एस्‍तर 2:18 - नेवाः बाइबल

¹⁸ अनंलि जुजुं एस्‍तरयात तःधंगु मान बियाः सकल भारदारत, हाकिमतय्‌त सःताः तःधंगु भ्‍वय् न्‍याय्‌कल। अले जुजुं फुक्‍क प्रान्‍तय् बिदा बीगु घोषणा यात अले जुजुं बीमाःगु कोसेलि इनाबिल।

एस्‍तर 2:18 ပူးပေါင်းရင်းမြစ်များ

उत्‍पत्ति 29:22

लाबानं अन च्‍वंपिं फुक्‍क मनूतय्‌त सःताः भ्‍वय् नकल।

नहेम्‍याह 8:11

लेवीतय्‌सं थथे धयाः मनूतय्‌त सुम्‍क तल, “सुम्‍क च्‍वँ, थौंया दिं पवित्र दिं खः, नुगः मछिंके मते।”

एस्‍तर 1:7

थीथी कथंयागु लुँयागु ख्‍वल्‍चाय् जुजुं दरबारय् त्‍वनीगु दाखमद्य नुगः मस्‍यासें सकसितं त्‍वनेत इनाबिल।

एस्‍तर 9:22

उबलय् यहूदीतय्‌त थः शत्रुपाखें बचय् जुयाः न्‍हूगु जीवन दुगुलिं इमिगु दुःखपाखें खुशी व लसताय् हिउगु दु धकाः नं च्‍वल। अले इमिसं उपिं दिंखुन्‍हु लसताया नखःकथं छम्‍हय्‌सिनं मेम्‍हय्‌सित नयेगु नसा बीगु व नये मखंपिन्‍त नं कोसेलि बीगु दिंकथं हनय् यायेमाः धकाः वं च्‍वल।

श्रेष्‍ठगीत 3:11

हे सियोनया म्‍ह्याय्‌पिं, पिने पिहां वा, जुजु सोलोमनं मुकुट पुगू स्‍वः वा, व मुकुट वया मांनं ब्‍याहाया दिंखुन्‍हु लय्‌ताःबलय् वयात पुइकाब्‍यूगु खः।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

मत्ती 22:2

“स्‍वर्गयागु राज्‍य थथे च्‍वं – छकः छम्‍ह जुजुं थः काय्‌यागु ब्‍याहाया भ्‍वय् सःतल।

मर्कूस 6:21

छन्‍हु हेरोदं यूहन्‍नायात स्‍यायेगु मौका काल। वयागु जन्‍मदिं खुन्‍हु छगू तःधंगु भ्‍वय् सःतल। भ्‍वजय् गालीलया हाकिमत, तःधंपिं कप्‍तानत व मेमेपिं ततःधंपिं मनूतय्‌त सःतल।

लूका 14:8

“सुनानं छिकपिन्‍त ब्‍याहा भ्‍वजय् सःतातःगु दःसा छिकपिं च्‍वय् च्‍वनादी मते, छाय्‌धाःसा छिकपिं स्‍वयाः नं तःधंपिन्‍त भ्‍वय् सःतातःगु दये फु।

प्रकाश 11:10

अबलय् पृथ्‍वीइ च्‍वंपिं मनूत फुक्‍कं इपिं सीगुलिं लय्‌लय्‌ताइ। थ्‍व निम्‍ह अगमवक्तातय्‌सं यानाः पृथ्‍वीइ च्‍वंपिन्‍त तसकं सास्‍ती जुयाच्‍वंगुलिं इपिं लय्‌लय्‌तातां थःथवय् कोसेलि बीगु याइ।

प्रकाश 19:9

अले व स्‍वर्गदूतं जितः धाल – “थ्‍व च्‍वयाति, चीधिकःम्‍ह भ्‍याःचायागु ब्‍याहायागु भ्‍वजय् सःतूपिं मनूत तसकं हे धन्‍यपिं खः।” वं हानं धाल – “थ्‍व फुक्‍क परमेश्‍वरयागु सत्‍य वचन खः।”

१ शमूएल 25:8

छिकपिनि थः मनूतय्‌के न्‍यनादिसँ, अले इमिसं छितः फुक्‍कं सत्‍य खँ धयाबी। जिमि मनूतय्‌त दया यानाः स्‍वीकार यानादिसँ छाय्‌धाःसा थौंयागु न्‍हि तसकं भिं अले छिकपिनि दासतय्‌त व छपिनि काय् दाऊदयात छु बी फु बियादिसँ।’”