एस्‍तर 2:5 - नेवाः बाइबल

⁵ राजधानी शूशनय् मोर्दकै नां दुम्‍ह छम्‍ह यहूदी च्‍वनीगु जुयाच्‍वन। मोर्दकै याईरया काय्, शिमीया छय्‌ व कीशया छुइ अले बेन्‍यामीन कुलयाम्‍ह खः।

एस्‍तर 2:5 ပူးပေါင်းရင်းမြစ်များ

२ शमूएल 16:5

दाऊद जुजु बहूरीमय् थ्‍यंकः वःबलय् अन शाऊलया घरानाया छम्‍ह मनू गेराया काय् शिमी वयाः दाऊदयात सराः ब्‍युब्‍युं नापलाः वल।

२ राजा 24:12

यहूदाया जुजु यहोयाकीन, वया मां, वयात सल्‍लाहबीपिं, वया भारदारत सकसिनं थःपिन्‍त वयागु ल्‍हातय् लःल्‍हाना बिल। बेबिलोनयाम्‍ह जुजुं थः जुजु जूगु च्‍यागूगु दँय् यहोयाकीनयात ज्‍वनाः कुन।

२ राजा 24:15

नबूकदनेसरं यहोयाकीनयात ज्‍वनाः बेबिलोनय् यंकल। वं यरूशलेमं रानीमां, वया कलाःपिं, वया हाकिमत व देशयापिं नांजाःपिं मनूतय्‌त यरूशलेमं बेबिलोनय् यंकल।

एस्‍तर 1:2

उबलय् अहासूरस महाराजं थःगु राजधानी शूशनय् च्‍वंगु गद्दीं शासन याइगु खः।

एस्‍तर 10:3

जुजुया क्‍वय्‌या दर्जायाम्‍ह यहूदी मोर्दकै छम्‍ह हे जक खः। व यहूदीत मध्‍ये छम्‍ह हे जक तसकं तःधंम्‍ह व नांजाःम्‍ह खः। अले व थःगु देशय् थः यहूदी दाजुकिजापिनि दथुइ तसकं भिंम्‍ह जुल छाय्‌धाःसा वं थःमनूतय्‌गु भिं यानाः सकल यहूदीतय्‌त बचय् यात।

एस्‍तर 2:3

छसपोलं थः भारदारतय्‌त देशया फुक्‍क प्रान्‍तय् दुपिं बांबांलाःपिं बिया मछ्वनिपिं मिसात राजधानी शूशनय् च्‍वंगु मिसात तइगु दुनेया लाय्‌कुलिइ हयेत उजं बियादिसँ। अले इमित जुजुया मिसात कःघाना च्‍वंम्‍ह नपुंसक हेगेयात जिम्‍मा बियादिसँ। इमित थीथी कथंया समाः ज्‍वलं नं बियादिसँ।

एस्‍तर 2:4

अले छसपोलं गुम्‍ह मिसा यय्‌कादी वयात हे वश्‍ती रानीया पलेसा रानी दय्‌कादिसँ।” जुजुयात थ्‍व सल्‍लाह येल अले वं अथे हे यात।

एस्‍तर 5:1

अपसं च्‍वंगु स्‍वन्‍हु खुन्‍हु एस्‍तरं थःगु शाही वसः पुन। अले दरबारया दुने च्‍वंगु चुकय् वनाः दनाच्‍वन। उबलय् जुजु लुखापाखे स्‍वयाः सिंहासनय् फेतुनाच्‍वंगु खः।

१ शमूएल 9:1

बेन्‍यामीन कुलया हनेबहःम्‍ह व तःमिम्‍ह मनू छम्‍ह दु। वयागु नां कीश खः। व अबीएलया काय्, जरोरया छय्, बकोरतया छुइ, आपीहया उइ खः।