एस्‍तर 2:23 - नेवाः बाइबल

²³ थ्‍व खँयात कयाः न्‍यंकं दुवालाः स्‍वःबलय् धात्‍थें खः धयागु दसि लुल अले जुजुं उपिं निम्‍ह मनूयात थामय् यख्‍खायाः स्‍यानाबिल। थुपिं फुक्‍कं खँ जुजुयागु न्‍ह्यःने इतिहासया सफुलिइ च्‍वल।

एस्‍तर 2:23 ပူးပေါင်းရင်းမြစ်များ

उत्‍पत्ति 40:19

स्‍वन्‍हुया दुने हे फारों छिगु छ्यं ध्‍यनाबी, अले छितः थामय् यख्‍खाइ। झंगःपंक्षीतय्‌सं छिगु ला त्‍वाथं क्‍वात्तु क्‍वानाः नइ।’”

उत्‍पत्ति 40:22

मरि छुइम्‍ह नायःयात धाःसा यख्‍खानाः स्‍यात। थ्‍व फुक्‍क योसेफं धाःथें जुल।

एज्रा 4:15

पुलांगु भ्‍वँतय् माला स्‍वल धाःसा थ्‍व यरूशलेम शहर छगू विद्रोही शहर जूगु व पुलांगु इलंनिसें हे जुजुपिं व प्रदेशयापिं शासकतय्‌त दुःख बियावयाच्‍वंगु खँ छःपिन्‍सं सीकादी। अथे जुयाः हे थ्‍व शहरयात नाश याःगु खः।

एस्‍तर 10:2

जुजुया अधिकार, तःधंगु ज्‍यात अले गुकथं मोर्दकैयात तःधंगु पदया निंतिं ल्‍ययाः, उपिं फुक्‍क खँ फारस व मादीया जुजुयागु इतिहासया सफुलिइ च्‍वयातःगु दु।

एस्‍तर 5:14

अले वया कलाः व सकल पासापिन्‍सं वयात धाल, “निइन्‍यागू मिटर तःजाःगु छगू फांसि बीगु थां थनादिसँ, अले सुथय् मोर्दकैयात थामय् यख्‍खाय्‌त जुजुयात इनाप यानादिसँ। अले खुसि जुयाः जुजुनापं भ्‍वय् नयेत झासँ।” हामानयात थ्‍व खँ तसकं यल अले वं व फांसि बीगु थां धस्‍वाके बिल।

एस्‍तर 6:1

उखुन्‍हु चान्‍हय् जुजु द्यने मफुत, अथे जुयाः भारदारतय्‌त सःताः थःगु शासनया इलय् जूगु फुक्‍क घटना च्‍वयातःगु सफू ब्‍वनाः न्‍यंकेत उजं बिल। अले जुजुयात व ब्‍वनाः न्‍यंकल।

एस्‍तर 7:10

थुकथं मोर्दकैयात फांसि बीगु निंतिं थःम्‍हं हे दय्‌कातःगु सिँया थामय् हामानयात यख्‍खात। अनंलि जुजुयागु तं क्‍वलाना वन।

मलाकी 3:16

परमप्रभुया भय काइपिं मनूतय्‌सं थःथवय् थथे खँ ल्‍हाना च्‍वंबलय् परमप्रभुं इमिगु खँ ध्‍यान बियाः न्‍यनादिल। अले वय्‌कःयागु भय काइपिं व वय्‌कःयात हनाबना तइपिनिगु नां इमिगु लुमन्‍तिया निंतिं वय्‌कःया न्‍ह्यःने छगू सफुतिइ च्‍वल।

यहोशू 8:29

वं ऐयाम्‍ह जुजुयात छगू थामं सुयाबिल अले वयात सन्‍ध्‍याकाः ई तक हे अन तया तल। सूर्य बिनावंगु इलय् वं वयागु म्‍हयात थामं क्‍वकयाः शहरयागु ध्‍वाखाया क्‍वय् वांछ्वयाबिल। इमिसं सीम्‍ह च्‍वय् ल्‍वहंयागु द्वं मुंकाबिल। व थौं तक द हे दनि।