एस्‍तर 10:2 - नेवाः बाइबल

² जुजुया अधिकार, तःधंगु ज्‍यात अले गुकथं मोर्दकैयात तःधंगु पदया निंतिं ल्‍ययाः, उपिं फुक्‍क खँ फारस व मादीया जुजुयागु इतिहासया सफुलिइ च्‍वयातःगु दु।

एस्‍तर 10:2 ပူးပေါင်းရင်းမြစ်များ

१ राजा 11:41

सोलोमन जुजु जुयाच्‍वंबलय् जूगु फुक्‍क खँ, वं याःगु फुक्‍क ज्‍या व वयागु बुद्धिया बारे सोलोमनया इतिहासया सफुलिइ च्‍वयातःगु दु।

१ राजा 14:19

यारोबाम जुजु जुयाच्‍वंबलय् जूगु फुक्‍क खँ, वं याःगु लडाइँ व वं गुकथं शासन यात धइगु खँ इस्राएलया जुजुपिनिगु इतिहासया सफुलिइ च्‍वयातःगु दु।

१ राजा 22:39

आहाब जुजु जुयाच्‍वंबलय् जूगु फुक्‍क खँ, वं याःगु फुक्‍क ज्‍या, किसिया दं तयाः छाय्‌पिया तःगु वयागु दरबार व वं पखाः व ध्‍वाखा दय्‌काः बल्‍लाकूगु शहरतय्‌गु बारे इस्राएलया जुजुपिनिगु इतिहासया सफुलिइ च्‍वयातःगु दु।

एस्‍तर 2:23

थ्‍व खँयात कयाः न्‍यंकं दुवालाः स्‍वःबलय् धात्‍थें खः धयागु दसि लुल अले जुजुं उपिं निम्‍ह मनूयात थामय् यख्‍खायाः स्‍यानाबिल। थुपिं फुक्‍कं खँ जुजुयागु न्‍ह्यःने इतिहासया सफुलिइ च्‍वल।

एस्‍तर 6:1

उखुन्‍हु चान्‍हय् जुजु द्यने मफुत, अथे जुयाः भारदारतय्‌त सःताः थःगु शासनया इलय् जूगु फुक्‍क घटना च्‍वयातःगु सफू ब्‍वनाः न्‍यंकेत उजं बिल। अले जुजुयात व ब्‍वनाः न्‍यंकल।

एस्‍तर 8:15

अले मोर्दकै वँचुगु व तुयुगु जुजुया वसः फिनाः तग्‍वःगु लुँया श्रीपेच पुयाः प्‍याजीगु मलमलया लं फिनाः दरबारं पिहां वन। अनंलि शूशन शहरय् खुशी व आनन्‍द मानय् यात।

एस्‍तर 8:2

अले जुजुं हामानपाखें कयातःगु राज्‍यया छाप दुगु अंगू त्‍वयाः मोर्दकैयात बिल। एस्‍तरं नं हामानपाखें कयातःगु छेँबुँ मोर्दकैया जिम्‍माय् बिल।

एस्‍तर 9:4

मोर्दकै दरबारयाम्‍ह छम्‍ह मू मनू जुल अले वया शक्ति व मान अप्‍वया वन अले वया नां फुक्‍क प्रान्‍तय् बय्‌बय् जुल।

भजनसंग्रहया सफू 18:35

हे परमप्रभु! छिं जितः थःगु ढाल बियाः बचय् यानादीगु दु। छिगु जव ल्‍हातिं जितः तिबः बियाच्‍वंगु दु। छिगु ग्‍वाहालिं जितः तःधंकादीगु दु।

दानिएल 2:48

अनंलि जुजुं दानिएलयात तसकं मू वंगु देछात बियाः तःधंगु पदय् तल, वं वयात बेबिलोनया फुक्‍क प्रान्‍तयाम्‍ह शासक ल्‍यल। अले वयात अनया सकल ज्ञान दुपिं मनूतय् नायः दय्‌कल।