एस्‍तर 1:7 - नेवाः बाइबल

⁷ थीथी कथंयागु लुँयागु ख्‍वल्‍चाय् जुजुं दरबारय् त्‍वनीगु दाखमद्य नुगः मस्‍यासें सकसितं त्‍वनेत इनाबिल।

एस्‍तर 1:7 ပူးပေါင်းရင်းမြစ်များ

१ राजा 10:21

जुजु सोलोमनया फुक्‍क त्‍वनेगु ख्‍वलात लुँयागु खः। अले “लेबनानया गुँ” धाःगु दरबारय् दुगु फुक्‍क थलबल नं लुँयागु खः। छुं नं चिज वहलं दय्‌कूगु मखु छाय्‌धाःसा सोलोमनया पालय् वहः तसकं दं।

२ इतिहास 9:20

जुजु सोलोमनया फुक्‍क त्‍वनेगु ख्‍वलात भिंगु लुँयागु खः। अले लेबनानया गुँ धाःगु लाय्‌कुलिइ दुगु फुक्‍क थलबल नं भिंगु लुँयागु खः। वहःयागु छुं नं सामानत मदय्‌कू छाय्‌धाःसा सोलोमनया पालय् वहःयागु छुं मू मदु।

एस्‍तर 1:8

अन सुयातं करं त्‍वंकेगु नियम मदु। बरु फुक्‍क मनूतय्‌गु इच्‍छा थुइकी धकाः महाराजं थःगु धुकुतिं दाखमद्य त्‍वंकीपिं च्‍यःतय्‌त उजं बियादिल।

एस्‍तर 2:18

अनंलि जुजुं एस्‍तरयात तःधंगु मान बियाः सकल भारदारत, हाकिमतय्‌त सःताः तःधंगु भ्‍वय् न्‍याय्‌कल। अले जुजुं फुक्‍क प्रान्‍तय् बिदा बीगु घोषणा यात अले जुजुं बीमाःगु कोसेलि इनाबिल।

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।