इमित बेक्‍वः मिखां स्‍वयाजुइ।

हितोपदेश 12:16

मूर्खतय्‌सं धाय्‌वं तं क्‍यनी, बुद्धिमानतय्‌सं थःत क्‍वह्यंकूसां मिखा तिस्‍सिनाबी।

हितोपदेश 19:19

तं मभिंपिं मनूतय्‌सं न्‍ह्याबलें दुःख बियाच्‍वनी, इमित छकः त्‍वःतल कि न्‍ह्याबलें दुःख बियाच्‍वनी।

हितोपदेश 21:24

तःधंछुया जुइम्‍ह व फुइँ यानाजुइम्‍ह मनूया नां “हेस्‍याइम्‍ह” खः, वं तःधंछुया व्‍यवहार याइ।

उपदेशक 10:6

मूर्खत तःधंगु पदय् तइ तर तःमित चिधंगु थासय् च्‍वनी।

दानिएल 3:19

अले नबूकदनेसर शद्रक, मेशक व अबेद्‌नगो खनाः तसकं तम्‍वल, तमं वयागु ख्‍वाः ह्याउँसे च्‍वन। वय्‌कलं मिया भट्टीयात न्‍हय्‌दुगं च्‍याकेत आज्ञा बिल।