एस्‍तर 3:2 - नेवाः बाइबल

² सकल भारदारतय्‌सं जुजुं उजं ब्‍यूकथं हामानयात पुलिं चुयाः भागि याइगु खः। मोर्दकैनं धाःसा वयात पुलिं चुयाः भागि याइ मखुगु जुयाच्‍वन।

एस्‍तर 3:2 ပူးပေါင်းရင်းမြစ်များ

उत्‍पत्ति 41:43

वं वयात गयेत थःगु स्‍वयाः क्‍वय्‌यागु बग्‍गी बिल। अले व गन गन वन मनूतय्‌सं न्‍ह्यःने न्‍ह्यःने वनाः “पुलिं चु, पुलिं चु” धकाः हालावन। थुकथं योसेफ मिश्र देशया हामा जुल।

एस्‍तर 2:19

निक्‍व खुसि जुजुं ब्‍याहा मजूनिपिं मिसात मुंकूबलय् मोर्दकै जुजुया लाय्‌कूया मू ध्‍वाखाय् च्‍वनाच्‍वंगु खः।

एस्‍तर 2:21

छन्‍हु मोर्दकै जुजुया ध्‍वाखाय् च्‍वनाच्‍वंबलय् निम्‍ह जुजु ध्‍वाखा पिवाः बिग्‍थाना व तेरेश जुजुनापं असन्‍तोष जुयाः जुजुयात स्‍यायेगु ग्‍वसाः ग्‍वल।

एस्‍तर 2:5

राजधानी शूशनय् मोर्दकै नां दुम्‍ह छम्‍ह यहूदी च्‍वनीगु जुयाच्‍वन। मोर्दकै याईरया काय्, शिमीया छय्‌ व कीशया छुइ अले बेन्‍यामीन कुलयाम्‍ह खः।

एस्‍तर 3:1

छुं ई लिपा अहासूरस जुजुं अगागी हम्‍मदाताया काय् हामानयात वनापं ज्‍या याइपिं मेपिं भारदारत स्‍वयाः अप्‍वः पद थकयाः देय्‌या प्रधान मन्‍त्री यात।

एस्‍तर 3:3

छन्‍हु लाय्‌कूया हाकिमतय्‌सं मोर्दकैयात न्‍यन, “छिसं छाय् जुजुया उजं मानय् मयानागु?”

एस्‍तर 3:5

मोर्दकैनं पुलिं चुयाः भागि मयाःगु खँ हामानं सिल अले व तसकं तम्‍वल।

एस्‍तर 5:9

उखुन्‍हु हामान लय्‌तातां व खुसि जुजुं लिहां वन। तर वं मोर्दकैयात दरबारया मू ध्‍वाखाय् थःगु न्‍ह्यःने मदंसे व मग्‍यासें च्‍वनाच्‍वंगु खनाः व तसकं तंम्‍वल।

भजनसंग्रहया सफू 15:4

गुम्‍हय्‌सिनं मभिंपिं मनूतय्‌त इज्‍जत याइ मखु, परमप्रभुया ग्‍याःभय काइपिन्‍त धाःसा हनाबना तइ, थःत न्‍ह्याक्‍व हे थाकुसां थःगु बचं पूवंकी।

प्रस्‍थान 17:14

अमालेकीतय्‌त बुके धकाः परमप्रभुं मोशायात धयादिल, “थ्‍व खँयात लुमंका तयेत छगू सफुलिइ च्‍व। अले जिं अमालेकीतय्‌त पृथ्‍वीं भज्‍यंक नाश यानाबी धकाः यहोशूयात धा।”

प्रस्‍थान 17:16

वं धाल, “परमप्रभुं पुस्‍तां पुस्‍ता तक अमालेकीतलिसें ल्‍वानादी धकाः वय्‌कलं पाफयादीगु दु।”

दानिएल 2:49

दानिएलं बिन्‍ति याःगुलिं जुजुं शद्रक, मेशक व अबेद्‌नगोयात बेबिलोनया प्रान्‍तया दानिएलया क्‍वय् च्‍वनाः ज्‍या याइपिं राज्‍यपाल ल्‍यल। दानिएल धाःसा जुजुयागु लाय्‌कुलिइ हे च्‍वन।

व्‍यवस्‍था 25:19

परमप्रभु छिमि परमेश्‍वरं सर्बयकथं छिमिगु अधिकारय् बियादीगु देशय् शत्रुतपाखें छिमित आराम बियादी धुंकाः पृथ्‍वीं अमालेकीतय्‌गु नां हे न्‍हंकाछ्व। छिमिसं थ्‍व खँ गुबलें ल्‍वःमंके मते!

फिलिप्‍पी 2:10

थुकथं स्‍वर्गय् च्‍वंपिं, पृथ्‍वीइ च्‍वंपिं व पातालय् च्‍वंपिं फुक्‍कसिनं वय्‌कःया नामय् पुलिं चुइमाः।

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”