एस्‍तर 3:10 - नेवाः बाइबल

¹⁰ अले जुजुं राज्‍यया छाप दुगु अंगू थःगु पचिनं त्‍वयाः यहूदीतय् शत्रु हम्‍मदाताया काय् हामानयात बियादिल।

एस्‍तर 3:10 ပူးပေါင်းရင်းမြစ်များ

उत्‍पत्ति 41:42

वं थःम्‍हं न्‍ह्यानातःगु अंगू त्‍वयाः योसेफया पतिनय् न्‍ह्याकाबिल। अले वयात भिंगु कापःया भान्‍तां लं फिकाः गःपतय् लुँयागु सिखः क्‍वखाय्‌कल।

एस्‍तर 3:1

छुं ई लिपा अहासूरस जुजुं अगागी हम्‍मदाताया काय् हामानयात वनापं ज्‍या याइपिं मेपिं भारदारत स्‍वयाः अप्‍वः पद थकयाः देय्‌या प्रधान मन्‍त्री यात।

एस्‍तर 3:11

जुजुं हामानयात धाल, “थ्‍व वहः थके ति! उपिं मनूतय्‌त छन्‍त छु याये मास्‍ति व व हे या!”

एस्‍तर 3:9

यदि छसपोलया इच्‍छा दत धाःसा इमित नाश यानाछ्वयेगु निंतिं छगू उजं पौ च्‍वयाबियादिसँ। थ्‍व ज्‍या याइपिं छसपोलया हाकिमतय्‌गु निंतिं जिं जुजुया धुकुति जम्‍मा यायेत स्‍वगू लाख पिइद्वः किलोग्राम वहः बी।”

एस्‍तर 7:6

एस्‍तरं धाल, “व विरोधी शत्रु थ्‍व हे दुष्‍ट हामान खः।” अले जुजु व रानीया न्‍ह्यःने हामान तसकं ग्‍यात।

एस्‍तर 8:2

अले जुजुं हामानपाखें कयातःगु राज्‍यया छाप दुगु अंगू त्‍वयाः मोर्दकैयात बिल। एस्‍तरं नं हामानपाखें कयातःगु छेँबुँ मोर्दकैया जिम्‍माय् बिल।

एस्‍तर 8:8

आः छिमिसं यहूदीतय् पंलिनाः छिमित छु मनासिब जू मेगु छगू जिगु उजंकथं पौ च्‍वकि अले उकी जिगु अंगू छाप तयाब्‍यु छाय्‌धाःसा जुजुया नामं च्‍वयाः जुजुयागु अंगू छाप दुगु पौ सुनानं रद्द याये फइ मखु।”